15 til 20 prósent eldislax í kvíum Arctic Fish drepist

Greint er frá þessu í Morgunblaðinu í dag.

Í afkomuviðvörun sem fyrirtækið sendi frá sér um helgina segir að líffræðilegar áskoranir, eins og það er orðað, hafi valdið dauða fisksins. 

Daníel Jakobsson, starfsmaður hjá Arctic Fish, segir í samtali við blaðið að tekjutap af þessu sé verulegt, enda um fisk að ræða sem var kominn upp í sláturstærð. Þannig hafi verið búið að leggja út allan kostnað við eldið og aðeins átt eftir að slátra og innheimta tekjurnar. 

Fyrirtækið, sem er í eigu Norðmanna, hafði áður greint frá því í lok janúar að flýta þyrfti slátrun vegna affalla sem þá voru sögn um þrjú prósent. Nú er því ljóst að afföllin eru mun meiri en óttast hafði verið í fyrstu.