Þarf fleiri miðaldra karlmenn á Alþingi? Gísli Rafn Ólafsson skrifar 26. júlí 2021 07:01 Hvað fær miðaldra karlmann til þess að bjóða sig fram til Alþingis? Erum við ekki nú þegar nógu margir í efstu lögum samfélagsins? Ástæðurnar fyrir framboðum miðaldra karla eru að líkindum mismunandi enda erum við blessunarlega fjölbreyttur hópur, þrátt fyrir fábreytt kynferði og aldursbil. Eftir að hafa starfað um áratuga skeið um allan heim, með fjölmörgu fjölbreyttu fólki við krefjandi aðstæður, langar þennan miðaldra karl einfaldlega að láta gott af sér leiða: Uppbygging Framundan er uppbygging eftir óvænt áfall. Í gegnum störf mín undanfarna áratugi hef ég stýrt viðbrögðum við mörgum af stærstu krísum heims; eins og eftir flóð, jarðskjálfta, fellibylji og Ebólu. Nú stöndum við frammi fyrir tveimur af stærstu krísum seinni tíma, heimsfaraldri og loftslagsvá. Frábært viðbragð sérfræðinganna við heimsfaraldrinum líður fyrir hið pólitíska viðbragð, sem hefur einkennst af því að slá öllu á frest. Þetta ætti ekki að koma neinum á óvart, því að viðbragð stjórnmálamanna við loftslagsvá hefur einnig einkennst af því að slá öllum alvöru viðbrögðum á frest. Sem reyndur krísustjórnandi get ég fullyrt að það að stinga höfðinu í sandinn og vona að allt fari á besta veg hefur aldrei virkað. Ég vil ekki að börnin mín og barnabörn þurfi að líða fyrir aðgerðaleysi minnar kynslóðar. Ungt fólk Sem fimm barna faðir þá eru málefni ungs fólks mér ansi kær. Þau lifa á miklum breytingatímum, en samt eru þeir innviðir samfélagsins sem eiga að styðja ungt fólk hannaðir og stjórnað af kynslóðum sem bera ekki skilning á samfélagi nútímans. Handan við hornið er aukin sjálfvirkni- og hnattvæðing sem mun ekki aðeins hafa áhrif á gerð starfa heldur jafnframt staðsetningu þeirra. Ef við viljum ekki glutra niður mikilvægu tækifæri er nauðsynlegt að uppfæra mennta- og stuðningskerfin okkar, fyrr en síðar. Við þurfum að hætta að vera hrædd við framtíðina, grípa gæsina og búa okkur undir breytingarnar sem fram undan eru. Unga fólkið okkar á tækifærin skilið. Eldra fólk Við sem eigum foreldra og aðra ættingja sem komnir eru á eftirlaun þurfum að horfast í augu við hvernig farið er með fólkið sem ruddi brautina fyrir okkur. Við höfum jaðarsett eldri kynslóðir, ýmist í fátækt eða óhentugar stofnanir. Það þarf að snúa af þeirri braut, fá eldra fólk aftur að borðinu og koma fram við fullorðið fólk eins og fullorðið fólk. Samfélagið á að styðja það til að lifa lífi sínu eins og það sjálft vill, en sé ekki fast í boðum, bönnum og skerðingum. Hið opinbera á að efla fólk, hvort sem það vill setjast í helgan stein eða hefur ánægju og getu til að vera á vinnumarkaði á efri árum. Framtíð eldra fólks skal vera á þeirra forsendum og til þess þarf að fjölga valmöguleikum þeirra og fækka refsingum. Við sem erum miðaldra í dag munum þakka okkur síðar. Útlendingar Undanfarna áratugi hef ég unnið mikið með fólki á flótta og séð frá fyrstu hendi þær aðstæður sem það er að flýja. Hvort sem það hefur verið í Grikklandi, Kenía eða Haítí þá hefur lærdómurinn verið sá sami: Það leggur enginn á flótta af léttúð. Það er því eins og að fá hnífstungu í hjartað að horfa upp á þá ómannúðlegu meðferð sem hælisleitendur fá hér á landi. Í stað þess að styðja