„Svakalegt að lesa um illviljann sem hér er afhjúpaður“ Jakob Bjarnar skrifar 21. maí 2021 12:38 Hallgrímur Helgason ritar um pistlaskrif Samherjamanna, en samkvæmt gögnum sem Kjarninn og Stundin hafa undir höndum eru pistlar sem sendir voru inn undir nafni Páls Steingrímssonar skipstjóra að stórum hluta samdir af Þorbirni Þórðarsyni almannatengli fyrirtækisins. vísir Hallgrímur Helgason rithöfundur fer háðulegum orðum um gervigrasrótarstarfsemi Samherja, segir þar illvilja ráða og sjúklegt hugarfar lítilla karla. Meðal þeirra sem til stóð að snúa niður, auk Helga Seljans, er Hallgrímur en hann skrifaði grein um Samherja sem þótti full ástæða til að gera torkennilega og höfundinn í leiðinni. Stundin og Kjarninn birtu í morgun samantekt sem byggir á gögnum sem virðast eiga ættir og uppruna að rekja til Páls Steingrímssonar skipstjóra en hann hefur verið ákafur talsmaður Samherja, einkum í kjölfar Samherjaskjalanna svokölluðu. Á daginn kemur að öllum hans skrifum er stýrt af áróðursdeild Samherja, sem Þorbjörn Þórðarson lögmaður fer fyrir í nánu samráði við yfirstjórn Samherja; Björgólf Jóhannsson fyrrverandi forstóra Þorstein Má Baldvinsson, Örnu Bryndísi McClure, yfirlögfræðing Samherja og fleiri má nefna. Þorsteinn Már og Arna eru meðal þeirra sex fyrrverandi og núverandi starfsmanna sjávarútvegsfyrirtækisins sem fengu réttarstöðu sakbornings við yfirheyrslur hjá sérstökum saksóknara í fyrra. Samkvæmt frétt Kjarnans hefur lekinn verið kærður, það er stuldur á gögnum úr tölvu eða síma Páls Steingrímssonar en Kjarninn segir að þau hafi komist yfir gögnin í gegnum þriðja aðila. Þó tilefnið sé alvarlegt, undirróðursstarfsemi sem ber öll einkenni gervigrasróttarstarfsemi sem þekkt er í áróðursfræðum, er ýmislegt í þessari yfirferð Stundarinnar og Kjarnans grátbroslegt. Þannig verður að heita nokkuð spaugilegt hvernig Hallgrímur þvælist inn í málið, sem byggir á gögnum frá Páli skipsstjóra. Þau sýni að fleiri hafi verið í skotlínunni en fréttamenn Ríkisútvarpsins. Beina sjónum sínum að Hallgrími Í tölvupóstsamskiptum þeirra Páls skipsstjóra og Þorbjörns, sem hefur haft veg og vanda að pistlaskrifum Páls að fengnu samþykki yfirstjórnar Samherja, má sjá hugmyndir „þess síðarnefnda [Páls] að svara grein Hallgríms, Skilið þýfinu, sem fjallar um Samherja, með því að spyrja hvort hann hafi „farið í neðstu skúffuna og fundið samviskuna sína eins og Jóhannes, og ætli að skila öllum listamannalaununum sem hann hefur þegið í gegnum árin,“ segir í frétt Stundarinnar: „… fengið samviskubit eftir að hafa bónað Tesluna sína og hlustað á fréttir af rafmagnsleysinu á landsbyggðinni um leið, batnandi mönnum er best að lifa.“ Hann ætti hins vegar eftir að fá „staðfest að Hallgrímur eigi tesluna en ekki nágranni hans, er að bíða eftir svari um það“. Það sagðist Þorbjörn geta gert, verandi með aðgang að fasteigna- og bifreiðaskrá. Eitthvað sem Páli þótti ánægjulegt og tveggja broskalla virði: „Glæsilegt :D þú ert rétti maðurinn fyrir okkur hjá Samherja :D“ Á daginn kom að Hallgrímur var ekki eigandi umræddrar bifreiðar og því varð ekkert að því að rithöfundurinn væri snúinn niður af þeim félögum. „Lýsir sjúklegu hugarfari lítilla karla“ Hallgrímur lætur þessu að ekki ósvarað en hann hefur skrifað pistil á Facebook-síðu sína þar sem hann