Endurbætur ýmist sagðar nauðsynlegar eða skemmdarverk Magnús Jochum Pálsson skrifar 14. júní 2022 08:30 Innilaug Sundhallar Reykjavíkur sem fer í meirháttar endurbætur í desember. Vísir/Vilhelm Stefnt er að því að hefja framkvæmdir við innilaug Sundhallar Reykjavíkur um áramótin. Til stendur að endurgera sundlaugarbakkann og laugarkerið sem er komið til ára sinna ásamt því að gera sérstaka dýfingalaug fyrir stökkbrettin. Sérfræðingar segja framkvæmdir nauðsynlegar en fastagestur telur breytinguna skemmdarverk. Í Morgunblaðinu þann 11. júní greindi Steinþór Einarsson, skrifstofu- og rekstrarstjóra íþrótta- og tómstundasviðs Reykjavíkurborgar, frá því að Minjastofnun hefði samþykkt framkvæmdina sem færi nú í útboð. Hann taldi að byrjað yrði á framkvæmdum í desember ef allt gengi eftir í útboðsmálum og þær gætu tekið allt að einu ári. Breytingin hefði ekki áhrif á reksturinn. „Lífsspursmál fyrir húsið að fara í þessa viðgerð“ Undirritaður heyrði í Pétri Ármannssyni, arkitekt, sviðsstjóra hjá Minjastofnun og sérfræðingi um Guðjón Samúelsson. Pétur Ármannsson, sviðsstjóri hjá Minjastofnun, segir breytingarnar á lauginni nauðsynlegar.Vísir/Vilhelm Hann sagði að Sundhöllin væri friðlýst bygging og því þyrftu allar breytingar á húsinu að hljóta samþykki Minjastofnunar. Það væri búið að kynna breytingarnar fyrir Húsafriðunarnefnd og sýna fram á nauðsyn þess að ráðast í viðgerðir. Staðreyndin væri sú að ef ekkert yrði gert við innilaugina myndi hún eyðileggjast. Breytingin væri einfaldlega óumflýjanleg ef nota ætti innilaugina áfram. Það væri „lífsspursmál fyrir húsið að fara í þessa viðgerð,“ sagði Pétur. „Það er lykilatriði að mannvirki sé í notkun og þjóni upprunalegu hlutverki sínu. Það er ekki um neitt annað að ræða en að fara í þessa viðgerð,“ sagði hann að lokum. Áframhaldandi eyðilegging Næst heyrði blaðamaður í Þresti Ólafssyni, fastagesti laugarinnar til áratuga og stjórnarmeðlimi í stjórn Minjaverndar. Þröstur sagði að sér litist ekki vel á breytingarnar. Með þeim væri verið að halda áfram að eyðileggja bygginguna sem hefði staðið í verndarflokki um áratugaskeið. Þröstur Ólafsson er ekki par sáttur með breytingarnar á innilauginni í Sundhöll Reykjavíkur.Aðsend mynd „Það er búið að eyðileggja innganginn og allt sem þar var og búið að breyta sturtuklefanum. Það sem er eftir, er sundlaugin sjálf og karlaklefarnir. Ef hún verður tekin líka og brotin upp verður lítið eftir af þessu,“ sagði Þröstur ómyrkur í máli. „Og ég veit nú ekki hvert við förum, þessi gömlu sem höfum verið að synda þarna um áratugaskeið. Því það er ekkert hægt að synda í lauginni sem er úti. Ef þú syndir bringusund þá rekurðu hnén ofan í botninn. Fyrir okkur er þetta bara brottrekstur,“ bætti Þröstur við. Aðspurður hvort þetta væru ekki nauðsynlegar endurbætur á gamalli laug sagði hann að þetta væru ekki bara einfaldar endurbætur heldur umbylting á lauginni. Hann var því hvorki ánægður með tilvonandi breytingar né viðbygginguna sem bættist við 2017. Að lokum sagði hann: „Sundhöllin er listaverk, að mínu mati, og ef þú tekur eitt auga af Móna Lísu þá eyðileggurðu myndina. Þetta er allt hugsað saman. Ef þú eyðileggur innganginn, tekur alla þá skemmtilegu innréttingu sem þar var og hendir henni á haugana þá ertu búinn að taka annað eyrað af Sundhöllinni.