Heilbrigðiskerfi Ítalíu að kikna undan álagi Samúel Karl Ólason skrifar 18. mars 2020 11:16 Fjöldi sýktra heilbrigðisstarfsmanna er mjög hár í landinu eða hlutfallslega tvöfallt hærri en í Kína. AP/Luca Bruno Yfirvöld Ítalíu hafa ákveðið að fella niður lokapróf læknanema og útskrifa þá án þeirra. Aðgerðirnar ná yfir um tíu þúsund læknanema sem munu því útskrifast átta til níu mánuðum á undan áætlun. Markmiðið er að hjálpa heilbrigðiskerfi landsins sem er á kafi vegna nýju kórónuveirunnar en einnig hefur verið kallað eftir því að læknar á eftirlaunum snúi aftur til starfa. Um það bil þrjár vikur eru síðan krísan hófst á Ítalíu og á þeim tíma hafa sjúklingar bókstaflega hrannast upp. AP fréttaveitan ræddi við lækni í Brescia sem segir tómu húsnæði hafa verið breytt í gjörgæslu, þvottahúsi breytt í biðstofu og tjöld séu notuð til að greina sjúklinga. Náist ekki tök á ástandinu segir Sergio Cattaneo að heilbrigðiskerfi landsins, og þá sérstaklega norðurhluta þess, muni kikna undan álaginu. Cattaneo segir hraði útbreiðslu veirunnar hafa komið öllum á óvart og hana verði að stöðva. Um 2.500 hafa látið lífið á Ítalíu og rúmlega 31 þúsund smit hafa verið staðfest. Af þeim eru rúmlega 2.600 heilbrigðisstarfsmenn. Fjöldi sýktra heilbrigðisstarfsmanna er mjög hár í landinu eða hlutfallslega tvöfalt hærri en í Kína. Hér má sjá tíst frá forseta Gimbe Foundation á Ítalíu, sem eru samtök sem vinna að bótum á heilbrigðiskerfi landsins. Hann segir fjölda sýktra heilbrigðisstarfsmanna vera gífurlegt vandamál. #coronavirus: parliamo di un gravissimo problema.Il contagio degli operatori sanitari:- Sino a 11-3 non conoscevamo i numeri- Oggi sono 2.629 (8,3% dei casi totali)- Procedure e dispositivi protezione ancora inadeguatiPrendersi cura di chi si prende cura#COVID19italia pic.twitter.com/KfmCyRweiD— Nino Cartabellotta (@Cartabellotta) March 17, 2020 Samkvæmt frétt ítölsku fréttaveitunnar ANSA hefur AirBNB á Ítalíu boðið nýjum læknum og hjúkrunarfræðingum að finna tímabundið húsnæði að kostnaðarlaus. Ekki bara skortur á fólki Skortur á fólki er þó ekki eina vandamál heilbrigðiskerfis Ítalíu og jafnvel ekki einu sinni stærsta vandamálið. Þar er nefnilega mikill skortur hlífðarbúnaði og á öndunarvélum, eins og víða annars staðar í heiminum. Hingað til hefur um tíu prósent þeirra sem smitast þurft á innlögn á gjörgæslu að halda og þá sérstaklega vegna öndunarörðugleika. Yfirvöld Langbarðalands (Lombardy) vinna nú að því að byggja stærðarinnar bráðabirgðagjörgæslu í Mílan, þar sem á að koma fyrir 400 sjúklingum. Sérfræðingar og heilbrigðisstarfsmenn óttast þó að hvorki verði hægt að finna búnað eins og öndunarvélar fyrir sjúkrahúsið né manna það. Almannavarnir Ítalíu hafa gagnrýnt önnur ríki, þar sem hlífðarbúnaður eins og grímur og einnota hanskar er framleiddur, harðlega fyrir að stöðva útflutning slíkra vara til Ítalíu. Angelo Borrelli, yfirmaður Almannavarna Ítalíu, hefur sérstaklega nefnt Indland, Rússlands, Rúmeníu og Frakkland í því samhengi. Fangar á Ítalíu hafa þess vegna verið fengnir til að framleiða hlífðargrímur og er áætlað að þeir geti framleitt um