Fótbolti

Liverpool mætir Leipzig og stórslagur Barcelona og PSG í sextán liða úrslitunum

Ingvi Þór Sæmundsson skrifar
Evrópumeistarar Bayern München mæta Lazio í sextán liða úrslitum Meistaradeildar Evrópu.
Evrópumeistarar Bayern München mæta Lazio í sextán liða úrslitum Meistaradeildar Evrópu. getty/Miguel A. Lopes

Dregið var í sextán liða úrslit Meistaradeildar Evrópu í dag. Englandsmeistarar Liverpool mæta RB Leipzig en stærsta viðureign sextán liða úrslitanna er slagur Barcelona og Paris Saint-Germain.

Chelsea datt ekki í lukkupottinn en liðið mætir Atlético Madrid, toppliðinu á Spáni. Manchester City getur ágætlega við unað en liðið drógst gegn Borussia Mönchengladbach.

Evrópumeistarar Bayern München mæta Lazio sem er í fyrsta sinn í útsláttarkeppni Meistaradeildarinnar í tuttugu ár.

Atalanta, sem kom mjög á óvart á síðasta tímabili, mætir Real Madrid, sigursælasta liði í sögu Meistaradeildarinnar.

Sextán liða úrslit Meistaradeildarinnar

  • Gladbach - Man. City

  • Lazio - Bayern München

  • Atalanta - Real Madrid

  • Sevilla - Dortmund

  • Barcelona - PSG

  • Porto - Juventus

  • RB Leipzig - Liverpool

  • Atlético Madrid - Chelsea

Fyrri leikirnir í sextán liða úrslitunum fara fram 16. og 17. febrúar 2021 og seinni leikirnir 9. og 10. mars 2021.

Meistaradeild Evrópu er á Stöð 2 Sport en upplýsingar um útsendingar má finna hér. Meistaradeildin er hluti af Stöð 2 Sport erlent sem kostar 3.990 krónur á mánuði en einnig má kaupa útsendingar sem stakan viðburð á 990 krónur.

Meistaradeild Evrópu

Mest lesið


Fleiri fréttir

Sjá meira


×

Mest lesið