Fótbolti

Alfons og félagar fara með tveggja marka forskot í seinni leikinn

Hjörtur Leó Guðjónsson skrifar
Alfons Sampsted og félagar hans eru í góðum málum fyrir seinni leik liðanna.
Alfons Sampsted og félagar hans eru í góðum málum fyrir seinni leik liðanna. Stanislav Vedmid/DeFodi Images via Getty Images

Alfons Sampsted og félagar hans í norska liðinu Bodø/Glimt unnu afar sterkan 3-1 sigur er liðið heimsótti skoska stórliðið Celtic í Sambandsdeild Evrópu í kvöld.

Alfons lék allan leikinn fyrir Bodø/Glimt í hægri bakverði, en Runar Espejord kom liðinu yfir eftir aðein sex mínútna leik.

Annað mark leiksins kom á 55. mínútu þegar Amahl Pellegrino kom boltanum í netið fyrir gestina, áður en Daizen Maeda minnkaði muninn fyrir Celtic rúmum tíu mínútum fyrir leikslok.

Norðmennirnir náðu þó aftur tveggja marka forystu þegar Hugo Vetlesen tryggði liðinu 3-1 sigur með marki á 81. mínútu.

Liðin mætast aftur að viku liðinni þar sem Alfons og félagar mæta á heimavöll með tveggja marka forskot.

Sambandsdeild Evrópu

Mest lesið


Fleiri fréttir

Sjá meira


×

Mest lesið