Byggjum undir öflugt íþróttastarf Ingvar Már Gíslason og Eiríkur S. Jóhannsson skrifa 8. júlí 2021 10:30 Á hverju ári stendur KA fyrir íþróttamótum fyrir stúlkur jafnt sem drengi. Um liðna helgi lauk N1 mótinu sem er eitt fjölmennasta íþróttamót sem haldið er hér á landi. Ríflega tvö þúsund drengir, hvaðanæva af landinu, kepptu sín á milli í knattspyrnu hvattir áfram af fjölskyldum og vinum. Gleði, kapp og ánægja skein úr hverju andliti sem er okkur KA fólki mikils virði enda leggja fjölmargir sjálfboðaliðar félagsins gríðarlega vinnu á sig til þess að mótið geti farið fram. Fyrir þessa vinnu erum við félagsmönnum okkar þakklátir því það er í raun ekkert sjálfgefið í dag að fólk fórni tíma sínum í félagsstarf sem þetta. KA er sem betur fer ríkt af virkum sjálboðaliðum og stuðningsmönnum. Það er óumdeilt að kraftur félagsins er með þessum hætti að skapa félagsleg sem og efnahagsleg verðmæti sem samfélagið okkar á Akureyri nýtur góðs af. Liðin N1 móts helgi er langstærsta ferðamannahelgi ársins og hefur tilheyrandi áhrif á mannlíf jafnt sem viðskiptalíf bæjarins. Eftir samtöl okkar við rekstrar- og þjónustuaðila, er það mat okkar að áhrifin á viðskiptalíf Akureyrar hlaupi á mörg hundruðum milljóna þar sem verslun og þjónusta einkaaðila sem og opinberra aðila nýtur góðs af ásamt íþróttahreyfingunni sjálfri. Við KA fólk erum stolt af því að vera virkir þátttakendur í samfélaginu hér í bæ. Á þetta bæði við um íþróttastarfið okkar sem og þau jákvæðu áhrif sem starf okkar hefur á tekjuöflun rekstraraðila í bænum. Vegna þessa leggjum við mikla áherslu á að okkur verði gert kleift að sinna því öfluga barna og unglingastarfi sem svo sterk krafa er um í samfélaginu að við sinnum. Óhætt er að segja að KA hafi undanfarin ár unnið þrekvirki í sínu uppbyggingarstarfi. Alger sprenging hefur orðið í iðkenda fjölda hjá félaginu. Við höfum tekið fagnandi hverjum og einum einstaklingi sem velur að iðka sína íþrótt hjá KA og leggjum við okkur fram um að sinna honum sem best. Á sama hátt eru iðkendur í afreksstarfi félagsins að keppa meðal þeirra fremstu á landinu í öllum þeim íþróttagreinum sem við leggjum stund á og eru bænum sannarlega mikilvæg auglýsing. Það hefur ekki farið framhjá nokkrum manni að aðstaðan sem við KA fólk höfum boðið gestum N1 mótsins uppá undanfarin ár er ekki boðleg og í engu samræmi við umfang starfsemi félagsins. Hvorki KA né bæjarfélagið stenst samanburð við þau íþróttafélög sem við viljum bera okkur saman við þegar kemur að vallaraðstæðum. Á 93ja ára afmæli KA í janúar s.l., skrifuðum við undir viljayfirlýsingu við Akureyrarbæ um að gera miklar endurbætur á aðstöðu okkar. Höfum við miklar vætningar um að nú verði tekið höndum saman um að klára löngu tímabæra uppbyggingu á félagssvæði okkar við Dalsbraut. Á þessu er mikill skilningur meðal bæjarbúa sem og forsvarsmanna Akureyrarbæjar. Mikilvægi þess að sinna æskulýðs og forvarnarstarfi með þeim hætti sem við höfum gert er óumdeilt og skilar sér margfalt