víkur að þessu sérkennilega máli og umfjöllun Stundarinnar sem rithöfundurinn segir svakalega, um aðferðir skæruliðadeildar Samherja, sem seilist langt í baráttu sinni gegn því að sannleikurinn um afbrot fyrirtækisins fari í loftið og fólk sé minnt á þau. „Spjótunum er sem fyrr beint að Helga Seljan, og svakalegt að lesa um illviljann sem hér er afhjúpaður. En þarna kemur líka fram að njósnað hafi verið um heimili mitt vegna greinar sem ég skrifaði í desember 2019, þegar rafmagnsleysi skók byggðirnar fyrir norðan. Greinin sem ég skrifaði heitir reyndar ekki "Skilið þýfinu" eins og sagt er þarna heldur "Kaldir ofnar á Dalvík", og var nánast líkamlegt viðbragð við ástandinu á aðventunni 2019 þegar fólk hirðist í köldum og ljóslausum húsum í þessu höfuðvígi Samherja. Var að reyna að setja hlutina í samhengi.“ Hallgrímur segir að hjá skæruliðadeildinni sé klassískum aðferðum beitt og reynt að gera sig tortryggilegan. „Í njósnum sínum fundu þeir semsagt Teslu-bifreið í innkeyrslunni okkar og hugðust búa til hneyksli: Maður á listamannalaunum á Teslu! Þetta fellur þó fljótt þegar í ljós kemur að það eru nágrannarnir okkar í tvíbýlishúsinu, fólkið uppi, sem á Tesluna. En þetta lýsir sjúklegu hugarfari lítilla karla sem vinna óvart hjá stærsta og voldugasta fyrirtæki landsins sem nýtur einstakrar velvildar ríkisstjórnar Katrínar Jakobsdóttur.“ Leggur til að ríkisstjórnin verði kölluð Samherjastjórn Hallgrímur, sem er höfundur hugtaksins „Bláa höndin“ sem fleygt varð segir að höndin sú verði alltaf til. Sé hún höggvin af vaxi ný í staðinn. Og nú sé hún Samherjablá. „Eins og þið vitið á Samherji hálft samfélagið. Hallgrímur segir að Samherji eigi sinn ráðherra í ríkisstjórn, Kristján Þór Júlíusson sjávarútvegsráðherra og Katrín Jakobsdóttir hafi aldrei látið sér til hugar að setja ofan í við Samherjamenn.vísir/vilhelm Þeir eiga norðurland, Moggann (og þar með Bláu höndina gömlu, eða Gráu höndina kannski), Eimskip og ég veit ekki hvað (hef ekki nægan tíma til gúgglunar núna) og svo eiga þeir sjávarútvegsráðherrann, sem er hvorki meira né minna en fyrrum stjórnarformaður Samherja!. Og þar sem hann situr enn við ríkisstjórnarborðið á Samherji líka ríkisstjórnina,“ skrifar Hallgrímur og snýr sér því næst að stöðu Katrínar Jakobsdóttur í þessu samhengi: „Forsætisráðherra hefur aldrei tjáð sig af neinu viti, hvað þá krítískt, um sakamál Samherja, hvort sem þau skekja samfélögin í Namibíu, Noregi eða (og það sem manni sárnar hvað verst) í Færeyjum. Tilfinningin er sú að hér sé ekkert verið að rannsaka hin hrikalegu mál fyrirtækisins. Og það er mjög vond tilfinning. Það er því ekki furða að Samherjamenn telji sig komast upp með hvað sem er, eins og sést af þessum fréttum. Og forsætisráðherra mun heldur ekki tjá sig krítískt nú, eftir að skæruliðadeildin hefur verið afhjúpuð. Þess vegna skulum við bara kalla stjórnina Samherjastjórnina.