Lovísa Elísabet Sigrúnardóttir, betur þekkt sem Lay Low, mun flytja lagið Með hækkandi sól í söfnunarmessu fyrir hjálparstarf kirkjunnar í Úkraínu í sunnudagsmessu í Fella- og Hólakirkju á sunnudaginn. Lagið er framlag Íslands til Eurovision í ár.
Auk Lay Low mun Diddú taka lagið, Grímur Helgason spilar á klarinett og Alexandra Chernyshova sópran syngja ásamt kór kirkjunnar. Kórinn mun bera barmmerki í úkraínsku fánalitunum. Í lok messunnar verður þjóðsöngur Úkraínu fluttur.
Séra Jón Ómar Gunnarsson þjónar og Kristín Ólafsdóttir frá Hjálparstarfi kirkjunnar flytur ávarp. Messan hefst klukkan 11.
Sigga, Beta og Elín sigruðu í Söngvakeppni sjónvarpsins fyrr í kvöld með laginu Með hækkandi sól. Þær systur unnu einvígi við Reykjavíkurdætur en þær síðarnefndu þóttu sigurstranglegastar að mati veðbanka.
