Braut sér leið inn í bú­stað eftir að hafa villst í kuldanum

Þetta segir Davíð Már Bjarnason, upplýsingafulltrúi Landsbjargar, í samtali við fréttastofu. Maðurinn ku hafa verið illa búinn, og rataði ekki aftur í bústaðinn sem hann dvaldi í.

Af þessum sökum var viðbúnaður björgunarsveita mikill, enda talin hætta á að maðurinn myndi ofkælast. Í morgun var þá óskað eftir stuðningi björgunarsveita úr Reykjavík.

Maðurinn fannst rétt fyrir klukkan tíu í morgun, í öðrum sumarbústað þar sem hann hafði leitað skjóls. Hann var kaldur og hrakinn, auk þess að vera lemstraður eftir að hafa brotið sér leið inn í bústaðinn.

Hlúð var að manninum og lögregla vann að frágangi á sumarbústaðnum hvar maðurinn fannst.