Stór­sigur hjá Sil­ke­borg en Esb­jerg stein­lá gegn Vi­borg

Patrik Sigurður Gunnarsson var á sínum stað í marki Silkeborg og þá var Stefán Teitur Þórðarson á miðju liðsins. Silkeborg hefur gengið frábærlega á síðari hluta mótsins og er það að miklu leyti Patrik Sigurði að þakka.

Eftir að hafa varla fengið á sig mark í treyju liðsins hefur Silkeborg nú lekið fjórum mörkum í tveimur leikjum en það kom ekki að sök í dag. Silkeborg leiddi 2-1 í hálfleik og vann á endanum öruggan 4-1 sigur.

Andri Rúnar Bjarnaso n sat allan tímann á varamannabekk Esbjerg í 4-0 tapi gegn toppliði Viborg.

Viborg og Silkeborg eru bæði búin að tryggja sér sæti í dönsku úrvalsdeildinni á næstu leiktíð en það er hörð barátta um toppsætið þegar tvær umferðir eru eftir af úrslitakeppninni. Viborg er á toppnum með 70 stig og Silkeborg er stigi á eftir.