Skúli sannfærður um að ferðaþjónustan muni ná sér á strik á nýjan leik Vésteinn Örn Pétursson skrifar 29. mars 2020 08:20 Skúli Mogensen á Startup ráðstefnu í Hörpu. Vísir/Vilhelm „Aldrei nokkurn tímann hefði ég trúað því að nákvæmlega ári eftir fall WOW air væri nánast hvert einasta flugfélag í heiminum á barmi gjaldþrots og að leita á náðir ríksvalda um ríkisaðstoð með einum eða öðrum hætti.“ Svona hefst færsla sem Skúli Mogensen, viðskiptamaður og stofnandi hins fallna WOW air, birti á Facebook-síðu sinni í gær, þegar ár var liðið frá falli félagsins. Þar segir hann að á því ári sem liðið er frá falli félagsins hafi vart liðið sá dagur þar sem hann velti ekki fyrir sér hvað hefði mátt gera betur eða öðruvísi til að tryggja áframhaldandi rekstur félagsins. Hann segist viss um að ferðaþjónusta Íslands eigi eftir að ná sér á strik að nýju, eftir kórónuveirufaraldurinn. „Margir hafa spurt mig undanfarna daga hvort ég sé ekki feginn að vera ekki enn þá í þessum blessaða flugrekstri í þessum ólgusjó að heyja lífróður enn eina ferðina en staðreyndin er sú að ég vildi hvergi annars staðar vera,“ skrifar Skúli. Vonar að kollegum sínum fatist ekki flugið Hann bætir við að þótt flugrekstur sé krefjandi, og aðstæðurnar sem nú eru uppi í heiminum séu engu líkar, finni hann til með sínum fyrrverandi kollegum um allan heim. Um sé að ræða fólk sem vinni myrkranna á milli til þess að halda flugfélögum sínum í loftinu, rétt eins og Skúli og hans samstarfsfólk gerði fyrir rúmu ári síðan. Sjálfur segist hann vona að til takist. „Þau eiga öll heiður skilið fyrir að standa vaktina því það er til mikils að vinna, sérstaklega hér á Íslandi þar sem ferðaþjónustan er orðin hryggjarstykkið í íslensku atvinnulífi. Við erum eyland og sennilega hefur aldrei verið jafn augljóst og nú hversu mikilvægar alþjóðlegar tengingar og samgöngur eru fyrir þjóðarbúið.“ Skúli segir mikilvægt við núverandi aðstæður að fólk gleymi sér ekki í smáatriðum og fyrirsögnum hvers dags, heldur horfi á stóru myndina og allt það sem Ísland hefur upp á að bjóða. „…Ísland er einstakt land með magnaða náttúru, sögu, menningu, fólk og margar af helstu auðlindum framtíðarinnar svo sem víðáttu, hreina orku, hreint vatn og loft, fiskinn í sjónum, jafnrétti og grunnstoðir sem á heildina litið virka mjög vel eins og við sjáum þessa dagana,“ skrifar Skúli. Íslendingar hafi því í raun allt í hendi til þess að halda áfram að byggja hér fyrirmyndarsamfélag. Segist hann sannfærður um að ferðaþjónustan muni þá dafna og vaxa að nýju þegar fram líða stundir. „Ég er óheimju stoltur af því sem við byggðum upp hjá WOW air og hvernig við áttum þátt í því að reisa við Ísland eftir fjármálahrunið og skapa þúsundir starfa og tugi milljarða í gjaldeyristekjur fyrir þjóðarbúið. WOW air var einstakt fyrirtæki með gríðarlega öflugu starfsfólki sem stóð þétt saman og ég sakna þeirra á hverjum einasta degi. Eina eftirsjá mín er að hafa ekki getað gert meira til að bjarga félaginu.