Fótbolti

Nýliðarnir missa lykilmann til Íslandsmeistaranna

Sindri Sverrisson skrifar
Kári Árnason og Sölvi Geir Ottesen leggja skóna á hilluna eftir þessa leiktíð og þar með er stórt skarð fyrir skildi í vörn Víkinga sem McLagan hjálpar til við að fylla.
Kári Árnason og Sölvi Geir Ottesen leggja skóna á hilluna eftir þessa leiktíð og þar með er stórt skarð fyrir skildi í vörn Víkinga sem McLagan hjálpar til við að fylla. vísir/hulda margrét

Miðvörðurinn Kyle McLagan er genginn í raðir Íslandsmeistara Víkins R. frá Fram sem verður nýliði í Pepsi Max-deildinni í fótbolta á næstu leiktíð.

McLagan átti stóran þátt í mögnuðu sumri Framara sem töpuðu ekki leik í Lengjudeildinni og settu glæsilegt stigamet með því að fá 58 stig.

McLagan kom til Fram frá Roskilde í Danmörku á miðju tímabili í fyrra en hann er 25 ára Bandaríkjamaður. Hann lék alls 30 leiki fyrir Fram og skoraði í þeim 5 mörk. Víkingar þurfa ekki að greiða fyrir McLagan þar sem hann var orðinn samningslaus.

Í tilkynningu frá Fram er honum þakkað kærlega fyrir sitt framlag til félagsins og óskað velfarnaðar í framtíðinni. 

Hjá Víkingi er þörf á miðverði þar sem að Kári Árnason og Sölvi Geir Ottesen ætla að leggja skóna á hilluna þegar þátttöku þeirra í Mjólkurbikarnum lýkur. Víkingur mætir Vestra í undanúrslitum á Meistaravöllum í Vesturbæ Reykjavíkur á morgun.

Pepsi Max-deild karla Víkingur Reykjavík Fram

Mest lesið


Fleiri fréttir

Sjá meira


×

Mest lesið