Pylsan kostar nú 500 krónur

Ein pylsa kostar nú 500 krónur hjá Bæjarins bestu pylsum. Eigandi og framkvæmdastjóri fyrirtækisins segir að verðhækkunina skýrast af hækkandi aðfangakostnaði, en þó einna helst hraðri aukningu launakostnaðar.

Þetta kom fram á vef Fréttablaðsins í gær. Verð á pylsunni hækkar um þrjátíu krónur, úr 470 í 500 krónur.

Haft er eftir Guðrúnu Kristmundsdóttur, eiganda og framkvæmdastjóra, að verð hafi ekki hækkað í mörg ár en að nauðsynlegt sé að grípa til þessa ráðs nú.

„Launakostnaður er kominn vel yfir 40 prósent af tekjum,“ er haft eftir Guðrúnu.

Árið 2015 kostaði pylsan 400 krónur, en árið 2017 var verðið hækkað í 450 krónur.