Gæti orðið marka­kóngur þrátt fyrir að missa af úr­slita­ein­víginu

Hákon Daði skoraði 37 mörk í 4 leikjum í átta liða og undanúrslitum eða 9,3 mörk að meðaltali í leik.

Hákon er með tólf marka forskot á Stjörnumanninn Björgvin Hólmgeirsson sem er líka úr leik. Sömu sögu má segja af KA-manninum Árna Braga Eyjólfsson sem er enn í þriðja sætið með 22 mörk þrátt fyrir að spila bara tvo leiki í átta liða úrslitunum.

Það þarf að fara niður í fjórða og fimmta sæti listans til að finna menn sem munu spila í úrslitaeinvíginu.

Haukamaðurinn Orri Freyr Þorkelsson þarf að skora 18 mörk í þessum tveimur leikjum sem eru eftir til að ná Hákoni Daða og Valsmaðurinn Finnur Ingi Stefánsson er nítján mörkum á eftir Hákoni.

Árni Bragi Eyjólfsson varð markakóngur deildarkeppninnar með 163 mörk en Hákon Daði var þar í öðru sæti fimm mörkum á eftir. Þessir tveir voru í sérflokki en þriðji var Þórsarinn Ihor Kopyshynskyi með 130 mörk.