“ Reynt að skyggja ekki á gömlu bygginguna Að lokum heyrði undirritaður í Karli Magnúsi Karlssyni, arkitekt hjá VA Arkitektum sem eru ráðgjafar Reykjavíkurborgar við endurbæturnar og sáu um viðbygginguna árið 2017. Hann lýsti ástæðunum fyrir endurbótunum og hverju verður breytt. „Það stendur til að endurgera laugarkerið í innilauginni af því það er komið til ára sinna, er 85 ára og það þarf að steypa það upp alveg aftur. Sundlaugarkerið og sundlaugarbakkinn verða gerð upp á nýtt. Það kallar á að tæknirýmið verði stækkað til að uppfylla nútímakröfur sem eru gerðar um sundstaði um hreinsun vatnsins,“ sagði Karl um breytingarnar. Karl segir stökkbrettin vinsæl en það sé ekki hægt að synda í lauginni á meðan þau eru í notkun. Aðspurður hvort að laugin minnkaði sagði hann að hún yrði áfram jafnlöng. Í dag sé hún 33 metrar með skiptingu í barnalaug og almenna laug. Eftir breytinguna verði öðrum megin sérhluti fyrir dýfingar og hinum megin verði 20 metra sundlaug. Samkvæmt athugun blaðamanns þýðir það fimm metra stytting á almenna hluta laugarinnar. Þeir fimm metrar hljóta þá að bætast við dýfingahlutann - fyrst laugin styttist ekki í heild sinni. Ástæðuna fyrir þessum breytingum segir Karl vera að „Guðjón Samúelsson teiknaði stökkbrettin á sínum tíma og þau eiga að halda sér. Þau eru mjög vinsæl en það er ekki hægt að nota laugina ef þau eru í notkun, þannig það er auglýstur ákveðinn opnunartími á þeim, yfirleitt á kvöldin.“ Gömul ljósmynd úr Fálkanum af Sundhöllinni eins og hún var árið 1938, áður en stökkbrettin komu. Þá verða settar myndavélar í botninn en í dag eru engar myndavélar. Einnig þurfi að stækka tæknirýmið austan megin við húsið sem er orðið úrelt og það kalli væntanlega á viðbyggingu. Hann tekur þó fram að þetta sé allt gert í samráði við Húsafriðunarnefnd og lagt sé upp með að halda formi laugarinnar eins og hægt er. „Við reynum að nota sömu hugmyndafræði við byggingu viðbyggingarinnar á sínum tíma, að sýna gömlu byggingunni virðingu og reyna að skyggja ekki á hana,“ sagði Karl um hugmyndafræðina að baki breytingunum. Þegar kom að lokum samtalsins lagði Karl sérstaka áherslu á að nýting laugarinnar verði áfram óbreytt, hún verði áfram kennslulaug fyrir börn, þar verði áfram flotleikfimi og sund. Miðað við lýsingar virðist ljóst að fastagestir munu geta synt áfram í innilauginni, þó hún styttist mögulega eitthvað. Hvert þeir fara á meðan á framkvæmdum stendur er óvíst. Þá er heldur ekki víst hvort hreintrúarmenn á listaverk Guðjóns Samúelssonar verði sáttir við lokaniðurstöðuna. Sundlaugar Skipulag Arkitektúr Reykjavík Tengdar fréttir Gamall klefi leysir vandamál kvenna í Sundhöllinni: „Þetta var líkast refsingu fyrir að voga mér í sund“ Gamli kvennaklefinn í Sundhöll Reykjavíkur verður opnaður aftur á næstu dögum, fastagestum til mikillar ánægju. Sumir þeirra hafa kvartað sáran yfir því að þurfa að ganga í gegnum allt útisvæðið í vondum veðrum til að komast í innilaugina. 17. mars 2022 07:00 Búa sig undir mikla aðsókn Sundhöll Reykjavíkur verður opnuð aftur þann 3. desember þegar glæsilegt útisvæði verður vígt. 17. nóvember 2017 16:00 Mest lesið Hefja söfnun fyrir fjölskyldu Víglundar Innlent „Glútenóþol var orðið óhreinn hattur yfir þetta allt saman“ Innlent Hinn látni erlendur ríkisborgari á þrítugsaldri Innlent Þekkir ekki eina stelpu sem ekki hefur verið áreitt Innlent Borðaði súrdeigsbrauð og mældist með áfengi í útblæstri Innlent Afar mjótt á munum hjá forsetaframbjóðendum í Póllandi Erlent Segja ógnarstjórn ríkja á Þjóðminjasafninu Innlent