Dagskráin í dag: Ítölsk veisla, baráttan um Manchester og Barcelona

Fyrsta útsending dagsins er strax klukkan 11.30 er Cagliari og Benevento mætast en alls eru fimm beinar útsendingar úr ítalska boltanum í dag.

Inter Milan sækir Sampdoria heim klukkan 13.50 og á sama tíma taka Andri Fannar Baldursson og félagar í Bologna á móti Udinese.

Stórleikur dagsins á Ítalíu er svo klukkan 19.35 er risarnir; AC Milan og Juventus mætast en Mílanóliðið er á toppnum, tíu stigum á undan Juventus, sem er í fimmta sætinu.

Juventus á þó leik til góða en það er ekki bara á Ítalíu þar sem er stórleikur því á Englandi mætast Manchester liðin, City og United, í undanúrslitum enska deildarbikarsins.

Leikurinn hefst klukkan 19.45 en einnig má finna Lionel Messi og Barcelona gegn Athletic Bilbao á Stöð 2 Sport 4 í kvöld.

Allar beinar útsendingar dagsins sem og næstu daga má sjá hér.