til samfélagsins um ókomin ár. Fjárfesting í heilsu og vellíðan er fjárfesting í heilbrigði framtíðarinnar. Það er í okkar huga afar mikilvægt að byggja undir íþróttastarfsemi og gera íþróttafélögunum mögulegt að þróast. Samhliða verður að eiga sér stað fjárfesting í mannvirkjum og öðrum innviðum, það er algjört lykilatriði til að við séum samkeppnishæf við önnur sveitarfélög þegar kemur að aðstöðu fyrir iðkendur okkar og búsetuval einstaklinga og ekki síður að við getum staðist samkeppnina þegar kemur að ferðatengdri íþróttastarfsemi. Knattspyrnufélag Akureyrar er fjölgreina íþróttafélag þar sem börn, ungmenni og fullorðnir geta lagt stund á knattspyrnu, handknattleik, blak, júdó sem og tennis og badminton. Að auki er starfrækt innan félagsins almenningsíþróttadeild. Óhætt er að segja að við séum stoltir af þeirri starfsemi sem fram fer innan félagsins. Þær gleðistundir sem við höfum átt og munum eiga með félögum okkar í KA eru meðal margra eftirminnilegra minninga sem munu fylgja okkur áfram um ókominn tímar. Við höfum verið KA menn frá unga aldri og fylgst með og tekið þátt í framþróun félagsins. Félagið hefur eflst og vaxið með hverju árinu sem líður. Að sama skapi fjölgar félagsmönnum og umfang starfseminnar, ábyrgð og skyldur verða sífellt meiri. KA er fyrirmyndarfélag ÍSÍ en í því felst að félagið hefur undirgengist ákveðin gæðaviðmið gagnvart því starfi sem unnið er innan félagsins. Unnið er eftir samþykktum stefnum um barna og unglingastarf, menntun og forvarnir. Við viljum að lokum þakka öllum gestum N1 mótsins fyrir komuna og vonumst til þess að þeir hafi allir átt ánægjulegan tíma á Akureyri á meðan mótinu stóð. Bæjarbúa bjóðum við velkomna í félagið, til iðkunar íþrótta eða til þátttöku í félagsstarfi okkar sem er bæði öflugt og gefandi. Við viljum fá sem flesta til að taka þátt í þeirri uppbyggingu sem félagið stendur frammi fyrir í en þannig gerum við öflugt félag og samfélag sterkara. Áfram Akureyri, byggjum upp fyrir framtíðina. Ingvar Már Gíslason, formaður KA Eiríkur S. Jóhannsson, varaformaður KA Viltu birta grein á Vísi? Sendu okkur póst. Senda grein Akureyri Íþróttir barna Mest lesið Hörmulegur atburður í flugstöð Leifs Eiríkssonar Jón Pétursson Skoðun Forstjórinn stígur fram Örn Pálsson Skoðun Lífsgæði íbúa Mosfellsbæjar skert Regína Ásvaldsdóttir Skoðun Börnin á Gaza eru ekki í fríi Bjarni Fritzson,Blær Guðmundsdóttir ,Elías Rúni Þorsteinsson,Elísabet Thoroddsen,Gunnar Helgason,Linda Ólafsdóttir,Lóa Hlín Hjálmtýsdóttir,Yrsa Þöll Gylfadóttir Skoðun Uppbygging í Grafarvogi eflir hverfið og mætir húsnæðiskrísunni á skynsaman hátt Dóra Björt Guðjónsdóttir Skoðun Eiga ellilífeyrir og örorkubætur að fylgja launavísitölu? Haukur Arnþórsson Skoðun Tilvera okkar er undarlegt ferðalag Hópur meðlima No Borders Skoðun Brimrót og veðragnýr í alþjóðamálum Árni Þór Sigurðsson Skoðun Mannréttindi fatlaðs fólks - orð og efndir Unnur Helga Óttarsdóttir,Alma Ýr Ingólfsdóttir Skoðun Nennið þið plís blessaða