New­cast­le fær Guimarães frá Lyon

Nýríkt lið Newcastle er í óðaönn að reyna styrkja sig fyrir fallbaráttu ensku úrvalsdeildarinnar en ljóst er að nýir eigendur félagsins stefna ekki á að spila í Championship-deildinni á næstu leiktíð. 

Félagið hefur nú þegar náð í hægri bakvörðinn Kieran Trippier og sóknarmanninn Chris Wood. Það stefnir í að hinn 24 ára gamli Guimarães verði næstu kaup félagsins.

Guimarães á að baki þrjá landsleiki fyrir Brasilíu og talið er að hann kosti Newcastle um 40 milljónir evra.