“ Samherjaskjölin Samherji og Seðlabankinn Sjávarútvegur Fjölmiðlar Mest lesið Tveir reyndust í skotti bíls Innlent Fannst hann þvingaður til að afsala sér hundinum Innlent Harður þriggja bíla árekstur á Suðurlandsvegi Innlent Málningu kastað og ryskingar við sendiráðið Innlent Erfitt að setja tölu á hve margir vilji stjórnarslit Innlent Svandís og Guðmundur Ingi nýir leiðtogar Vinstri grænna Innlent Mótmælendur hindruðu för lögreglubíls í forgangsakstri Innlent Mannekla bindur hendur héraðssaksóknara í samráðsmáli Innlent Ríkisstjórnarflokkarnir mælast með tuttugu prósenta fylgi Innlent Engum verði vísað út við myndbirtingu Erlent Fleiri fréttir Af hverju er barnið mitt alltaf að segja Skibidi toilet? „Þegar hægrið fær að ráða ferðinni óheft og án alls taumhalds fer illa“ Fagna löngu tímabærri breytingu Átök í miðausturlöndum, ný forysta VG og mállýska unga fólksins Mótmælendur hindruðu för lögreglubíls í forgangsakstri Svandís og Guðmundur Ingi nýir leiðtogar Vinstri grænna Málningu kastað og ryskingar við sendiráðið Fannst hann þvingaður til að afsala sér hundinum Biskup Íslands predikar í Vík á 90 ára afmæli kirkjunnar Erfitt að setja tölu á hve margir vilji stjórnarslit Harður þriggja bíla árekstur á Suðurlandsvegi Landsfundur ræðir stjórnarslit og nýjum reglum um blóðgjöf fagnað Tveir stórir skjálftar í Bárðarbunguöskjunni Ríkisstjórnarflokkarnir mælast með tuttugu prósenta fylgi Þorgerður Katrín: Enginn ráðskonurass undir fólki í Viðreisn Tveir reyndust í skotti bíls Mannekla bindur hendur héraðssaksóknara í samráðsmáli Kertavaka til minningar um konur sem hafa dáið vegna kynbundins ofbeldis Munu hlýða kröfu landsfundar verði tillaga um stjórnarslit samþykkt Munu ekki láta af herferð vegna launaþjófnaðarins Orlof húsmæðra: Barn síns tíma eða liður í jafnrétti? Ákveðinn hópur hafi unnið að niðurstöðunni undir yfirborðinu „Öllum ljóst að Ölfusárbrú verði að rísa“ Loksins mega hommar gefa blóð Blóðgjöf samkynhneigðra karla leyfð og ósáttar húsmæður Fimm bíla árekstur á Vesturlandsvegi Nefndin deili ekki við þá sem gagnrýna hana á „mis málefnalegan hátt“ Bein útsending: Ávarp fráfarandi formanns Vinstri grænna Nágrannaerjur í Kópavogi: Ekki sýnt fram á að ákveðin tré valdi verulegum óþægindum Segir valsað um sjúkraskrána eins og á rölti um Kringluna Sjá meira
Meðal þeirra sem til stóð að snúa niður, auk Helga Seljans, er Hallgrímur en hann skrifaði grein um Samherja sem þótti full ástæða til að gera torkennilega og höfundinn í leiðinni. Stundin og Kjarninn birtu í morgun samantekt sem byggir á gögnum sem virðast eiga ættir og uppruna að rekja til Páls Steingrímssonar skipstjóra en hann hefur verið ákafur talsmaður Samherja, einkum í kjölfar Samherjaskjalanna svokölluðu. Á daginn kemur að öllum hans skrifum er stýrt af áróðursdeild Samherja, sem Þorbjörn Þórðarson lögmaður fer fyrir í nánu samráði við yfirstjórn Samherja; Björgólf Jóhannsson fyrrverandi forstóra Þorstein Má Baldvinsson, Örnu Bryndísi McClure, yfirlögfræðing Samherja og fleiri má nefna. Þorsteinn Már og Arna eru meðal þeirra sex fyrrverandi og núverandi starfsmanna sjávarútvegsfyrirtækisins sem fengu réttarstöðu sakbornings við yfirheyrslur hjá sérstökum saksóknara í fyrra. Samkvæmt frétt Kjarnans hefur lekinn verið kærður, það er stuldur á gögnum úr tölvu eða síma Páls Steingrímssonar en Kjarninn segir að þau hafi komist yfir gögnin í gegnum þriðja aðila. Þó tilefnið sé alvarlegt, undirróðursstarfsemi sem ber öll einkenni gervigrasróttarstarfsemi sem þekkt er í áróðursfræðum, er ýmislegt í þessari yfirferð Stundarinnar og Kjarnans grátbroslegt. Þannig verður að heita nokkuð spaugilegt hvernig Hallgrímur þvælist inn í málið, sem byggir á gögnum