þau sem eru búin að flytja hingað á hjara veraldar í leit að betra lífi, þá virðumst við vera tilbúin að gleyma öllu sem heitir mannúð og mannréttindi, bara af því að þau líta ekki út eins og við hin. Við Íslendingar erum fámenn þjóð, samfélag okkar myndi einfaldlega ekki ganga án framlags fólks af erlendum uppruna, og því ættum við miklu frekar að bjóða fólk velkomið sem hingað vill koma í leit að betra lífi. Framtíðin Nýsköpun er orðin að tískuorði stjórnmálafólks. Þó svo að það sé gott og blessað, enda ekki langt síðan frumkvöðlar voru hreinlega litnir hornauga, er ekki sama hvernig að nýsköpun er staðið. Eftir að ég sagði skilið við krísustjórnun og mannúðarstörf fluttist ég í Kísildalinn, þar sem ég aðstoðaði norræna frumkvöðla við að að feta sig í tækniheiminum vestanhafs. Þar fékk ég innsýn í alþjóðlega nýsköpunargeirann, sem bjóða þarf velkominn til Íslands. Tækifæri landsins sem uppspretta hreinnar orku og skapandi mannauðs eru nær endalaus, en til þess að við getum nýtt þau til fullnustu þarf að gera breytingar á styrkja-, skatta-, og fjármögnunarumhverfi nýsköpunar. Breytingar sem Píratar ætla að innleiða, fáum við til þess stuðning. Gefa til baka Það er langt síðan ég áttaði mig á að völd, titlar og persónulegur gróði hafa enga alvöru merkingu í lífinu. Það eina sem skiptir máli er að láta gott af sér leiða og nýta eigin reynslu, þekkingu og sambönd til þess að bæta það samfélag sem við lifum í. Við sem erum í þeirri öfundsverðu aðstöðu að geta gefið af okkur eigum að gera það - og þess vegna býð ég mig fram til Alþingis. Þegar ég tók þá ákvörðun í byrjun árs að gefa kost á mér í þessa vegferð, þá horfði ég til þess hvaða flokkar á Alþingi væru með sömu hugsjón og ég. Ég vildi vinna með fólki úr ólíkum áttum sem að væri tilbúið að finna sameiginlegar lausnir á flóknum vandamálum samfélagsins. Fólki sem vildi sjá bætt vinnubrögð á Alþingi. Fólk sem léti ekki valdagræðgi, spillingu og hagsmunatengsl lita ákvarðanir sínar. Það var því auðveld ákvörðun að bjóða fram krafta mína í annað sætið hjá Pírötum í Suðvesturkjördæmi. Höfundur er frambjóðandi Pírata í Suðvesturkjördæmi Viltu birta grein á Vísi? Sendu okkur póst. Senda grein Gísli Rafn Ólafsson Mest lesið Grindavík lifir Kristín María Birgisdóttir,Dagmar Valsdóttir Skoðun Sósíalistaflokkurinn kaus breytingar Karl Héðinn Kristjánsson Skoðun Vér erum úr sömu sveit Steinþór Logi Arnarsson Skoðun Er sanngjarnt að hækka virðisaukaskatt á mat og gistingu til að láta erlenda ferðamenn borga meira? Þórir Garðarsson Skoðun Ég á þetta ég má þetta Arnar Atlason Skoðun „Ef hún hefði haft val, hefði konan mín þá kosið að láta heilabilunina hafa sinn gang?” Ingrid Kuhlman Skoðun Stéttarkerfi Halldóra Lillý Jóhannsdóttir Skoðun Réttlát leiðrétting veiðigjalda Elín Íris Fanndal Skoðun Heiðmörk: Gaddavír og girðingar Auður Kjartansdóttir Skoðun Að vera eða ekki vera – hvað er raunverulegur árangur? Ásta Kristín Sigurjónsdóttir,Inga Hlín Pálsdóttir Skoðun Skoðun Skoðun Grindavík lifir Kristín María Birgisdóttir,Dagmar Valsdóttir skrifar Skoðun Sósíalistaflokkurinn kaus breytingar Karl Héðinn Kristjánsson skrifar Skoðun Vér erum úr sömu sveit Steinþór Logi Arnarsson skrifar Skoðun „Ef hún hefði haft val, hefði konan mín þá kosið að láta