Þetta staðfestir Margeir Sveinsson, yfirlögregluþjónn hjá miðlægri rannsóknardeild lögreglunnar, í samtali við fréttastofu. Maðurinn sem lögregla fer fram á gæsluvarðhald yfir er einn þriggja sem handteknir voru vegna málsins í gær.
Karlmaðurinn sem lést var fluttur á Landspítalann í gærmorgun en hann var svo úrskurðaður látinn síðdegis í gær. Lögregla greindi frá því í gær að rannsókn málsins væri á frumstigi, en ekki væri talið að það tengdist morðinu í Rauðagerði.
Uppfært klukkan 10:32: Í upprunarlegri útgáfu fréttarinnar var vísað í frétt Fréttablaðsins um að einn hefði verið úrskurðaður í gæsluvarðhald. Hið rétta er að lögregla hefur farið fram á gæsluvarðhald yfir einum manni.
