Endur­komu­sigur Belga, þrenna frá Soucek og Frakkar gerðu jafn­tefli gegn Úkraínu

Það fóru fjölmargir leikir fram í undankeppni HM í Katar í kvöld en alls voru tólf leikir á dagskránni í dag.

Í A-riðlinum unnu Portúgalar 1-0 sigur á Aserbaídsjan á heimavelli en sigurmarkið var sjálfsmark Maksim Medvedev á 36. mínútu.

Í sama riðli unnu Serbar 3-2 sigur á Írlandi. Írar komust í 1-0 en Serbar svöruðu með tveimur mörkum frá Aleksandar Mitrovic og Dusan Vlahovic.

Í D-riðlinum voru jafnteflin tvö í tveimur leikjum. Finnland og Bosnía og Hersegóvína gerðu 2-2 jafntefli. Teemu Pukki skoraði bæði mörk Finna en Miralem Pjanic og Miroslav Stevanovic mörk gestanna.

Frakkland gerði einungis jafntefli við Úkraínu á heimavelli. Antoine Griezmann kom Frökkum yfir á nítjándu mínútu með fallegu skoti en sjálfsmark Presnel Kimpembe sá til þess að lokatölurnar urðu 1-1.

Belgía og Tékkland eru með þrjú stig eftir fyrstu umferðina í E-riðlinum. Harry Wilson kom Wales yfir gegn Belgum en Kevin de Bruyne og Thorgan Hazard tryggðu Belgum stigin þrjú.

Tékkar unnu 6-2 sigur á Eistlandi. Tomas Soucek gerði þrjú mörk fyrir Tékka, Jakub Jankto, Antonio Barak og Patrik Schik eitt mark hver. Henri Anier og Rauno Sappinen skoruðu mörk Eista.

Fyrr í dag unnu Tyrkir 4-2 sigur á Hollandi í G-riðlinum. Noregur vann 3-0 sigur á Gíbraltar í fyrsta leik Ståle Solbakken en mörkin skoruðu Alexander Sorlöth, Kristian Thorstvedt og Jonas Svensson.