Sport

Yfir 300 erlendir keppendur í Reykjavík á næstu dögum

Sindri Sverrisson skrifar
Svíinn Martin Pacek keppir í júdó á Reykjavíkurleikunum og Khan Porter í CrossFit. Porter er enn að venjast litnum á íslenska „sandinum“ eins og hann grínaðist með á Instagram.
Svíinn Martin Pacek keppir í júdó á Reykjavíkurleikunum og Khan Porter í CrossFit. Porter er enn að venjast litnum á íslenska „sandinum“ eins og hann grínaðist með á Instagram. Getty og Instagram/@iamkhanporter

Eftir að ekki var hægt að taka á móti erlendum keppendum á Reykjavíkurleikunum í fyrra vegna kórónuveirufaraldursins er búist við yfir 300 erlendum keppendum í ár.

Reykjavíkurleikarnir hefjast á laugardaginn og standa yfir í rúma viku eða til 6. febrúar. Alls verður keppt í 20 íþróttagreinum á níu keppnisdögum og í þetta sinn verður ekki bara einstaklingskeppni heldur einnig liðakeppni í nokkrum greinum.

Mótshaldarar halda í vonina um að áhorfendur geti mætt á einhvern hluta leikanna en eins og er koma samkomutakmarkanir stjórnvalda í veg fyrir það.

Eins og fjallað var um á Vísi í morgun verður liðakeppni í CrossFit í ár þar sem sannkölluð heimsklassalið verða á ferðinni. Einnig verður liðakeppni í skák, strandblaki og dansi, en skák og strandblak eru nýjar greinar á leikunum.

Á laugardag og sunnudag verður keppt í alls átta greinum, þar sem meðal annars er von á 40 erlendum keppendum sem glíma munu við sterkustu júdókappa Íslands.

Dagskrá Reykjavíkurleikanna má finna hér.

CrossFit Skák Dans Júdó Blak

Mest lesið


Fleiri fréttir

Sjá meira


×

Mest lesið