tíu þúsund á dag. Bannað að reka fólk Ríkisstjórn Ítalíu hefur samþykkt 25 milljarða evra neyðarpakka sem ætlað er að styrkja stoðir heilbrigðiskerfis landsins og í senn styðja efnahag þess. Sergio Mattarella skrifaði undir lögin, sem kallast „Cura-Italia“, í morgun. Lögin fela meðal annars í sér aðgerðir sem snúa að skattaafslætti, frestun greiðslu opinberra gjalda, mataraðstoð fyrir fátæka og þá var kosningum á Ítalíu frestað fram á haust. Einnig verður fyrirtækjum meinað að reka fólk, án góðra ástæðna, næstu tvo mánuðina og foreldrar barna í skólum sem hefur veirð lokað fá aukið leyfi frá störfum, svo eitthvað sé nefnt. Giuseppe Conte, forsætisráðherra Ítalíu reyndi að stappa stálinu í þjóðina í gær. Oggi stiamo affrontando una nuova prova. Difficilissima. Sono tanti gli italiani che in queste ore versano lacrime per la perdita di un familiare, che vivono l angoscia di un ricovero, la lontananza dei propri cari, la chiusura della propria attività, l incertezza del futuro.— Giuseppe Conte (@GiuseppeConteIT) March 17, 2020 Ítalía Faraldur kórónuveiru (COVID-19) Mest lesið „Ef hann hefði verið einn þá hefði þetta getað farið miklu verr“ Innlent Af hverju er barnið mitt alltaf að segja Skibidi toilet? Innlent Sneri aftur á vettvang banatilræðisins Erlent „Þegar hægrið fær að ráða ferðinni óheft og án alls taumhalds fer illa“ Innlent Mótmælendur hindruðu för lögreglubíls í forgangsakstri Innlent Fagna löngu tímabærri breytingu Innlent Tveir reyndust í skotti bíls Innlent Fannst hann þvingaður til að afsala sér hundinum Innlent Vilhjálmur Hjálmarsson kjörinn varaformaður ÖBÍ Innlent Bátarnir frá eldgosinu í Vestmannaeyjum málaðir á vita Innlent Fleiri fréttir Sneri aftur á vettvang banatilræðisins Engum verði vísað út við myndbirtingu Minnst sextán látnir í aurskriðum í Bosníu og Hersegóvínu Einn af leiðtogum Hamas lést í loftárás á Líbanon Minnst sjötíu í valnum eftir árás glæpamanna Versnandi ástand í Pokrovsk Trump sagði Pence að hann yrði fyrirlitinn og talinn heimskur Gerðu árás á landamærastöð þar sem tugir þúsunda hafa flúið Obama leggur land undir fót fyrir Harris í næstu viku Sýknaðir af alvarlegustu ákærunum vegna dauða Nichols Hvaldímír drapst af völdum bakteríusýkingar 21 árs konu bjargað á Gasa tíu árum eftir að henni var rænt Arftaki Nasrallah sagður drepinn í árás Ísraela Vita um tvo Íslendinga í Líbanon Segja íbúum tuttugu og fimm þorpa að flýja Hringmyrkvi sýnilegur yfir syðsta oddi Suður-Ameríku Fyrsta heimsókn Rutte til Úkraínu Íhuga árásir á olíuvinnslur og kjarnorkustöðvar í Íran Nýnasisti sagðist ekki hafa stungið börn vegna rasisma Rússar reyndu að skjóta niður ísraelskar stýriflaugar Slökkva á tækjum næstvíðförlasta geimfarsins til að lengja líf þess Lét sér fátt um finnast að Pence væri í hættu Forsetinn neitar að undirrita lög gegn hinsegin fólki Tekur einarða afstöðu með þungunarrofi og sjálfræði kvenna Læknir játar sök í tengslum við dauða Matthew Perry Starfsfólk farið að þjást af „laxaastma“ Fimm látnir í Beirút eftir loftárás á heilsugæslu Maðurinn á bak við Tripp Trapp-stólinn látinn Verulegar líkur á að stórt stríð brjótist út í Miðausturlöndum Þrír ungir Svíar handteknir vegna sprenginganna í Kaupmannahöfn Sjá meira
