TILMÆLi! Sara E. Þórðardóttir Oskarsson skrifar 1. ágúst 2021 12:00 Fyrirvari: Eftirfarandi pistill lýsir á engan hátt skoðunum þess sem hann skrifar enda hefur höfundur ekki skoðanir heldur trúir á vísindin og okkar fremsta framlínufólk. Aukafyrirvari: Ég mæli alls ekki með því að þeir sem eru húmorslausir, eða hafa tilhneigingu til þess að taka lífinu háalvarlega lesi þennan pistil. Það er svakaleg áhætta að vera á lífi vegna þess að þá gæti maður dáið. Útlöndin eru svakalega hættuleg enda fullt af svakalega sýktum útlendingum þar. Þess vegna teljum við að það sé svakalega mikilvægt að halda sig bara heima á okkar ylhýra landi og loka sem mest og best á þessa svakalegu útlendu hættu alla. Spítalinn okkar Spítalinn okkar er á svakalegu hættustigi jafnvel þó að þar liggi einungis örfáir vegna covid. En það er engin furða og ekkert furðulegt við það, og vinsamlega ekki spyrja neinna spurninga út í það, af því að við viljum það ekki. Ef að þú starfar á spítalanum þá skaltu heldur ekkert vera að hnýsast um ástandið eða krefjast þóknunar í samræmi við vinnutíma og álag, heldur muna bara að þjóðin klappaði oft fyrir ykkur í vetur. Hérna eru nýjustu smittölurnar en ekki taka mark á þeim, þær segja ekkert og það gæti verið að þær fari svakalega hækkandi á næstu dögum. Hér eru svo upplýsingarnar um litakóðuðu sjúklingana. En það er óráðlegt að taka nokkuð einasta mark á þeim vegna þess að þær segir ekki alla söguna. Þær segja í raun alls enga sögu þannig að við ráðleggjum fólki að hugsa ekkert meira út í það. Strax Jafnvel þó að þú sért margbólusettur og marg-endursýktur og einkennalaus og alheilbrigður - og þó að þér líði stórvel og sért ungur og fílhraustur og hafir ekkert farið eða ekki hitt aðra hræðu síðustu tvo mánuðina þá skaltu ekki láta blekkjast! Það eru samt svakalega miklar líkur á að þú sért mikið sýktur og þú skalt flýta þér í sýnatöku strax! En mundu, jafnvel þó að niðurstaðan sé neikvæð og að þú greinist ekki með COVID-19 útilokar það alls ekki að þú fáir sjúkdóminn síðar eða sért kannski bara alveg að fara að fá hann. Farðu því aftur í sýnatöku strax svo að okkar frábæra og framúrskarandi smitrakningarteymi geti tekið þig úr umferð sem allra fyrst. En mundu: ekki vola - af því að þú ert alvöru Íslendingur auk þess sem að þú getur bara prísað þig sælan að fá að gista í einu af okkar 5 stjörnu farsóttarbælum. Partýið er þar. Einkennalaus Það er bandvitlaust að gera hjá okkur á göngdeildinni því að erum önnum kafin við að sinna sjúklingum sem eru einkennalausir og ekkert veikir. Og við höfum svakalega miklar áhyggjur af því að það séu kannski miklu fleiri þarna úti sem viti ekki að þeir séu ekki veikir og eru jafnvel í nánu samneyti við fullt af öðru heilbrigðu fólki - sem kemst svo kannski aldrei að það var ekkert veikt. Við höfum áhyggjur af því að það sé í raun rosalega margt heilbrigt fólk þarna úti sem lifir í góðri trú um að það sé heilbrigt og jafnvel hátti lífi sínu í samræmi við það. Við höfum eins og áður segir svakalega miklar áhyggjur af þessu.. Við höfum líka miklar áhyggjur af mun fleiru en við getum tjáð á klukkutímastuttum upplýsingafundum þannig að við munum halda auka