Erlent

Biðst afsökunar á því að gróðureldarnir geisi enn

Heimir Már Pétursson skrifar
Gríðarstór landsvæði hafa brunnið í Attica og á eyjunni Evia.
Gríðarstór landsvæði hafa brunnið í Attica og á eyjunni Evia. epa/Kostas Tsironis

Kyriakos Mitsotakis, forsætisráðherra Grikklands, hefur beðist afsökunar á að ekki hafi tekist að ráða niðurlögum skógarelda í landinu. Jafnvel þótt allt hafi verið gert sem í mannlegu valdi standi til að kæfa eldana hafi það oft á tíðum ekki reynst nóg.

Gróðureldar hafa valdið gífurlegu tjóni á eyjunni Evia, í útjaðri höfuðborgarinnar Aþenu og víðar á Grikklandi. Þúsundir manna hafa verið fluttar burt af heimilum sínum og eldarnir hafa valdið gífurlegu eignatjóni. 

Forsætisráðherrann sagði í sjónvarpsávarpi í gær að hann skyldi sársauka þeirra sem misst hefðu allt sitt en Grikkir væru nú í fodæmalausum aðstæðum. Vaxandi óánægju gætir meðal almennings vegna getuleysis stjórnkerfis landsins til að ráða niðurlögum eldanna.

Grikkland

Tengdar fréttir

„Þetta er eins og í hryllingsmynd“

Ólétt kona sem flutt var á brott af eyjunni Evia í Grikklandi vegna mikilla gróðurelda sem þar geisa segir aðstæður á eyjunni líkjast hryllingsmynd.

Mest lesið


Fleiri fréttir

Sjá meira


×

Mest lesið