Fjölskylda Gottfrieds tilkynnti andlát hans á Twitter-síðu hans í kvöld.
„Það hryggir okkur að tilkynna andlát okkar heittelskaða Gilberts Gottfried eftir langvinn veikindi. Auk þess að vera ein þekktasta rödd grínsins var Gilbert yndislegur eiginmaður, bróðir, vinur og faðir tveggja ungra barna sinna. Þó dagurinn sé sorgardagur fyrir okkur öll, biðjum við ykkur um að halda áfram að hlæja sem hæst, Gilbert til heiðurs,“ segir fjölskylda hans.
— Gilbert Gottfried (@RealGilbert) April 12, 2022
Gottfried skaust upp á stjörnuhimininn á áttunda áratugnum þegar hann var einn af höfundum og stjörnum sjónvarpsþáttarins Saturday Night Live, en margir af þekktustu grínistum sögunnar hafa slitið grínbarnsskónum þar. Upp úr því átti hann farsælan feril sem uppistandari og leikari, hann lék til að mynda í stórmyndinni Beverly Hills Cop II.