ríkisstjórn! Derek T. Allen Skoðun Skoðun Skoðun Karlar, piltar og strákar Jón Pétur Zimsen skrifar Skoðun Eiga ellilífeyrir og örorkubætur að fylgja launavísitölu? Haukur Arnþórsson skrifar Skoðun Ísland verður að vernda hafið og fiskimiðin frá námuvinnslu á hafsbotni Laura Sólveig Lefort Scheefer,Þorgerður María Þorbjarnardóttir,Árni Finnsson,Sæunn Júlía Sigurjónsdóttir,Belén García Ovide,Huld Hafliðadóttir skrifar Skoðun Nennið þið plís blessaða ríkisstjórn! Derek T. Allen skrifar Skoðun Ertu klár? Jakob Smári Magnússon skrifar Skoðun Kengúrur eða Þorskar: Hver forritar framtíð Íslands? Björgmundur Örn Guðmundsson skrifar Skoðun Börnin á Gaza eru ekki í fríi Bjarni Fritzson,Blær Guðmundsdóttir ,Elías Rúni Þorsteinsson,Elísabet Thoroddsen,Gunnar Helgason,Linda Ólafsdóttir,Lóa Hlín Hjálmtýsdóttir,Yrsa Þöll Gylfadóttir skrifar Skoðun Mannréttindi fatlaðs fólks - orð og efndir Unnur Helga Óttarsdóttir,Alma Ýr Ingólfsdóttir skrifar Skoðun Brimrót og veðragnýr í alþjóðamálum Árni Þór Sigurðsson skrifar Skoðun Forstjórinn stígur fram Örn Pálsson skrifar Skoðun Lífsgæði íbúa Mosfellsbæjar skert Regína Ásvaldsdóttir skrifar Skoðun Lestur lykillinn að endurhæfingu? Hvað ef lestur væri lykillinn út? Guðmundur Ingi Þóroddsson skrifar Skoðun Tilvera okkar er undarlegt ferðalag Hópur meðlima No Borders skrifar Skoðun Uppbygging í Grafarvogi eflir hverfið og mætir húsnæðiskrísunni á skynsaman hátt Dóra Björt Guðjónsdóttir skrifar Skoðun Það að þrá börn eða ekki Matthildur Björnsdóttir skrifar Skoðun Tímanna tákn? Hólmgeir Baldursson skrifar Skoðun Hörmulegur atburður í flugstöð Leifs Eiríkssonar Jón Pétursson skrifar Skoðun Kvótaverð, veiðigjald, fjárfesting og arðsemi í sjávarútvegi Ásgeir Daníelsson skrifar Skoðun Getur Seljaskóli núna orðið símalaus skóli, Jóhanna? Kristín Jónsdóttir skrifar Skoðun Gagnsæi og traust á raforkumarkaði Einar S Einarsson skrifar Skoðun Ef þetta er rétt – hvað er þá rangt? Anna Berg Samúelsdóttir skrifar Skoðun Hvað er þetta MG? Júlíana Magnúsdóttir skrifar Skoðun Sjúkraþyrlu sem allra fyrst, kerfi sem veitir lífsbjörg Gunnar Svanur Einarsson skrifar Skoðun Ríkisstofnun forherðist við gagnrýni Björn Ólafsson skrifar Skoðun Bylting, bóla, bölvun - bull? Brynjólfur Þorvarðsson skrifar Skoðun Eru smáþjóðir stikkfríar? Snæbjörn Guðmundsson skrifar Skoðun Ákall Valdimar Júlíusson skrifar Skoðun Á að leyfa eða halda áfram að banna? Sigurður G. Guðjónsson skrifar Skoðun Íslenski fáninn fyrir samstöðu ekki mismunun Ása Berglind Hjálmarsdóttir skrifar Skoðun Jafnlaunabarnið og baðvatnið Helga Sigrún Harðardóttir skrifar Sjá meira