upplýsingafund um síðasta upplýsingafundinn sem var áðan. Sá verður númer 2379 í röðinni. Ferðumst í huganum Við mælum með því að ferðast bara í huganum um Versló og alls ekki að fara neitt þar sem að þú gætir fundið annað fólk fyrir. Þetta á sér í lagi við um veislur, fjölskyldufagnaði, ýmiskonar mannamót og “djammið” svokallaða verandi auðvitað það alversta! Við mælum í raun ekki með því að fólk fari á neina opinbera staði yfir höfuð því að þar er öllum drullu sama. Ekki gera neitt að nauðsynjalausu og ef að þú ert í vafa um hvað teljist nauðsynlegt í þínu lífi og hvaða forgangsröðun þú átt að hafa þá tökum við það að okkur að skilgreina það fyrir þig. Ef að þú ert veikur af einhverju öðru en covid: ekki koma, ekki hringja, ekki! Og ef að þú þarft endilega að fæða barn þá væri betra að bíða aðeins með það. Sýnum tillitsemi, við erum langflest í þessu saman. Öndum í huganum Að lokum viljum við minna á að þeir sem anda eru mun útsettari fyrir því að smitast af covid þannig að við mælum með því að anda sem minnst - enda er það þekkt smitleið að smitast í gegnum öndunarfærin. Höfundur er hún sjálf. P.S. Veldisvöxtur. Viltu birta grein á Vísi? Sendu okkur póst. Senda grein Sara Oskarsson Mest lesið Þegar þeir sem segjast þjóna þjóðinni ráðast á hana Ágústa Árnadóttir Skoðun Ekki mínir hagsmunir Berglind Hlín Baldursdóttir Skoðun Dóru Björt svarað! Jón G. Hauksson Skoðun Óásættanleg málsmeðferð Linda Íris Emilsdóttir,Katrín Oddsdóttir Skoðun Leikskólagjöld í Kópavogi þau hæstu á landinu Örn Arnarson Skoðun Samþjöppunin hefur ekkert að gera með veiðigjöldin Sigurjón Þórðarson Skoðun Orðsins fyllsta merking Eiríkur Kristjánsson Skoðun Ætlar vinstri meirihlutinn að skila auðu? Þórdís Lóa Þórhalldóttir Skoðun Hörmulegur atburður í flugstöð Leifs Eiríkssonar Jón Pétursson Skoðun Fjárfestavernd sem gengur of langt? Baldvin Ingi Sigurðsson Skoðun Skoðun Skoðun Snjallasta stefnubreyting Samfylkingarinnar Jóhann Frímann Arinbjarnarson skrifar Skoðun Þegar samfélagið þagnar Benóný Valur Jakobsson skrifar Skoðun Stjórnleysi í íslenskri dýravernd Árni Stefán Árnason skrifar Skoðun Olíumjólk Sigurður Ingi Friðleifsson skrifar Skoðun Leikskólagjöld í Kópavogi þau hæstu á landinu Örn Arnarson skrifar Skoðun Pólitískur gúmmítékki Jens Garðar Helgason skrifar Skoðun Þegar bændur bregðast dýrum sínum – Valda þeim þjáningu og skelfilegum dauðdaga Ole Anton Bieltvedt skrifar Skoðun Morðæðið á Gaza - Vitfirringin má ekki eyðileggja mennskuna Jón Baldvin Hannesson skrifar Skoðun Orðsins fyllsta merking Eiríkur Kristjánsson skrifar Skoðun Dóru Björt svarað! Jón G. Hauksson skrifar Skoðun Ísland og hafið: viðbrögð við brotum Ísraels á alþjóðalögum Inga Björk Margrétar Bjarnadóttir,Magnús Magnússon skrifar Skoðun Ekki mínir hagsmunir Berglind Hlín Baldursdóttir skrifar Skoðun Ætlar vinstri meirihlutinn að skila auðu? Þórdís Lóa Þórhalldóttir skrifar Skoðun Óásættanleg málsmeðferð Linda Íris Emilsdóttir,Katrín Oddsdóttir skrifar Skoðun Fjárfestavernd sem gengur of langt? Baldvin Ingi Sigurðsson skrifar Skoðun Æfðu þig í virkum og uppbyggilegum viðbrögðum Ingrid Kuhlman skrifar Skoðun Samþjöppunin hefur ekkert að gera með