Innlent

Rýmingar vegna snjóflóðahættu á Ísafirði

Samúel Karl Ólason skrifar
Rýmingarkort af Ísafirði. Reitur níu er fyrir miðja mynd.
Rýmingarkort af Ísafirði. Reitur níu er fyrir miðja mynd. Veðurstofa Íslands.

Ákveðið hefur verið að rýma hús á Ísafirði vegna snjóflóðahættu. Í tilkynningu frá Almannavarnadeild ríkislögreglustjóra segir að um reit níu sé að ræða og á honum sé atvinnuhúsnæði sem tryggt hafi verið að væru mannlaus í gærkvöldi.

Nokkur snjóflóð hafa fallið í Skutulsfirði í gær og í nótt, ar af þrjú fyrir ofan þennan reit.

Ekkert þeirra var þó mjög stórt en einnig er búið að rýma sorpmóttöku í Funa vegna snjóflóðahættu.

Í yfirlýsingu Almannavarna segir að snjósöfnun hafi verið töluverð síðasta einn og hálfan sólarhring. Áfram megi búast við svipuðu veðri fram eftir sunnudegi.

Því megi búast við áframhaldandi snjóflóðaástandi og samgöngutruflunum á Vestfjörðum í dag.

Veður Ísafjarðarbær Almannavarnir

Mest lesið


Fleiri fréttir

Sjá meira


×

Mest lesið