Vekja at­hygli á risa­æfingu á höfuð­borgar­svæðinu

Landsæfingin fer fram á höfuðborgarsvæðinu á milli klukkan 9 og 17 í dag. Björgunarsveitir af öllu landinu koma saman og æfa fjölbreytt verkefni, bæði á landi og á sjó, að því er segir í tilkynningu frá Landsbjörg.

Björgunarsveitafólk af öllu landinu kemur saman og æfir fjölbreytt verkefni bæði á landi og á sjó. Meðal verkefna eru björgun í fjallendi, leit að týndum fólki, fyrsta hjálp, sporrakning, sjóbjörgun og köfun.

Æfinginn er unnin í samstarfi við aðra viðbragðsaðila og verður meðal annars æft með þyrlu Landhelgisgæslunnar.

Um tvö hundruð manns koma að æfingunni sem er skipulögð af félögum á Suðvesturhorninu.

Unglingar úr unglingastafi félagsins og félagar í slysavarnadeildum leika lykilhlutverk í æfingunni, en þeir leika sjúklinga og sjá til þess að allir séu vel nærðir.