Einn þekktasti auðjöfur Frakklands er dáinn

Tapie fæddist í parís árið 1943. Hann var sonur pípara en varð þó einn að ríkustu mönnum Frakklands. Hann varð einnig ráðherra í ríkisstjórn Francois Mitterand á tíunda áratug síðustu aldar og sat bæði í franska þinginu og Evrópuþinginu.

Tapie átti um tíma Adidas og fótboltafélagið Olympique Marseille. Þá lenti hann einnig í lagalegum vandræðum og sat í fangelsi.

Þegar hann átti Marseille tókst liðsmönnum liðsins að vinna Meistaradeild Evrópu árið 1993. Þegar hann var svo dæmdur í fangelsi, á var það fyrir að hagræða úrslitum í fótboltaleik í fyrstu deild Frakklands.

Þegar Tapie var ungur seldi hann sjónvörp á daginn og reyndi fyrir sér sem söngvari og kappakstursmaður á kvöldin, samkvæmt frétt France24.Hann reyndi einnig fyrir sér sem leikari í vinsælum frönskum sjónvarpsþáttum.

Hann varð svo þekktur fyrir að taka yfir fyrirtæki sem voru illa stödd. Á nokkrum árum eignaðist hann fimmtíu fyrirtæki sem hann seldi fyrir gífurlegan hagnað.

Það var svo eftir að hann var dæmdur í fangelsi að það byrjaði að halla undan veldi Tapie. Árið 2015 lýsti hann því svo yfir að hann væri orðinn öreigi.

Undanfarin ár hefur staðið í ýmsum vandræðum varðandi lögin. Þau vandræði hafa að miklu leyti snúið að kaupum hans á Adidas árið 1990. Hann þurfti svo að selja fyrirtækið aftur til ríkisbankans Crédit Lyonnais.

Árið 2008 komst opinber nefnd að þeirri niðurstöðu að Tapie hefði verið fórnarlamb svika og starfsmenn bankans hefðu verðmeti Adidas allt of lágt þegar hann var þvingaður til að selja bankanum fyrirtækið. Christine Lagarde, sem var efnahagsráðherra þá, ákvað að áfrýja ekki niðurstöðu nefndarinnar og leiddi það til ásakana um spillingu.

Í kjölfarið var Tapie gert að skila peningunum og hann sakaður um svik. Hann var sýknaður árið 2019 en saksóknarar beindu fljótt sjónum sínum aftur að Tapie og var hann aftur fundinn sekur um svik. Taka átti áfrýjun í því máli fyrir á miðvikudaginn.