“ WOW Air Faraldur kórónuveiru (COVID-19) Fréttir af flugi Mest lesið Birta stendur frammi fyrir 1,5 milljarða tapi á Play Viðskipti innlent Fordómar: „Mætti halda að á Íslandi væri ekkert sölustarf til“ Atvinnulíf Ósátt með samráðsleysi stjórnvalda Viðskipti innlent BYKO PLÚS er nýr fríðindaklúbbur fyrir einstaklinga Samstarf Atvinnuleysi minnkar lítillega Viðskipti innlent Samkaup segja upp tuttugu og tveimur Viðskipti innlent Fyrsta íslenska grænkera ostagerðin í hættu Viðskipti innlent Vonast til að hefja slátrun árið 2028 Viðskipti innlent Öryggismyndavélar á grenndarstöðvum eigi að sporna við sóðaskap Viðskipti innlent Kalla inn geislavirka límmiða Neytendur Fleiri fréttir Birta stendur frammi fyrir 1,5 milljarða tapi á Play Ósátt með samráðsleysi stjórnvalda Atvinnuleysi minnkar lítillega Samkaup segja upp tuttugu og tveimur Vonast til að hefja slátrun árið 2028 Öryggismyndavélar á grenndarstöðvum eigi að sporna við sóðaskap Vilja lækka fasteignaskatta um tvo milljarða: „Við eigum fyrir þessu“ Á von á fleiri fyrirtækjum í hópmálssókn gegn Booking.com Þrjú verkefni fengu styrk úr sjóði FrumkvöðlaAuðar Endurskoða áform um 1,5 milljarða skattahækkun Tekjur meiri af erlendum ferðamönnum og færri starfandi í ferðaþjónustu Flokka úrgang í fyrsta sinn á Norðurálsmótinu Hefur sjálfur séð eyðileggingu af völdum botnvörpuveiða Bjarg íbúðafélag reisir þrjátíu íbúðir í Reykjanesbæ Allir héldu stjörnunni og Óx fékk eina græna til Raquelita Rós ráðin tæknistjóri Um helmingur sérbýla kostar meira en 150 milljónir Sérstaða Íslendinga í máltækni nýtist í nýrri samnorrænni gervigreindarmiðstöð Ragnhildur, Svavar og Hreinn nýir stjórnendur hjá N1 Sigrún Ósk ráðin upplýsingafulltrúi Akraneskaupstaðar Selur ísbílinn eftir þrjátíu ár í bransanum Tilkynningum frá verslunareigendum um alvarleg atvik hafi fjölgað „Þetta var ekki gert til að flækja, alls ekki“ Gunnþór verður formaður SFS í stað Guðmundar Heilbrigðiseftirlitið varaði við breytingunum Hvernig get ég ávaxtað peninga barnanna minna sem best? Leita að einhverjum til að reka Kolaportið áfram á sama stað Efast um að veitingamenn óttist að styggja embættismenn Hrund nýr fjármálastjóri Íslandshótela Veitingamenn óttist að styggja embættismenn Sjá meira
„Aldrei nokkurn tímann hefði ég trúað því að nákvæmlega ári eftir fall WOW air væri nánast hvert einasta flugfélag í heiminum á barmi gjaldþrots og að leita á náðir ríksvalda um ríkisaðstoð með einum eða öðrum hætti.“ Svona hefst færsla sem Skúli Mogensen, viðskiptamaður og stofnandi hins fallna WOW air, birti á Facebook-síðu sinni í gær, þegar ár var liðið frá falli félagsins. Þar segir hann að á því ári sem liðið er frá falli félagsins hafi vart liðið sá dagur þar sem hann velti ekki fyrir sér hvað hefði mátt gera betur eða öðruvísi til að tryggja áframhaldandi rekstur félagsins. Hann segist viss um að ferðaþjónusta Íslands eigi eftir að ná sér á strik að nýju, eftir kórónuveirufaraldurinn. „Margir hafa spurt mig undanfarna daga hvort ég sé ekki feginn að vera ekki enn þá í þessum blessaða flugrekstri í þessum ólgusjó að heyja lífróður enn eina ferðina en staðreyndin er sú að ég vildi hvergi annars staðar vera,“ skrifar Skúli. Vonar að kollegum sínum fatist ekki flugið Hann bætir við að þótt flugrekstur sé krefjandi, og aðstæðurnar sem nú eru uppi í heiminum séu engu líkar, finni hann til með sínum fyrrverandi kollegum um allan heim. Um sé að ræða fólk sem vinni myrkranna á milli til þess að halda flugfélögum sínum í loftinu, rétt eins og Skúli og hans samstarfsfólk gerði fyrir rúmu ári síðan. Sjálfur segist hann vona að til takist. „Þau eiga öll heiður skilið fyrir að standa vaktina því það er til mikils að vinna, sérstaklega hér á Íslandi þar sem ferðaþjónustan er orðin hryggjarstykkið í íslensku atvinnulífi. Við erum eyland og sennilega hefur aldrei verið jafn augljóst og nú hversu mikilvægar alþjóðlegar tengingar og samgöngur eru fyrir þjóðarbúið.