Eftirför, líkamsárásir og vegabréfaþjófnaður

Þetta kemur fram í dagbók lögreglu. Fjórir til viðbótar voru handteknir grunaðir um að hafa keyrt undir áhrifum fíkniefna og/eða áfengis í gærkvöld og í nótt. Þá var einn ökumaður stöðvaður vegna þess að bifreið hans var ekki tryggð og voru skráningarnúmer tekin ef bílnum. 17 ára gamall ökumaður var stöðvaður á Reykjanesbraut en hann mældist á 130 km/klst hraða en hámarkshraði er 80 km/klst. Hringt var í móður hans og tilkynning send til Barnaverndar.

Tvær líkamsárásir voru tilkynntar í miðbæ Reykjavíkur í gær. Maður í annarlegu ástandi var handtekinn á veitingastað grunaður um líkamsárás, en hann hafði veist að dyraverði. Hann var vistaður í fangageymslu lögreglu sökum ástands. Þá höfðu tveir menn ítrekað slegið mann í höfuðið og hlupust þeir svo á brott. Maðurinn, sem varð fyrir árásinni, var fluttur með sjúkrabíl á Bráðadeild til aðhlynningar.

Tveir karlmenn voru handteknir í verslunarmiðstöð í Austurbæ Reykjavíkur síðdegis í gær grunaðir um þjófnað á fatnaði og voru þeir vistaðir fyrir rannsókn málsins í fangageymslu lögreglu. Tilkynnt var um innbrot og þjófnað á heimili í miðbæ Reykjavíkur. Fartölvum, vegabréfum og fleiru var stolið.

Tveir duttu af rafmagnshlaupahjóli í gær, annars vegar í Kópavogi og hins vegar í miðbæ Reykjavíkur. Allavega annar var fluttur með sjúkrabíl á Bráðadeild.