Fótbolti

Jón Dagur í byrjunar­liði er AGF lagði Brönd­by

Runólfur Trausti Þórhallsson skrifar
Jón Dagur var í byrjunarliði AGF að venju í kvöld.
Jón Dagur var í byrjunarliði AGF að venju í kvöld. Cathrin Mueller/Getty Images

AGF vann góðan 3-1 sigur á Bröndby í dönsku úrvalsdeildinni í kvöld. Alls komu tveir íslenskir landsliðsmenn við sögu. Jón Dagur Þorsteinsson var í byrjunarliði AGF á meðan Hjörtur Hermannsson kom inn af varamannabekk Bröndby í hálfleik.

Gift Links kom heimamönnum í AGF yfir á 37. mínútu leiksins en Simon Hedlund jafnaði metin fyrir gestina í Bröndby áður en fyrri hálfleik var lokið. Staðan því 1-1 er Hjörtur kom inn í lið gestanna í hálfleiki.

Það dró til tíðinda eftir aðeins fimm mínútna leik í síðari hálfleik. Þá nældi Morten Frendrup í sitt annað gula spjald og þurfti Bröndby því að leika manni færri síðustu 40 mínútur leiksins.

Það nýttu heimamenn sér en Patrick Mortensen kom þeim yfir á 78. mínútu og Albert Grønbæk gulltryggði sigurinn aðeins tveimur mínútum síðar. Staðan orðin 3-1 og reyndust það lokatölur leiksins.

AGF stekkur upp í 4. sæti deildarinnar með sigri kvöldsins þegar 11 umferðum er lokið. Liðið er með 18 stig en Bröndby situr sæti ofar með 21 stig.

Fótbolti Danski boltinn

Mest lesið


Fleiri fréttir

Sjá meira


×

Mest lesið