Yfirvöld Ítalíu hafa ákveðið að fella niður lokapróf læknanema og útskrifa þá án þeirra. Aðgerðirnar ná yfir um tíu þúsund læknanema sem munu því útskrifast átta til níu mánuðum á undan áætlun. Markmiðið er að hjálpa heilbrigðiskerfi landsins sem er á kafi vegna nýju kórónuveirunnar en einnig hefur verið kallað eftir því að læknar á eftirlaunum snúi aftur til starfa. Um það bil þrjár vikur eru síðan krísan hófst á Ítalíu og á þeim tíma hafa sjúklingar bókstaflega hrannast upp. AP fréttaveitan ræddi við lækni í Brescia sem segir tómu húsnæði hafa verið breytt í gjörgæslu, þvottahúsi breytt í biðstofu og tjöld séu notuð til að greina sjúklinga. Náist ekki tök á ástandinu segir Sergio Cattaneo að heilbrigðiskerfi landsins, og þá sérstaklega norðurhluta þess, muni kikna undan álaginu. Cattaneo segir hraði útbreiðslu veirunnar hafa komið öllum á óvart og hana verði að stöðva. Um 2.500 hafa látið lífið á Ítalíu og rúmlega 31 þúsund smit hafa verið staðfest. Af þeim eru rúmlega 2.600 heilbrigðisstarfsmenn. Fjöldi sýktra heilbrigðisstarfsmanna er mjög hár í landinu eða hlutfallslega tvöfalt hærri en í Kína. Hér má sjá tíst frá forseta Gimbe Foundation á Ítalíu, sem eru samtök sem vinna að bótum á heilbrigðiskerfi landsins. Hann segir fjölda sýktra heilbrigðisstarfsmanna vera gífurlegt vandamál. #coronavirus: parliamo di un gravissimo problema.Il contagio degli operatori sanitari:- Sino a 11-3 non conoscevamo i numeri- Oggi sono 2.629 (8,3% dei casi totali)- Procedure e dispositivi protezione ancora inadeguatiPrendersi cura di chi si prende cura#COVID19italia pic.twitter.com/KfmCyRweiD— Nino Cartabellotta (@Cartabellotta) March 17, 2020 Samkvæmt frétt ítölsku fréttaveitunnar ANSA hefur AirBNB á Ítalíu boðið nýjum læknum og hjúkrunarfræðingum að finna tímabundið húsnæði að kostnaðarlaus. Ekki bara skortur á fólki Skortur á fólki er þó ekki eina vandamál heilbrigðiskerfis Ítalíu og jafnvel ekki einu sinni stærsta vandamálið. Þar er nefnilega mikill skortur hlífðarbúnaði og á öndunarvélum, eins og víða annars staðar í heiminum. Hingað til hefur um tíu prósent þeirra sem smitast þurft á innlögn á gjörgæslu að halda og þá sérstaklega vegna öndunarörðugleika. Yfirvöld Langbarðalands (Lombardy) vinna nú að því að byggja stærðarinnar bráðabirgðagjörgæslu í Mílan, þar sem á að koma fyrir 400 sjúklingum. Sérfræðingar og heilbrigðisstarfsmenn óttast þó að hvorki verði hægt að finna búnað eins og öndunarvélar fyrir sjúkrahúsið né manna það. Almannavarnir Ítalíu hafa gagnrýnt önnur ríki, þar sem hlífðarbúnaður eins og grímur og einnota hanskar er framleiddur, harðlega fyrir að stöðva útflutning slíkra vara til Ítalíu. Angelo Borrelli, yfirmaður Almannavarna Ítalíu, hefur sérstaklega nefnt Indland, Rússlands, Rúmeníu og Frakkland í því samhengi. Fangar á Ítalíu hafa þess vegna verið fengnir til að framleiða hlífðargrímur og er áætlað að þeir geti framleitt um tíu þúsund á dag. Bannað að reka fólk Ríkisstjórn Ítalíu hefur samþykkt 25 milljarða evra neyðarpakka sem