frá Páli skipsstjóra. Þau sýni að fleiri hafi verið í skotlínunni en fréttamenn Ríkisútvarpsins. Beina sjónum sínum að Hallgrími Í tölvupóstsamskiptum þeirra Páls skipsstjóra og Þorbjörns, sem hefur haft veg og vanda að pistlaskrifum Páls að fengnu samþykki yfirstjórnar Samherja, má sjá hugmyndir „þess síðarnefnda [Páls] að svara grein Hallgríms, Skilið þýfinu, sem fjallar um Samherja, með því að spyrja hvort hann hafi „farið í neðstu skúffuna og fundið samviskuna sína eins og Jóhannes, og ætli að skila öllum listamannalaununum sem hann hefur þegið í gegnum árin,“ segir í frétt Stundarinnar: „… fengið samviskubit eftir að hafa bónað Tesluna sína og hlustað á fréttir af rafmagnsleysinu á landsbyggðinni um leið, batnandi mönnum er best að lifa.“ Hann ætti hins vegar eftir að fá „staðfest að Hallgrímur eigi tesluna en ekki nágranni hans, er að bíða eftir svari um það“. Það sagðist Þorbjörn geta gert, verandi með aðgang að fasteigna- og bifreiðaskrá. Eitthvað sem Páli þótti ánægjulegt og tveggja broskalla virði: „Glæsilegt :D þú ert rétti maðurinn fyrir okkur hjá Samherja :D“ Á daginn kom að Hallgrímur var ekki eigandi umræddrar bifreiðar og því varð ekkert að því að rithöfundurinn væri snúinn niður af þeim félögum. „Lýsir sjúklegu hugarfari lítilla karla“ Hallgrímur lætur þessu að ekki ósvarað en hann hefur skrifað pistil á Facebook-síðu sína þar sem hann víkur að þessu sérkennilega máli og umfjöllun Stundarinnar sem rithöfundurinn segir svakalega, um aðferðir skæruliðadeildar Samherja, sem seilist langt í baráttu sinni gegn því að sannleikurinn um afbrot fyrirtækisins fari í loftið og fólk sé minnt á þau. „Spjótunum er sem fyrr beint að Helga Seljan, og svakalegt að lesa um illviljann sem hér er afhjúpaður. En þarna kemur líka fram að njósnað hafi verið um heimili mitt vegna greinar sem ég skrifaði í desember 2019, þegar rafmagnsleysi skók byggðirnar fyrir norðan. Greinin sem ég skrifaði heitir reyndar ekki "Skilið þýfinu" eins og sagt er þarna heldur "Kaldir ofnar á Dalvík", og var nánast líkamlegt viðbragð við ástandinu á aðventunni 2019 þegar fólk hirðist í köldum og ljóslausum húsum í þessu höfuðvígi Samherja. Var að reyna að setja hlutina í samhengi.“ Hallgrímur segir að hjá skæruliðadeildinni sé klassískum aðferðum beitt og reynt að gera sig tortryggilegan. „Í njósnum sínum fundu þeir semsagt Teslu-bifreið í innkeyrslunni okkar og hugðust búa til hneyksli: Maður á listamannalaunum á Teslu! Þetta fellur þó fljótt þegar í ljós kemur að það eru nágrannarnir okkar í tvíbýlishúsinu, fólkið uppi, sem á Tesluna. En þetta lýsir sjúklegu hugarfari lítilla karla sem vinna óvart hjá stærsta og voldugasta fyrirtæki landsins sem nýtur einstakrar velvildar ríkisstjórnar Katrínar Jakobsdóttur.“ Leggur til að ríkisstjórnin verði kölluð Samherjastjórn Hallgrímur, sem er höfundur hugtaksins „Bláa höndin“ sem fleygt varð segir að höndin sú verði alltaf til. Sé hún höggvin af vaxi ný í staðinn. Og nú sé hún Samherjablá. „Eins og þið vitið á Samherji hálft samfélagið. Hallgrímur segir að Samherji eigi sinn ráðherra í ríkisstjórn, Kristján Þór Júlíusson sjávarútvegsráðherra og Katrín Jakobsdóttir hafi aldrei látið sér til hugar að setja ofan í við Samherjamenn.vísir/vilhelm Þeir eiga norðurland, Moggann (og þar með Bláu höndina