veiðigjöldin Sigurjón Þórðarson skrifar Skoðun Aðför Vinnueftirlits að hagsmunum slasaðra. Steinar Harðarson skrifar Skoðun Þegar þeir sem segjast þjóna þjóðinni ráðast á hana Ágústa Árnadóttir skrifar Skoðun Karlar, piltar og strákar Jón Pétur Zimsen skrifar Skoðun Eiga ellilífeyrir og örorkubætur að fylgja launavísitölu? Haukur Arnþórsson skrifar Skoðun Ísland verður að vernda hafið og fiskimiðin frá námuvinnslu á hafsbotni Laura Sólveig Lefort Scheefer,Þorgerður María Þorbjarnardóttir,Árni Finnsson,Sæunn Júlía Sigurjónsdóttir,Belén García Ovide,Huld Hafliðadóttir skrifar Skoðun Nennið þið plís blessaða ríkisstjórn! Derek T. Allen skrifar Skoðun Ertu klár? Jakob Smári Magnússon skrifar Skoðun Kengúrur eða Þorskar: Hver forritar framtíð Íslands? Björgmundur Örn Guðmundsson skrifar Skoðun Börnin á Gaza eru ekki í fríi Bjarni Fritzson,Blær Guðmundsdóttir ,Elías Rúni Þorsteinsson,Elísabet Thoroddsen,Gunnar Helgason,Linda Ólafsdóttir,Lóa Hlín Hjálmtýsdóttir,Yrsa Þöll Gylfadóttir skrifar Skoðun Mannréttindi fatlaðs fólks - orð og efndir Unnur Helga Óttarsdóttir,Alma Ýr Ingólfsdóttir skrifar Skoðun Brimrót og veðragnýr í alþjóðamálum Árni Þór Sigurðsson skrifar Skoðun Forstjórinn stígur fram Örn Pálsson skrifar Skoðun Lífsgæði íbúa Mosfellsbæjar skert Regína Ásvaldsdóttir skrifar Sjá meira
Fyrirvari: Eftirfarandi pistill lýsir á engan hátt skoðunum þess sem hann skrifar enda hefur höfundur ekki skoðanir heldur trúir á vísindin og okkar fremsta framlínufólk. Aukafyrirvari: Ég mæli alls ekki með því að þeir sem eru húmorslausir, eða hafa tilhneigingu til þess að taka lífinu háalvarlega lesi þennan pistil. Það er svakaleg áhætta að vera á lífi vegna þess að þá gæti maður dáið. Útlöndin eru svakalega hættuleg enda fullt af svakalega sýktum útlendingum þar. Þess vegna teljum við að það sé svakalega mikilvægt að halda sig bara heima á okkar ylhýra landi og loka sem mest og best á þessa svakalegu útlendu hættu alla. Spítalinn okkar Spítalinn okkar er á svakalegu hættustigi jafnvel þó að þar liggi einungis örfáir vegna covid. En það er engin furða og ekkert furðulegt við það, og vinsamlega ekki spyrja neinna spurninga út í það, af því að við viljum það ekki. Ef að þú starfar á spítalanum þá skaltu heldur ekkert vera að hnýsast um ástandið eða krefjast þóknunar í samræmi við vinnutíma og álag, heldur muna bara að þjóðin klappaði oft fyrir ykkur í vetur. Hérna eru nýjustu smittölurnar en ekki taka mark á þeim, þær segja ekkert og það gæti verið að þær fari svakalega hækkandi á næstu dögum. Hér eru svo upplýsingarnar um litakóðuðu sjúklingana. En það er óráðlegt að taka nokkuð einasta mark á þeim vegna þess að þær segir ekki alla söguna. Þær segja í raun alls enga sögu þannig að við ráðleggjum fólki að hugsa ekkert meira út í það. Strax Jafnvel þó að þú sért margbólusettur og marg-endursýktur og einkennalaus og alheilbrigður - og þó að þér líði stórvel og sért ungur og fílhraustur og hafir ekkert farið eða ekki hitt aðra hræðu síðustu tvo mánuðina þá skaltu ekki láta blekkjast! Það eru samt svakalega miklar líkur á að þú sért mikið sýktur og þú skalt flýta þér í sýnatöku strax! En mundu, jafnvel þó að niðurstaðan