Lektor í líftölfræði varar við Garðabæ sem pestarbæli

Hún er þar að vísa til útbreiðslu Covid-19. En óvænt hefur Garðabær orðið einsonar miðpunktur útbreiðslu Covid-smita en upphaf þeirra hér á landi er þegar efri millistétt, margir hverjir búsettir í Garðabæ, mætti til landsins smituð eftir skíðaferð í Ischgl í Austurríki.

„Mæli ekki með að koma í Garðabæinn og alls ekki að fara á veitingastaði í bænum. 

Þvílíkt pestarbæli þessa dagana en ekkert virðist hafa frést. Það var villibráðarkvöld á Sjálandi á föstudagskvöldið og heil hrúga að greinast smituð,“ 

segir Jóhanna sem gefur engan afslátt. 

Uppfært 11:58:

Og það hefur nú verið staðfest af Þórólfi Guðnasyni sóttvarnarlækni:

Jóhanna er búin að fá sig fullsadda af andvaraleysi yfirvalda í Garðabæ og rekur ýmis dæmi um hvernig Covid hefur komið upp í bæjarfélaginu á Twittersíðu sinni.

„Smit í Garðaskóla, Flataskóla og Hofstaðaskóla amk sem ég hef heyrt af. Ég er mjög ósatt við skólana og bæinn fyrir lélega eða réttara sagt nánast enga upplýsingagjöf.“

Yfirvöld í Garðabæ bregðast

Þá segist Jóhanna hafa frétt að smit hafi greinst á laugardag hjá einstaklingi sem var á Sjálandi á föstudag og þar enginn settur í sóttkví eða smitgátt. Hún segist vona að þetta sé rangt en þetta segi sagan. „Það er ÁSTÆÐA fyrir að veitingastaðir ÆTTU að segja frá þegar smit hefur greinst á staðnum,“ segir Jóhanna. 

Hún segir þetta með ólíkindum, lætur ekki sitja við orðin tóm og greinir frá því að hún hafi átt símtal við bæjaryfirvöld í Garðabæ og tjáð þeim þá skoðun sína að rakning væri einstaklega léleg í skólum og takmörkuð upplýsingagjöf, en svör hafi verið þau að bæjaryfirvöld væru að samræma sig við höfuðborgarsvæðið; gera eins og aðrir skólar á höfuðborgarsvæðinu. Jóhanna gefur lítið fyrir það og bendir á að skóli í Kópavogi virðist geta fylgt öðrum viðmiðum.

Rakning í skólum Garðabæjar grínið eitt

„Ég átta mig ekki á af hverju almenningur ætti að taka COVID19 alvarlega þegar yfirvöld* virðast ekki gera það,“ segir Jóhanna. Og hún rekur raunverlegt nýlegt dæmi:

„2 nemendur í skóla greinast smitaðir í árgangi sem ekki hefur getað þegið bólusetningu.

Örfá fara í sóttkví. Einhver í smitgát. Kennari fer í smitgát og heldur áfram að mæta til vinnu.

Kennari greinist. 2 nemendur í bekknum eru sendir í sóttkví vegna þessa.“

Jóhanna segir að þetta muni engan enda taka nema heppnin sé með fólki.  Þetta muni engan enda taka nema ef heppnin er með fólki. Yfirvöldin séu skólarnir, þeim séu falin völd til að skilgreina sóttkví og smitgát í umboði yfirvalda. Grunnskólar auk skemmtistaða og bara halda faraldrinum gangandi og þar þurfi að herða sóttvarnir. 

„En skólarnir verða örugglega ekki teknir fyrir. Íþróttir og tómstundir verða fyrr teknar af börnum af því fullorðið fólk í kerfinu áttar sig ekki á mikilvægi íþrótta og tómstunda fyrir mörg börn. Kennslustofan er vandamál. Mun meira vandamál en tími inni í stórum íþróttasal. Alveg eins eru tónleikar í stórum sal í Hörpu minna vandamál en á bar. Smitrakning í skólum er að mestu í höndum skólanna. Eftir stanslaust kvabb frá atvinnulífinu er rakningin í skólum víða orðin grín,“ segir Jóhanna sem telur andvara- og/eða dugleysi einkenna allar aðgerðir í Garðabæ.