Fótbolti

Þróttur skoraði fimm mörk í Garðabæ

Anton Ingi Leifsson skrifar
Þróttarar fagna marki fyrr í sumar en þær unnu ansi góðan sigur á útivelli í dag.
Þróttarar fagna marki fyrr í sumar en þær unnu ansi góðan sigur á útivelli í dag. vísir/hulda margrét

Þróttur gerði sér lítið fyrir og gekk frá Stjörnunni, 5-1, er liðin mættust í 5. umferð Pepsi Max deildar kvenna.

Ólöf Sigríður Kristinsdóttir kom Þrótti yfir á sextándu mínútu og Katherine Amanda Cousins tvöfaldaði forystuna úr vítaspyrnu á 35. mínútu.

Katherine Amanda Cousins var aftur á ferðinni í upphafi síðari hálfleiks og fjórða markið gerði Lea Björt Kristjánsdóttir á 61. mínútu.

Shaelan Grace Murison Brown bætti við fimmta markinu á 74. mínútu en Hildigunnur Ýr Benediktsdóttir klóraði í bakkann fyrir Stjörnuna.

Frábær sigur Þróttara í Garðabænum staðreynd en Þróttur er með sex stig eftir leikina fimm.

Stjarnan er með fjögur stig.

Pepsi Max deild kvenna er á Stöð 2 Sport en upplýsingar um útsendingar má finna hér. Pepsi Max deildin er hluti af Stöð 2 Sport Ísland sem kostar 3.990 krónur á mánuði en einnig má kaupa útsendingar sem stakan viðburð á 990 krónur.

Pepsi Max-deild kvenna Þróttur Reykjavík Stjarnan

Mest lesið


Fleiri fréttir

Sjá meira


×

Mest lesið