Á hverju ári stendur KA fyrir íþróttamótum fyrir stúlkur jafnt sem drengi. Um liðna helgi lauk N1 mótinu sem er eitt fjölmennasta íþróttamót sem haldið er hér á landi. Ríflega tvö þúsund drengir, hvaðanæva af landinu, kepptu sín á milli í knattspyrnu hvattir áfram af fjölskyldum og vinum. Gleði, kapp og ánægja skein úr hverju andliti sem er okkur KA fólki mikils virði enda leggja fjölmargir sjálfboðaliðar félagsins gríðarlega vinnu á sig til þess að mótið geti farið fram. Fyrir þessa vinnu erum við félagsmönnum okkar þakklátir því það er í raun ekkert sjálfgefið í dag að fólk fórni tíma sínum í félagsstarf sem þetta. KA er sem betur fer ríkt af virkum sjálboðaliðum og stuðningsmönnum. Það er óumdeilt að kraftur félagsins er með þessum hætti að skapa félagsleg sem og efnahagsleg verðmæti sem samfélagið okkar á Akureyri nýtur góðs af. Liðin N1 móts helgi er langstærsta ferðamannahelgi ársins og hefur tilheyrandi áhrif á mannlíf jafnt sem viðskiptalíf bæjarins. Eftir samtöl okkar við rekstrar- og þjónustuaðila, er það mat okkar að áhrifin á viðskiptalíf Akureyrar hlaupi á mörg hundruðum milljóna þar sem verslun og þjónusta einkaaðila sem og opinberra aðila nýtur góðs af ásamt íþróttahreyfingunni sjálfri. Við KA fólk erum stolt af því að vera virkir þátttakendur í samfélaginu hér í bæ. Á þetta bæði við um íþróttastarfið okkar sem og þau jákvæðu áhrif sem starf okkar hefur á tekjuöflun rekstraraðila í bænum. Vegna þessa leggjum við mikla áherslu á að okkur verði gert kleift að sinna því öfluga barna og unglingastarfi sem svo sterk krafa er um í samfélaginu að við sinnum. Óhætt er að segja að KA hafi undanfarin ár unnið þrekvirki í sínu uppbyggingarstarfi. Alger sprenging hefur orðið í iðkenda fjölda hjá félaginu. Við höfum tekið fagnandi hverjum og einum einstaklingi sem velur að iðka sína íþrótt hjá KA og leggjum við okkur fram um að sinna honum sem best. Á sama hátt eru iðkendur í afreksstarfi félagsins að keppa meðal þeirra fremstu á landinu í öllum þeim íþróttagreinum sem við leggjum stund á og eru bænum sannarlega mikilvæg auglýsing. Það hefur ekki farið framhjá nokkrum manni að aðstaðan sem við KA fólk höfum boðið gestum N1 mótsins uppá undanfarin ár er ekki boðleg og í engu samræmi við umfang starfsemi félagsins. Hvorki KA né bæjarfélagið stenst samanburð við þau íþróttafélög sem við viljum bera okkur saman við þegar kemur að vallaraðstæðum. Á 93ja ára afmæli KA í janúar s.l., skrifuðum við undir viljayfirlýsingu við Akureyrarbæ um að gera miklar endurbætur á aðstöðu okkar. Höfum við miklar vætningar um að nú verði tekið höndum saman um að klára löngu tímabæra uppbyggingu á félagssvæði okkar við Dalsbraut. Á þessu er mikill skilningur meðal bæjarbúa sem og forsvarsmanna Akureyrarbæjar. Mikilvægi þess að sinna æskulýðs og forvarnarstarfi með þeim hætti sem við höfum gert er óumdeilt og skilar sér margfalt til samfélagsins um ókomin ár. Fjárfesting í heilsu og vellíðan er fjárfesting í heilbrigði framtíðarinnar. Það er í okkar huga afar mikilvægt að byggja undir íþróttastarfsemi og gera íþróttafélögunum mögulegt að þróast. Samhliða verður að eiga sér stað fjárfesting í mannvirkjum og öðrum innviðum, það er algjört lykilatriði til að við séum samkeppnishæf við önnur sveitarfélög þegar kemur að aðstöðu fyrir iðkendur okkar og búsetuval einstaklinga og ekki síður að við getum staðist