Barcelona hafði samband við Hansi Flick

Hansi hefur gert magnaða hluti frá því að hann tók við Bayern á síðustu leiktíð eftir að Niko Kovic var sparkað frá Bæjaralandi.

Hann varð meðal annars Evrópumeistari með Bayern síðasta sumar eftir sigur á PSG í Meistaradeildinni en hann hættir í sumar. Julian Nagelsmann tekur við af Hansi.

Ansi líklegt er að Hansi taki við af Joachim Löw sem þjálfari þýska landsliðsins en Löw hættir eftir Evrópumótið í sumar.

Barcelona er þó sagt hafa reynt að lokka Flick til Katalóníu en þeir fengu nei; hann væri að fara taka við þýska landsliðinu.

Ronald Koeman er þjálfari Barcelona en hann er ekki talinn öruggur í sínu starfi.