Fótbolti

Albert í liði umferðarinnar í Hollandi

Hjörtur Leó Guðjónsson skrifar
Albert Guðmundsson skoraði sigurmark AZ Alkmaar gegn Willem II um helgina.
Albert Guðmundsson skoraði sigurmark AZ Alkmaar gegn Willem II um helgina. ANP Sport/Getty Images

Albert Guðmundsson, leikmaður AZ Alkmaar og íslenska landsliðsins, hefur verið valinn í lið umferðarinnar í hollensku deildinni. Albert skoraði eina mark AZ Alkmaar þegar þeir mættu Willem II um helgina og tryggði þeim þar með sigur.

Með sigrinum lyfti AZ Alkmaar sér upp í 58 stig og er í þriðja sæti hollensku deildarinnar. Albert og félagar eru því 11 stigum á eftir toppliði Ajax.

Þetta var fimmta mark Alberts á tímabilinu, en hann hafði einni skorað áður í þessum sama leik en myndbandstæknin sá til þess að það mark var dæmt af.

Albert hlaut átta í einkunn fyrir frammistöðu sína hjá miðlinum AD í Hollandi, en liðið í heild sinni má sjá hér að neðan.

Hollenski boltinn

Mest lesið


Fleiri fréttir

Sjá meira


×

Mest lesið