Innlent

Svona hljómuðu skjálftar næturinnar og morgunsins

Hjalti Freyr Ragnarsson skrifar
Flestir jarðskjálftar sem riðið hafa yfir síðan á miðnætti hafa átt upptök sín í grennd við Fagradalsfjall.
Flestir jarðskjálftar sem riðið hafa yfir síðan á miðnætti hafa átt upptök sín í grennd við Fagradalsfjall. visir/vilhelm

Tveir stórir jarðskjálftar fundust vel á suðvesturhorninu í nótt og í morgun. Sá fyrri reið yfir klukkan 03:14 í nótt og var 5,1 að stærð. Bárust Veðurstofunni tilkynningar að hann hefði fundist allt austur í Fljótshlíð og vestur í Búðardal.

Sá seinni reið yfir klukkan 08:49 í morgun og var 4,6 að stærð. Skjálftinn varð rétt austur af Fagradalsfjalli.

Egill Aðalsteinsson tökumaður fréttastofu náði skjálftunum tveimur á upptöku sem nálgast má í spilaranum hér fyrir neðan.

Yfir átta hundruð skjálftar hafa mælst á Reykjanesskaga frá miðnætti. Samkvæmt töflu á vef Veðurstofunnar hafa þeir langflestir verið við Fagradalsfjall. Þá hafa nokkrir einnig átt upptök sín norður eða norðaustur af Grindavík. 

Hulda Rós Helgadóttir, náttúrvársérfræðingur á Veðurstofu Íslands, sagði í samtali við fréttastofu í morgun að enginn órói hafi fylgt þessum stóra skjálfta. Þá væri ekki að sjá að kvika væri kominn upp á yfirborðið á svæðinu.

Eldgos og jarðhræringar Jarðhræringar á Reykjanesi

Tengdar fréttir

Snarpur morgunskjálfti

Jarðskjálfti fannst vel á suðvesturhorninu um klukkan 08:49 í morgun. Stærð hans reyndist 4,6 en skjálftinn fannst vel á höfuðborgarsvæðinu og Reykjanesi. Skjálftinn varð rétt austur af Fagradalsfjalli.

Mest lesið


Fleiri fréttir

Sjá meira


×

Mest lesið