Hörður Björgvin: Tek jöfnunarmarkið alfarið á mig

„Tilfinningin er góð eftir þennan leik. Við fáum mark á okkur snemma sem kom okkur upp á tærnar. Þá náðum við upp góðum spilkafla og okkur tókst af jafna metin," sagði Hörður Björgvin í samtali við Viaplay að leik loknum. 

„Ég tek jöfnunarmarkið alfarið á mig. Þetta fer bara í reynslubankann. Það var svekkjandi að annað markið okkar var ekki sigurmark," sagði varnarmaðurinn sem fékk boltann yfir sig þegar Ísraelar tryggðu sér stig. 

„Mig langar samt að hrósa ungum og efnilegum leikmönnum í okkar liði fyrir að standa sig vel í erfiðum aðstæðum,“ sagði Hörður Björgvin sem hóf leikinn í vinstri bakverðinum og færði sig yfir í miðvörðinn í hálfleik. 

Þá tók Hörður Björgvin við fyrirliðabandinu þegar Birkir Bjarnason fór af velli undir lok leiksins.