gömlu, eða Gráu höndina kannski), Eimskip og ég veit ekki hvað (hef ekki nægan tíma til gúgglunar núna) og svo eiga þeir sjávarútvegsráðherrann, sem er hvorki meira né minna en fyrrum stjórnarformaður Samherja!. Og þar sem hann situr enn við ríkisstjórnarborðið á Samherji líka ríkisstjórnina,“ skrifar Hallgrímur og snýr sér því næst að stöðu Katrínar Jakobsdóttur í þessu samhengi: „Forsætisráðherra hefur aldrei tjáð sig af neinu viti, hvað þá krítískt, um sakamál Samherja, hvort sem þau skekja samfélögin í Namibíu, Noregi eða (og það sem manni sárnar hvað verst) í Færeyjum. Tilfinningin er sú að hér sé ekkert verið að rannsaka hin hrikalegu mál fyrirtækisins. Og það er mjög vond tilfinning. Það er því ekki furða að Samherjamenn telji sig komast upp með hvað sem er, eins og sést af þessum fréttum. Og forsætisráðherra mun heldur ekki tjá sig krítískt nú, eftir að skæruliðadeildin hefur verið afhjúpuð. Þess vegna skulum við bara kalla stjórnina Samherjastjórnina.“
Samherjaskjölin Samherji og Seðlabankinn Sjávarútvegur Fjölmiðlar Mest lesið Tveir reyndust í skotti bíls Innlent Fannst hann þvingaður til að afsala sér hundinum Innlent Harður þriggja bíla árekstur á Suðurlandsvegi Innlent Málningu kastað og ryskingar við sendiráðið Innlent Erfitt að setja tölu á hve margir vilji stjórnarslit Innlent Svandís og Guðmundur Ingi nýir leiðtogar Vinstri grænna Innlent Mótmælendur hindruðu för lögreglubíls í forgangsakstri Innlent Mannekla bindur hendur héraðssaksóknara í samráðsmáli Innlent Ríkisstjórnarflokkarnir mælast með tuttugu prósenta fylgi Innlent Engum verði vísað út við myndbirtingu Erlent Fleiri fréttir Af hverju er barnið mitt alltaf að segja Skibidi toilet? „Þegar hægrið fær að ráða ferðinni óheft og án alls taumhalds fer illa“ Fagna löngu tímabærri breytingu Átök í miðausturlöndum, ný forysta VG og mállýska unga fólksins Mótmælendur hindruðu för lögreglubíls í forgangsakstri Svandís og Guðmundur Ingi nýir leiðtogar Vinstri grænna Málningu kastað og ryskingar við sendiráðið Fannst hann þvingaður til að afsala sér hundinum Biskup Íslands predikar í Vík á 90 ára afmæli kirkjunnar Erfitt að setja tölu á hve margir vilji stjórnarslit Harður þriggja bíla árekstur á Suðurlandsvegi Landsfundur ræðir stjórnarslit og nýjum reglum um blóðgjöf fagnað Tveir stórir skjálftar í Bárðarbunguöskjunni Ríkisstjórnarflokkarnir mælast með tuttugu prósenta fylgi Þorgerður Katrín: Enginn ráðskonurass undir fólki í Viðreisn Tveir reyndust í skotti bíls Mannekla bindur hendur héraðssaksóknara í samráðsmáli Kertavaka til minningar um konur sem hafa dáið vegna kynbundins ofbeldis Munu hlýða kröfu landsfundar verði tillaga um stjórnarslit samþykkt Munu ekki láta af herferð vegna launaþjófnaðarins Orlof húsmæðra: Barn síns tíma eða liður í jafnrétti? Ákveðinn hópur hafi unnið að niðurstöðunni undir yfirborðinu „Öllum ljóst að Ölfusárbrú verði að rísa“ Loksins mega hommar gefa blóð Blóðgjöf samkynhneigðra karla leyfð og ósáttar húsmæður Fimm bíla árekstur á Vesturlandsvegi Nefndin deili ekki við þá sem gagnrýna hana á „mis málefnalegan hátt“ Bein útsending: Ávarp fráfarandi formanns Vinstri grænna Nágrannaerjur í Kópavogi: Ekki sýnt fram á að ákveðin tré valdi verulegum óþægindum Segir valsað um sjúkraskrána eins og á rölti um Kringluna Sjá meira