Brotinn ökkli og tap hjá McGregor

Fyrsta lotan var nokkuð jöfn framan af en McGregor byrjaði örlítið betur. Poirier vann sig inn í bardagann og náði fjölda högga áður en McGregor reyndi hengingu. Bandaríkjamanninum tókst að losa sig úr prísundunni og lét höggin dynja á Íranum.

Lotan var þó ekki kláruð þar sem ljóst var að McGregor væri meiddur. Hann sneri illa upp á annan ökklann sem virtist brotna og gat ekki staðið upp. 

Dómari bardagans, Herb Dean, átti engra kosta völ en að enda bardagann þá og þegar. Poirier sigraði því með tæknilegu rothöggi.