ætlað er að styrkja stoðir heilbrigðiskerfis landsins og í senn styðja efnahag þess. Sergio Mattarella skrifaði undir lögin, sem kallast „Cura-Italia“, í morgun. Lögin fela meðal annars í sér aðgerðir sem snúa að skattaafslætti, frestun greiðslu opinberra gjalda, mataraðstoð fyrir fátæka og þá var kosningum á Ítalíu frestað fram á haust. Einnig verður fyrirtækjum meinað að reka fólk, án góðra ástæðna, næstu tvo mánuðina og foreldrar barna í skólum sem hefur veirð lokað fá aukið leyfi frá störfum, svo eitthvað sé nefnt. Giuseppe Conte, forsætisráðherra Ítalíu reyndi að stappa stálinu í þjóðina í gær. Oggi stiamo affrontando una nuova prova. Difficilissima. Sono tanti gli italiani che in queste ore versano lacrime per la perdita di un familiare, che vivono l angoscia di un ricovero, la lontananza dei propri cari, la chiusura della propria attività, l incertezza del futuro.— Giuseppe Conte (@GiuseppeConteIT) March 17, 2020
Ítalía Faraldur kórónuveiru (COVID-19) Mest lesið „Ef hann hefði verið einn þá hefði þetta getað farið miklu verr“ Innlent Af hverju er barnið mitt alltaf að segja Skibidi toilet? Innlent Sneri aftur á vettvang banatilræðisins Erlent „Þegar hægrið fær að ráða ferðinni óheft og án alls taumhalds fer illa“ Innlent Mótmælendur hindruðu för lögreglubíls í forgangsakstri Innlent Fagna löngu tímabærri breytingu Innlent Tveir reyndust í skotti bíls Innlent Fannst hann þvingaður til að afsala sér hundinum Innlent Vilhjálmur Hjálmarsson kjörinn varaformaður ÖBÍ Innlent Bátarnir frá eldgosinu í Vestmannaeyjum málaðir á vita Innlent Fleiri fréttir Sneri aftur á vettvang banatilræðisins Engum verði vísað út við myndbirtingu Minnst sextán látnir í aurskriðum í Bosníu og Hersegóvínu Einn af leiðtogum Hamas lést í loftárás á Líbanon Minnst sjötíu í valnum eftir árás glæpamanna Versnandi ástand í Pokrovsk Trump sagði Pence að hann yrði fyrirlitinn og talinn heimskur Gerðu árás á landamærastöð þar sem tugir þúsunda hafa flúið Obama leggur land undir fót fyrir Harris í næstu viku Sýknaðir af alvarlegustu ákærunum vegna dauða Nichols Hvaldímír drapst af völdum bakteríusýkingar 21 árs konu bjargað á Gasa tíu árum eftir að henni var rænt Arftaki Nasrallah sagður drepinn í árás Ísraela Vita um tvo Íslendinga í Líbanon Segja íbúum tuttugu og fimm þorpa að flýja Hringmyrkvi sýnilegur yfir syðsta oddi Suður-Ameríku Fyrsta heimsókn Rutte til Úkraínu Íhuga árásir á olíuvinnslur og kjarnorkustöðvar í Íran Nýnasisti sagðist ekki hafa stungið börn vegna rasisma Rússar reyndu að skjóta niður ísraelskar stýriflaugar Slökkva á tækjum næstvíðförlasta geimfarsins til að lengja líf þess Lét sér fátt um finnast að Pence væri í hættu Forsetinn neitar að undirrita lög gegn hinsegin fólki Tekur einarða afstöðu með þungunarrofi og sjálfræði kvenna Læknir játar sök í tengslum við dauða Matthew Perry Starfsfólk farið að þjást af „laxaastma“ Fimm látnir í Beirút eftir loftárás á heilsugæslu Maðurinn á bak við Tripp Trapp-stólinn látinn Verulegar líkur á að stórt stríð brjótist út í Miðausturlöndum Þrír ungir Svíar handteknir vegna sprenginganna í Kaupmannahöfn Sjá meira