samkeppnina þegar kemur að ferðatengdri íþróttastarfsemi. Knattspyrnufélag Akureyrar er fjölgreina íþróttafélag þar sem börn, ungmenni og fullorðnir geta lagt stund á knattspyrnu, handknattleik, blak, júdó sem og tennis og badminton. Að auki er starfrækt innan félagsins almenningsíþróttadeild. Óhætt er að segja að við séum stoltir af þeirri starfsemi sem fram fer innan félagsins. Þær gleðistundir sem við höfum átt og munum eiga með félögum okkar í KA eru meðal margra eftirminnilegra minninga sem munu fylgja okkur áfram um ókominn tímar. Við höfum verið KA menn frá unga aldri og fylgst með og tekið þátt í framþróun félagsins. Félagið hefur eflst og vaxið með hverju árinu sem líður. Að sama skapi fjölgar félagsmönnum og umfang starfseminnar, ábyrgð og skyldur verða sífellt meiri. KA er fyrirmyndarfélag ÍSÍ en í því felst að félagið hefur undirgengist ákveðin gæðaviðmið gagnvart því starfi sem unnið er innan félagsins. Unnið er eftir samþykktum stefnum um barna og unglingastarf, menntun og forvarnir. Við viljum að lokum þakka öllum gestum N1 mótsins fyrir komuna og vonumst til þess að þeir hafi allir átt ánægjulegan tíma á Akureyri á meðan mótinu stóð. Bæjarbúa bjóðum við velkomna í félagið, til iðkunar íþrótta eða til þátttöku í félagsstarfi okkar sem er bæði öflugt og gefandi. Við viljum fá sem flesta til að taka þátt í þeirri uppbyggingu sem félagið stendur frammi fyrir í en þannig gerum við öflugt félag og samfélag sterkara. Áfram Akureyri, byggjum upp fyrir framtíðina. Ingvar Már Gíslason, formaður KA Eiríkur S. Jóhannsson, varaformaður KA
Börnin á Gaza eru ekki í fríi Bjarni Fritzson,Blær Guðmundsdóttir ,Elías Rúni Þorsteinsson,Elísabet Thoroddsen,Gunnar Helgason,Linda Ólafsdóttir,Lóa Hlín Hjálmtýsdóttir,Yrsa Þöll Gylfadóttir Skoðun
Uppbygging í Grafarvogi eflir hverfið og mætir húsnæðiskrísunni á skynsaman hátt Dóra Björt Guðjónsdóttir Skoðun
Skoðun Ísland verður að vernda hafið og fiskimiðin frá námuvinnslu á hafsbotni Laura Sólveig Lefort Scheefer,Þorgerður María Þorbjarnardóttir,Árni Finnsson,Sæunn Júlía Sigurjónsdóttir,Belén García Ovide,Huld Hafliðadóttir skrifar
Skoðun Börnin á Gaza eru ekki í fríi Bjarni Fritzson,Blær Guðmundsdóttir ,Elías Rúni Þorsteinsson,Elísabet Thoroddsen,Gunnar Helgason,Linda Ólafsdóttir,Lóa Hlín Hjálmtýsdóttir,Yrsa Þöll Gylfadóttir skrifar
Skoðun Mannréttindi fatlaðs fólks - orð og efndir Unnur Helga Óttarsdóttir,Alma Ýr Ingólfsdóttir skrifar
Skoðun Lestur lykillinn að endurhæfingu? Hvað ef lestur væri lykillinn út? Guðmundur Ingi Þóroddsson skrifar
Skoðun Uppbygging í Grafarvogi eflir hverfið og mætir húsnæðiskrísunni á skynsaman hátt Dóra Björt Guðjónsdóttir skrifar
Börnin á Gaza eru ekki í fríi Bjarni Fritzson,Blær Guðmundsdóttir ,Elías Rúni Þorsteinsson,Elísabet Thoroddsen,Gunnar Helgason,Linda Ólafsdóttir,Lóa Hlín Hjálmtýsdóttir,Yrsa Þöll Gylfadóttir Skoðun
Uppbygging í Grafarvogi eflir hverfið og mætir húsnæðiskrísunni á skynsaman hátt Dóra Björt Guðjónsdóttir Skoðun