heilabilunina hafa sinn gang?” Ingrid Kuhlman skrifar Skoðun Réttlát leiðrétting veiðigjalda Elín Íris Fanndal skrifar Skoðun Að vera eða ekki vera – hvað er raunverulegur árangur? Ásta Kristín Sigurjónsdóttir,Inga Hlín Pálsdóttir skrifar Skoðun Er sanngjarnt að hækka virðisaukaskatt á mat og gistingu til að láta erlenda ferðamenn borga meira? Þórir Garðarsson skrifar Skoðun Heiðmörk: Gaddavír og girðingar Auður Kjartansdóttir skrifar Skoðun Tuttugu ár af röddum sem áður voru þaggaðar, og framtíðin er okkar Guðmundur Ingi Þóroddsson skrifar Skoðun #blessmeta - önnur grein Guðrún Hrefna Guðmundsdóttir skrifar Skoðun Hvers virði er lambakjöt? Hafliði Halldórsson skrifar Skoðun Lífið er eins og konfektkassi, þú veist aldrei hvernig mola þú færð Elín Íris Fanndal skrifar Skoðun Þjóðareign, trú og skattar Svanur Guðmundsson skrifar Skoðun Hamas og átökin við Ísrael – hvað er ekki sagt upphátt? Einar G Harðarson skrifar Skoðun Gjaldfrjálsar máltíðir fyrir leikskólabörn Hólmfríður Jennýjar Árnadóttir skrifar Skoðun Næstu sólarhringar á Gaza skipta sköpum Hlynur Már Vilhjálmsson skrifar Skoðun Hvernig gengur nýjum kennurum í grunnskólakennslu? Ingólfur Ásgeir Jóhannesson,Aðalheiður Anna Erlingsdóttir,Andri Rafn Ottesen,Maríanna Jónsdóttir Maríudóttir,Valgerður S. Bjarnadóttir skrifar Skoðun Huglæg réttlætiskennd og skattar á verðmætasköpun Kristinn Karl Brynjarsson skrifar Skoðun Loksins fær þyrlan heimili fyrir norðan Njáll Trausti Friðbertsson skrifar Skoðun Opið bréf til stjórnvalda Elín Ýr Arnar Hafdísardóttir skrifar Skoðun Við skuldum þeim að hlusta Ólafur Adolfsson skrifar Skoðun „Litla stúlkan og ruddarnir“ - Hugleiðing um stöðu Íslands á alþj.vettv. Flosi Þorgeirsson skrifar Skoðun Mikilvæg gagnrýni eða tilraun til valdayfirtöku í Sósíalistaflokknum? Ása Lind Finnbogadóttir skrifar Skoðun Matvælaverð hefur nær þrefaldast frá stofnun Viðskiptaráðs! Sigríður Ingibjörg Ingadóttir skrifar Skoðun Alvarleg staða í umhverfi fréttamiðla Rósa Guðbjartsdóttir skrifar Skoðun Stéttarkerfi Halldóra Lillý Jóhannsdóttir skrifar Skoðun Stöðvum Hamas. Einungis þannig getum við stöðvað hryllinginn á Gaza BIrgir Finnsson skrifar Skoðun Dagur líffræðilegrar fjölbreytni 2025 Rannveig Magnúsdóttir,Ole Sandberg,Ragnhildur Guðmundsdóttir,Rebecca Thompson,Skúli Skúlason,Sæunn Júlía Sigurjónsdóttir skrifar Skoðun Æfingin skapar meistarann! Sigurjón Már Fox Gunnarsson skrifar Skoðun 140 sinnum líklegra að verða fyrir eldingu Sigurður G. Guðjónsson skrifar Sjá meira
Hvað fær miðaldra karlmann til þess að bjóða sig fram til Alþingis? Erum við ekki nú þegar nógu margir í efstu lögum samfélagsins? Ástæðurnar fyrir framboðum miðaldra karla eru að líkindum mismunandi enda erum við blessunarlega fjölbreyttur hópur, þrátt fyrir fábreytt kynferði og aldursbil. Eftir að hafa starfað um áratuga skeið um allan heim, með fjölmörgu fjölbreyttu fólki við krefjandi aðstæður, langar þennan miðaldra karl einfaldlega að láta gott af sér leiða: Uppbygging Framundan er uppbygging eftir óvænt áfall. Í gegnum störf mín undanfarna áratugi hef ég stýrt viðbrögðum við mörgum af stærstu krísum heims; eins og eftir flóð, jarðskjálfta, fellibylji og Ebólu. Nú stöndum við frammi fyrir tveimur af stærstu krísum seinni tíma, heimsfaraldri