Hilmar hrasaði í stórsviginu

Hilmar hrasaði í brautinni og náði ekki að ljúka fyrri ferð og féll þar með úr keppni.

Gullverðlaunin féllu í skaut Finnans Santeri Kiiveri sem fór ferðirnar tvær á 1:55,40 mínútu og varð 4/100 úr sekúndu á undan Bandaríkjamanninum Thomas Walsh. Frakkinn Arthur Bauchet varð þriðji á 1:55,89 mínútu.

Seinni grein Hilmars á mótinu er svig, sem jafnframt er aðalgrein Hilmars, á sunnudaginn á lokakeppnisdegi mótsins.

Þetta er í annað sinn sem að Hilmar, sem er einfættur, keppir á Vetrarólympíumóti fatlaðra en hann var einnig með í PyeongChang fyrir fjórum árum.