sé neikvæð og að þú greinist ekki með COVID-19 útilokar það alls ekki að þú fáir sjúkdóminn síðar eða sért kannski bara alveg að fara að fá hann. Farðu því aftur í sýnatöku strax svo að okkar frábæra og framúrskarandi smitrakningarteymi geti tekið þig úr umferð sem allra fyrst. En mundu: ekki vola - af því að þú ert alvöru Íslendingur auk þess sem að þú getur bara prísað þig sælan að fá að gista í einu af okkar 5 stjörnu farsóttarbælum. Partýið er þar. Einkennalaus Það er bandvitlaust að gera hjá okkur á göngdeildinni því að erum önnum kafin við að sinna sjúklingum sem eru einkennalausir og ekkert veikir. Og við höfum svakalega miklar áhyggjur af því að það séu kannski miklu fleiri þarna úti sem viti ekki að þeir séu ekki veikir og eru jafnvel í nánu samneyti við fullt af öðru heilbrigðu fólki - sem kemst svo kannski aldrei að það var ekkert veikt. Við höfum áhyggjur af því að það sé í raun rosalega margt heilbrigt fólk þarna úti sem lifir í góðri trú um að það sé heilbrigt og jafnvel hátti lífi sínu í samræmi við það. Við höfum eins og áður segir svakalega miklar áhyggjur af þessu.. Við höfum líka miklar áhyggjur af mun fleiru en við getum tjáð á klukkutímastuttum upplýsingafundum þannig að við munum halda auka upplýsingafund um síðasta upplýsingafundinn sem var áðan. Sá verður númer 2379 í röðinni. Ferðumst í huganum Við mælum með því að ferðast bara í huganum um Versló og alls ekki að fara neitt þar sem að þú gætir fundið annað fólk fyrir. Þetta á sér í lagi við um veislur, fjölskyldufagnaði, ýmiskonar mannamót og “djammið” svokallaða verandi auðvitað það alversta! Við mælum í raun ekki með því að fólk fari á neina opinbera staði yfir höfuð því að þar er öllum drullu sama. Ekki gera neitt að nauðsynjalausu og ef að þú ert í vafa um hvað teljist nauðsynlegt í þínu lífi og hvaða forgangsröðun þú átt að hafa þá tökum við það að okkur að skilgreina það fyrir þig. Ef að þú ert veikur af einhverju öðru en covid: ekki koma, ekki hringja, ekki! Og ef að þú þarft endilega að fæða barn þá væri betra að bíða aðeins með það. Sýnum tillitsemi, við erum langflest í þessu saman. Öndum í huganum Að lokum viljum við minna á að þeir sem anda eru mun útsettari fyrir því að smitast af covid þannig að við mælum með því að anda sem minnst - enda er það þekkt smitleið að smitast í gegnum öndunarfærin. Höfundur er hún sjálf. P.S. Veldisvöxtur.
Skoðun Þegar bændur bregðast dýrum sínum – Valda þeim þjáningu og skelfilegum dauðdaga Ole Anton Bieltvedt skrifar
Skoðun Ísland og hafið: viðbrögð við brotum Ísraels á alþjóðalögum Inga Björk Margrétar Bjarnadóttir,Magnús Magnússon skrifar
Skoðun Ísland verður að vernda hafið og fiskimiðin frá námuvinnslu á hafsbotni Laura Sólveig Lefort Scheefer,Þorgerður María Þorbjarnardóttir,Árni Finnsson,Sæunn Júlía Sigurjónsdóttir,Belén García Ovide,Huld Hafliðadóttir skrifar
Skoðun Börnin á Gaza eru ekki í fríi Bjarni Fritzson,Blær Guðmundsdóttir ,Elías Rúni Þorsteinsson,Elísabet Thoroddsen,Gunnar Helgason,Linda Ólafsdóttir,Lóa Hlín Hjálmtýsdóttir,Yrsa Þöll Gylfadóttir skrifar
Skoðun Mannréttindi fatlaðs fólks - orð og efndir Unnur Helga Óttarsdóttir,Alma Ýr Ingólfsdóttir skrifar