Kórónur, tvífarar og glitrandi klæði á Met Gala

Með Önnu í stjórninni eru Tom Ford og Adam Mosseri. Regina King, ofurparið Blake Lively og Ryan Reynolds ásamt Lin-Manuel Miranda voru gestgjafar kvöldsins en nýir gestgjafar eru valdir ár hvert.

Þemað í ár var „Gylltur glamúr, formlegur klæðnaður“ en sýningin „In America: An Anthology Of Fashion“ er einnig að opna og þemað er í tengslum við hana eins og hálfgert safnrit tískunnar í gegnum árin. 

Fjaðrir, kórónur, litríkir kjólar og klassískir svartir kjólar einkenndu hönnunina í ár ásamt gylltum glitrandi klæðum.

Hér að neðan má sjá brot af þeim dásamlegu klæðum sem sáust á dreglinum í gær:

Blake Lively og Ryan Reynolds voru klædd í Versace og Ralph Lauren en þau voru eins og áður sagði gestgjafar kvöldsins. Blake hefur í gegnum tíðina verið dugleg að vera í stíl við dregilinn sem gengið er á.

Kórónan á höfði Blake er sambærileg og á Frelsisstyttunni sjálfri.

Talandi um kórónu að þá mætti Anna Wintour, drottning Met Gala og Vogue með eina slíka þegar hún mætti og veifaði til lýðsins. Hún var klædd í Chanel.

Janelle Monáe var í kjól frá Ralph Lauren sem var með einstakri hettu.

Sebastian Stan var ekki hræddur við bleika litinn enda engin ástæða til, sérstaklega þegar Valentino stendur fyrir honum.

Gigi Hadid mætti í Versace en kápan fékk að fjúka þegar leið á kvöldið. 

Pete Davidson var klæddur í Dior en Kim Kardashian var í kjól af Marilyn Monroe sem hún klæddist þegar hún söng afmælissönginn fyrir John F Kennedy.

Systur hennar voru ekki langt undan í þetta skiptið en þetta var fyrsta árið þar sem þeim var öllum boðið á viðburðinn. Kylie klæddist Virgil Abloh, Khloé klæddist Moschino, Kourtney klæddist Thom Browne og Kendall var í kjól frá Prada.

Anderson .Paak og Shawn Mendes voru ánægðir að hittast en Anderson var í Gucci og Shawn í Tommy Hilfiger.

Gwen Stefani skein skært þar sem hún klæddist Veru Vang.

Maude Apatow, Emma Stone, Amy Schumer og Chloë Grace Moretz voru eitthvað að ræða málin á Met Gala í gær. Emma Stone flaut um í þessum fallega Louis Vuitton kjól líkt og hvítur svanur en hún klæddist kjólnum upphaflega í eftirpartýinu eftir brúðkaupið sitt þegar hún giftist Dave McCary árið 2020. 

Glenn Close klæddist Valentino í þessum fallega bleika lit sem hefur verið út um allt en nýlega gaf Valentino út línuna Valentino Pink PP Collection eftir Pierpaolo Piccioli.

Jacob Elordi er alltaf upp á tíu á rauða dreglinum, sem og annarsstaðar en í gær klæddist hann Burberry. 

Grínsnillingurinn Mindy Kaling var fögur í þessum fjólubláa kjól frá Prabal Gurung.

Squid Games leikkonan Jung Ho-yeon í Louis Vuitton og Emily in Paris leikkonan Ashley Park í Prabal Gurung áttu góða stund saman í gær.

Cole Sprouse var sætur í silfur jakkafötum frá Versace.

Donnatella Versace og Cardi B voru guðdómlegar í Versace. 

Hin nýgiftu Beckham hjón flutu um á bleiku skýi þar sem Nicola var í glæsilegum Valentino kjól og Brooklyn klæddist fötum frá Pierpaolo Piccioli hjá Valentino.

Emily og Lily voru í hönnun frá Atelier Versace.

Fredrik Robertsson var í hönnun frá Iris van Herpen en það var almennur misskilningur að um Jared Leto væri að ræða. 

Misskliningurinn var þó leiðréttur því Jared Leto mætti í Gucci ásamt tvífaranum sínum og Gucci hönnuðinum Alessandro Michele en hér má sjá þá með Dakotu Johnson sem var auðvitað líka í Gucci. 

Það fer ekkert á milli mála að Kaia Gerber er dóttir Cindy Crawford en hérna er hún með kærastanum sínum Austin Butler sem fer með hlutverk Elvis Presley í væntanlegri mynd um líf rokk kóngsins. Kaia var í Alexander McQueen og Austin í Prada.

Fyrirsætan Winni Harlow var himnesk í hönnun frá Iris van Herpen.

Billie Eilish var í Gucci líkt og bróðir hennar Finneas.

Joe Jonas og Sophie Turner bíða spennt eftir sínu öðru barni en nýta tímann vel í hluti eins og að mæta á Met Gala í klæðum frá Louis Vuitton.