Fótbolti

Karólína þýskur meistari

Anton Ingi Leifsson skrifar
Karólína og stöllur hennar fagna titlinum.
Karólína og stöllur hennar fagna titlinum. Roland Krivec/Getty

Karólína Lea Vilhjálmsdóttir er þýskur meistari. Þetta varð ljóst eftir að Bayern vann 4-0 sigur á Eintracht Frankfurt í lokaumferðinni í Þýskalandi.

Bayern gat með sigri tryggt sér titilinn en Wolfsburg var á hælum Bæjara, svo þær máttu ekki misstíga sig.

Bayern var tveimur mörkum yfir í hálfleik, bættu við þriðja markinu á 54. mínútu og því fjórða í uppbótartíma.

Karólína Lea kom inn á sem varamaður á 84. mínútu.

Bayern endar með 61 stig á toppnum en Wolfsburg endar í öðru sætinu með 59 stig.

Alexandra Jóhannsdóttir spilaði síðari hálfleikinn fyrir Frankfurt sem endar í sjötta sætinu.

Þýski boltinn

Mest lesið


Fleiri fréttir

Sjá meira


×

Mest lesið