og loftslagsvá. Frábært viðbragð sérfræðinganna við heimsfaraldrinum líður fyrir hið pólitíska viðbragð, sem hefur einkennst af því að slá öllu á frest. Þetta ætti ekki að koma neinum á óvart, því að viðbragð stjórnmálamanna við loftslagsvá hefur einnig einkennst af því að slá öllum alvöru viðbrögðum á frest. Sem reyndur krísustjórnandi get ég fullyrt að það að stinga höfðinu í sandinn og vona að allt fari á besta veg hefur aldrei virkað. Ég vil ekki að börnin mín og barnabörn þurfi að líða fyrir aðgerðaleysi minnar kynslóðar. Ungt fólk Sem fimm barna faðir þá eru málefni ungs fólks mér ansi kær. Þau lifa á miklum breytingatímum, en samt eru þeir innviðir samfélagsins sem eiga að styðja ungt fólk hannaðir og stjórnað af kynslóðum sem bera ekki skilning á samfélagi nútímans. Handan við hornið er aukin sjálfvirkni- og hnattvæðing sem mun ekki aðeins hafa áhrif á gerð starfa heldur jafnframt staðsetningu þeirra. Ef við viljum ekki glutra niður mikilvægu tækifæri er nauðsynlegt að uppfæra mennta- og stuðningskerfin okkar, fyrr en síðar. Við þurfum að hætta að vera hrædd við framtíðina, grípa gæsina og búa okkur undir breytingarnar sem fram undan eru. Unga fólkið okkar á tækifærin skilið. Eldra fólk Við sem eigum foreldra og aðra ættingja sem komnir eru á eftirlaun þurfum að horfast í augu við hvernig farið er með fólkið sem ruddi brautina fyrir okkur. Við höfum jaðarsett eldri kynslóðir, ýmist í fátækt eða óhentugar stofnanir. Það þarf að snúa af þeirri braut, fá eldra fólk aftur að borðinu og koma fram við fullorðið fólk eins og fullorðið fólk. Samfélagið á að styðja það til að lifa lífi sínu eins og það sjálft vill, en sé ekki fast í boðum, bönnum og skerðingum. Hið opinbera á að efla fólk, hvort sem það vill setjast í helgan stein eða hefur ánægju og getu til að vera á vinnumarkaði á efri árum. Framtíð eldra fólks skal vera á þeirra forsendum og til þess þarf að fjölga valmöguleikum þeirra og fækka refsingum. Við sem erum miðaldra í dag munum þakka okkur síðar. Útlendingar Undanfarna áratugi hef ég unnið mikið með fólki á flótta og séð frá fyrstu hendi þær aðstæður sem það er að flýja. Hvort sem það hefur verið í Grikklandi, Kenía eða Haítí þá hefur lærdómurinn verið sá sami: Það leggur enginn á flótta af léttúð. Það er því eins og að fá hnífstungu í hjartað að horfa upp á þá ómannúðlegu meðferð sem hælisleitendur fá hér á landi. Í stað þess að styðja þau sem eru búin að flytja hingað á hjara veraldar í leit að betra lífi, þá virðumst við vera tilbúin að gleyma öllu sem heitir mannúð og mannréttindi, bara af því að þau líta ekki út eins og við hin. Við Íslendingar erum fámenn þjóð, samfélag okkar myndi einfaldlega ekki ganga án framlags fólks af erlendum uppruna, og því ættum við miklu frekar að bjóða fólk velkomið sem hingað vill koma í leit að betra lífi. Framtíðin Nýsköpun er orðin að tískuorði stjórnmálafólks. Þó svo að það sé gott og blessað, enda ekki langt síðan frumkvöðlar voru hreinlega litnir hornauga, er ekki sama hvernig að nýsköpun er staðið. Eftir að ég sagði skilið við krísustjórnun og mannúðarstörf fluttist ég í Kísildalinn, þar sem ég aðstoðaði norræna frumkvöðla við að að feta sig í tækniheiminum vestanhafs. Þar fékk ég innsýn í alþjóðlega nýsköpunargeirann, sem