Gunnar var 82,4 kg á hóteli sínu í gær en hann má ekki vera þyngri en 77,1 kg er hann stígur á vigtina á föstudaginn. Það verða því ansi léttar máltíðir núna og eitthvað af ferðum í gufuna.
Okkar maður hefur aldrei verið í miklum vandræðum með að ná löglegri þyngd fyrir bardaga og kann listina að losa sig við nokkur kíló á lokametrunum ansi vel. Enda var ekkert stress í honum í gær.
Pétur Marinó Jónsson eltir Gunnar á röndum í London fyrir Mjölni og í öðrum þætti af The Grind má sjá Gunnar fyrsta daginn í Lundúnum. Það er að mörgu að hyggja hjá UFC-köppunum eins og sjá mér hér að neðan.
