Ísland og Rúmeníu áttust að mætast í umspili um sæti á EM2020 í knattspyrnu í dag en þeim leiknum var frestað vegna kórónuveirunnar. Þjóðirnar mætast þó í dag.
Þjóðirnar munu mætast í vináttuleik í FIFA 20 leiknum en Aron Þormar Lárusson úr Fylki og Jóhann Ólafur Jóhannsson úr FH skipa lið Íslands. Þeir voru í liði Ísland í eEuro 2020 undankeppninni sem fór fram á dögunum.
Þjóðirnar munu leika tvo leiki og úrslit þeirra verða svo lögð saman til þess að krýna sigurvegara.
Leikurinn verður sýndur í beinni útsendingu á Stöð 2 eSport sem og á Vísi. Útsending hefst klukkan 16.20 en leikurinn sjálfur hefst klukkan 16.30.
Ísland og Rúmenía munu leika vináttuleik í FIFA 20 fimmtudaginn 26. mars, en það er einmitt dagurinn sem A landslið þjóðanna áttu að mætast í umspili undankeppni EM 2020!#eFótbolti https://t.co/BWbQ58Pzcf
— Knattspyrnusambandið (@footballiceland) March 24, 2020
