Innlent

Flestir strikuðu yfir Þórhall Jónsson

Bjarki Sigurðsson skrifar
Oftast var strikað yfir nafn Þórhalls Jónssonar sem skipaði þriðja sætið á lista Sjálfstæðisflokksins.
Oftast var strikað yfir nafn Þórhalls Jónssonar sem skipaði þriðja sætið á lista Sjálfstæðisflokksins. Vísir/Vilhelm

Á Akureyri voru það aðallega kjósendur Sjálfstæðisflokksins sem strikuðu yfir nöfn frambjóðenda í nýafstöðnum sveitarstjórnarkosningum. Strikað var yfir nöfn þeirra alls 120 sinnum. Af frambjóðendunum var það Þórhallur Jónsson í þriðja sæti listans sem fékk flestar útstrikanir, 81 talsins. 

Hjá L-listanum var 35 sinnum strikað yfir nöfn frambjóðenda, oftast yfir nafn Andra Teitssonar í 4. sæti listans.

Andri Teitsson skipaði 4. sætið hjá L-listanum.Aðsend

Þá var strikað 26 sinnum yfir nöfn frambjóðenda Vinstri grænna og fengu alls 18 frambjóðendur af 22 eina eða fleiri útstrikun. 

Miðflokkurinn hlaut 27 útstrikanir og voru þær flestar yfir nafn Hlyns Jóhannssonar, oddvita flokksins, 16 sinnum.  Samfylkingin fékk 21 útstrikanir og hlaut Hilda Jana Gísladóttir oddviti tólf þeirra.

Hlynur fékk sextán útstrikanir og Hilda Jana tólf.Aðsend

Strikað var þrisvar yfir nafn Sunnu Hlínar Jóhannesdóttur, oddvita Framsóknarflokksins, en flokkurinn fékk alls 13 útstrikanir. Níu sinnum var strikað yfir nöfn á lista Flokks fólksins, þrisvar hjá Brynjólfi Ingvarssyni oddvita, og þrisvar sinnum yfir Hannesínu Scheving í fjórða sætinu. 

Kattaframboðið fékk tvær útstrikanir, bæði skiptin yfir nafn Snorra Ásmundssonar oddvita, og Píratar fengu aðeins eina. Þá var strikað yfir nafn Hrafndísar Báru Einarsdóttur. 

Akureyri Sveitarstjórnarkosningar 2022 Sjálfstæðisflokkurinn Vinstri græn Framsóknarflokkurinn Miðflokkurinn Samfylkingin Píratar Flokkur fólksins

Mest lesið


Fleiri fréttir

Sjá meira


×

Mest lesið