“ Skúli segir mikilvægt við núverandi aðstæður að fólk gleymi sér ekki í smáatriðum og fyrirsögnum hvers dags, heldur horfi á stóru myndina og allt það sem Ísland hefur upp á að bjóða. „…Ísland er einstakt land með magnaða náttúru, sögu, menningu, fólk og margar af helstu auðlindum framtíðarinnar svo sem víðáttu, hreina orku, hreint vatn og loft, fiskinn í sjónum, jafnrétti og grunnstoðir sem á heildina litið virka mjög vel eins og við sjáum þessa dagana,“ skrifar Skúli. Íslendingar hafi því í raun allt í hendi til þess að halda áfram að byggja hér fyrirmyndarsamfélag. Segist hann sannfærður um að ferðaþjónustan muni þá dafna og vaxa að nýju þegar fram líða stundir. „Ég er óheimju stoltur af því sem við byggðum upp hjá WOW air og hvernig við áttum þátt í því að reisa við Ísland eftir fjármálahrunið og skapa þúsundir starfa og tugi milljarða í gjaldeyristekjur fyrir þjóðarbúið. WOW air var einstakt fyrirtæki með gríðarlega öflugu starfsfólki sem stóð þétt saman og ég sakna þeirra á hverjum einasta degi. Eina eftirsjá mín er að hafa ekki getað gert meira til að bjarga félaginu.“
WOW Air Faraldur kórónuveiru (COVID-19) Fréttir af flugi Mest lesið Birta stendur frammi fyrir 1,5 milljarða tapi á Play Viðskipti innlent Fordómar: „Mætti halda að á Íslandi væri ekkert sölustarf til“ Atvinnulíf Ósátt með samráðsleysi stjórnvalda Viðskipti innlent BYKO PLÚS er nýr fríðindaklúbbur fyrir einstaklinga Samstarf Atvinnuleysi minnkar lítillega Viðskipti innlent Samkaup segja upp tuttugu og tveimur Viðskipti innlent Fyrsta íslenska grænkera ostagerðin í hættu Viðskipti innlent Vonast til að hefja slátrun árið 2028 Viðskipti innlent Öryggismyndavélar á grenndarstöðvum eigi að sporna við sóðaskap Viðskipti innlent Kalla inn geislavirka límmiða Neytendur Fleiri fréttir Birta stendur frammi fyrir 1,5 milljarða tapi á Play Ósátt með samráðsleysi stjórnvalda Atvinnuleysi minnkar lítillega Samkaup segja upp tuttugu og tveimur Vonast til að hefja slátrun árið 2028 Öryggismyndavélar á grenndarstöðvum eigi að sporna við sóðaskap Vilja lækka fasteignaskatta um tvo milljarða: „Við eigum fyrir þessu“ Á von á fleiri fyrirtækjum í hópmálssókn gegn Booking.com Þrjú verkefni fengu styrk úr sjóði FrumkvöðlaAuðar Endurskoða áform um 1,5 milljarða skattahækkun Tekjur meiri af erlendum ferðamönnum og færri starfandi í ferðaþjónustu Flokka úrgang í fyrsta sinn á Norðurálsmótinu Hefur sjálfur séð eyðileggingu af völdum botnvörpuveiða Bjarg íbúðafélag reisir þrjátíu íbúðir í Reykjanesbæ Allir héldu stjörnunni og Óx fékk eina græna til Raquelita Rós ráðin tæknistjóri Um helmingur sérbýla kostar meira en 150 milljónir Sérstaða Íslendinga í máltækni nýtist í nýrri samnorrænni gervigreindarmiðstöð Ragnhildur, Svavar og Hreinn nýir stjórnendur hjá N1 Sigrún Ósk ráðin upplýsingafulltrúi Akraneskaupstaðar Selur ísbílinn eftir þrjátíu ár í bransanum Tilkynningum frá verslunareigendum um alvarleg atvik hafi fjölgað „Þetta var ekki gert til að flækja, alls ekki“ Gunnþór verður formaður SFS í stað Guðmundar Heilbrigðiseftirlitið varaði við breytingunum Hvernig get ég ávaxtað peninga barnanna minna sem best? Leita að einhverjum til að reka Kolaportið áfram á sama stað Efast um að veitingamenn óttist að styggja embættismenn Hrund nýr fjármálastjóri Íslandshótela Veitingamenn óttist að styggja embættismenn Sjá meira