bjóða þarf velkominn til Íslands. Tækifæri landsins sem uppspretta hreinnar orku og skapandi mannauðs eru nær endalaus, en til þess að við getum nýtt þau til fullnustu þarf að gera breytingar á styrkja-, skatta-, og fjármögnunarumhverfi nýsköpunar. Breytingar sem Píratar ætla að innleiða, fáum við til þess stuðning. Gefa til baka Það er langt síðan ég áttaði mig á að völd, titlar og persónulegur gróði hafa enga alvöru merkingu í lífinu. Það eina sem skiptir máli er að láta gott af sér leiða og nýta eigin reynslu, þekkingu og sambönd til þess að bæta það samfélag sem við lifum í. Við sem erum í þeirri öfundsverðu aðstöðu að geta gefið af okkur eigum að gera það - og þess vegna býð ég mig fram til Alþingis. Þegar ég tók þá ákvörðun í byrjun árs að gefa kost á mér í þessa vegferð, þá horfði ég til þess hvaða flokkar á Alþingi væru með sömu hugsjón og ég. Ég vildi vinna með fólki úr ólíkum áttum sem að væri tilbúið að finna sameiginlegar lausnir á flóknum vandamálum samfélagsins. Fólki sem vildi sjá bætt vinnubrögð á Alþingi. Fólk sem léti ekki valdagræðgi, spillingu og hagsmunatengsl lita ákvarðanir sínar. Það var því auðveld ákvörðun að bjóða fram krafta mína í annað sætið hjá Pírötum í Suðvesturkjördæmi. Höfundur er frambjóðandi Pírata í Suðvesturkjördæmi
Er sanngjarnt að hækka virðisaukaskatt á mat og gistingu til að láta erlenda ferðamenn borga meira? Þórir Garðarsson Skoðun
„Ef hún hefði haft val, hefði konan mín þá kosið að láta heilabilunina hafa sinn gang?” Ingrid Kuhlman Skoðun
Að vera eða ekki vera – hvað er raunverulegur árangur? Ásta Kristín Sigurjónsdóttir,Inga Hlín Pálsdóttir Skoðun
Skoðun „Ef hún hefði haft val, hefði konan mín þá kosið að láta heilabilunina hafa sinn gang?” Ingrid Kuhlman skrifar
Skoðun Að vera eða ekki vera – hvað er raunverulegur árangur? Ásta Kristín Sigurjónsdóttir,Inga Hlín Pálsdóttir skrifar
Skoðun Er sanngjarnt að hækka virðisaukaskatt á mat og gistingu til að láta erlenda ferðamenn borga meira? Þórir Garðarsson skrifar
Skoðun Tuttugu ár af röddum sem áður voru þaggaðar, og framtíðin er okkar Guðmundur Ingi Þóroddsson skrifar
Skoðun Lífið er eins og konfektkassi, þú veist aldrei hvernig mola þú færð Elín Íris Fanndal skrifar
Skoðun Hvernig gengur nýjum kennurum í grunnskólakennslu? Ingólfur Ásgeir Jóhannesson,Aðalheiður Anna Erlingsdóttir,Andri Rafn Ottesen,Maríanna Jónsdóttir Maríudóttir,Valgerður S. Bjarnadóttir skrifar
Skoðun „Litla stúlkan og ruddarnir“ - Hugleiðing um stöðu Íslands á alþj.vettv. Flosi Þorgeirsson skrifar
Skoðun Mikilvæg gagnrýni eða tilraun til valdayfirtöku í Sósíalistaflokknum? Ása Lind Finnbogadóttir skrifar
Skoðun Matvælaverð hefur nær þrefaldast frá stofnun Viðskiptaráðs! Sigríður Ingibjörg Ingadóttir skrifar
Skoðun Dagur líffræðilegrar fjölbreytni 2025 Rannveig Magnúsdóttir,Ole Sandberg,Ragnhildur Guðmundsdóttir,Rebecca Thompson,Skúli Skúlason,Sæunn Júlía Sigurjónsdóttir skrifar
Er sanngjarnt að hækka virðisaukaskatt á mat og gistingu til að láta erlenda ferðamenn borga meira? Þórir Garðarsson Skoðun
„Ef hún hefði haft val, hefði konan mín þá kosið að láta heilabilunina hafa sinn gang?” Ingrid Kuhlman Skoðun
Að vera eða ekki vera – hvað er raunverulegur árangur? Ásta Kristín Sigurjónsdóttir,Inga Hlín Pálsdóttir Skoðun