Bað um 12 milljónir til að halda tónlistarhátíð í öðru sveitarfélagi Innlent Hefur skilning á báðum sjónarmiðum í Heiðmerkurmálinu Innlent Lækkandi fæðingartíðni er vandamál sem leysist ekki án innflytjenda Innlent Fleiri fréttir „Glútenóþol var orðið óhreinn hattur yfir þetta allt saman“ Ók hlaupahjólinu á tré með pizzu í annarri Hefja söfnun fyrir fjölskyldu Víglundar Borðaði súrdeigsbrauð og mældist með áfengi í útblæstri Hefur skilning á báðum sjónarmiðum í Heiðmerkurmálinu Þekkir ekki eina stelpu sem ekki hefur verið áreitt Umferðartafir vegna framkvæmda við Kringlumýrarbraut í sumar Hinn látni erlendur ríkisborgari á þrítugsaldri Býður til flugveislu á Reykjavíkurflugvelli Sóttu veikan mann í rússneskan togara Lækkandi fæðingartíðni er vandamál sem leysist ekki án innflytjenda Rannsókn lokið í manndrápsmáli Lögðu hald á nokkuð magn fíkniefna og hnífa Sláandi tölur: Kyrkingartökum og eltihrellum fer fjölgandi Mætti með steikarhníf á leikskóla Kyrkingartök og elltihrellahegðun fara vaxandi og myndband af áreitni í miðborginni Grill í ljósum logum úti á svölum Vilja endurbyggja verkstæðið en nágrannar mótmæla harðlega Margra kílómetra bílaröð eftir árekstur á Vesturlandsvegi Halda framkvæmdastjóra Félagsbústaða þrátt fyrir alvarlegt vantraust Telja að maðurinn sé fundinn „Þetta er mjög þungt og erfitt“ „Ég vara mjög við því að menn beiti þessu úrræði“ „Verið að búa til óseðjandi kerfi þar sem bátum mun fjölga“ Eldur kviknaði í vörubíl á Reykjanesbraut Bað um 12 milljónir til að halda tónlistarhátíð í öðru sveitarfélagi „Yndisleg kvöldstund í þessum þunga harmi okkar“ Leit hefst á ný eftir hádegi Klúðursleg rannsókn lögreglu leiddi til sýknu skipstjóra Reknir fyrir að vinna ekki nógu mikið Sjá meira
Í Morgunblaðinu þann 11. júní greindi Steinþór Einarsson, skrifstofu- og rekstrarstjóra íþrótta- og tómstundasviðs Reykjavíkurborgar, frá því að Minjastofnun hefði samþykkt framkvæmdina sem færi nú í útboð. Hann taldi að byrjað yrði á framkvæmdum í desember ef allt gengi eftir í útboðsmálum og þær gætu tekið allt að einu ári. Breytingin hefði ekki áhrif á reksturinn. „Lífsspursmál fyrir húsið að fara í þessa viðgerð“ Undirritaður heyrði í Pétri Ármannssyni, arkitekt, sviðsstjóra hjá Minjastofnun og sérfræðingi um Guðjón Samúelsson. Pétur Ármannsson, sviðsstjóri hjá Minjastofnun, segir breytingarnar á lauginni nauðsynlegar.Vísir/Vilhelm Hann sagði að Sundhöllin væri friðlýst bygging og því þyrftu allar breytingar á húsinu að hljóta samþykki Minjastofnunar. Það væri búið að kynna breytingarnar fyrir Húsafriðunarnefnd og sýna fram á nauðsyn þess að ráðast í viðgerðir. Staðreyndin væri sú að ef ekkert yrði gert við innilaugina myndi hún eyðileggjast. Breytingin væri einfaldlega óumflýjanleg ef nota ætti innilaugina áfram. Það væri „lífsspursmál fyrir húsið að fara í þessa viðgerð,“ sagði Pétur. „Það er lykilatriði að mannvirki sé í notkun og þjóni upprunalegu hlutverki sínu. Það er ekki um neitt annað að ræða en að fara í þessa viðgerð,“ sagði hann að lokum. Áframhaldandi eyðilegging Næst heyrði blaðamaður í Þresti Ólafssyni, fastagesti laugarinnar til áratuga og stjórnarmeðlimi í stjórn Minjaverndar. Þröstur sagði að sér litist ekki vel á breytingarnar. Með þeim væri verið að halda áfram að eyðileggja bygginguna sem hefði staðið í verndarflokki um áratugaskeið. Þröstur Ólafsson er ekki par sáttur með breytingarnar á innilauginni í Sundhöll Reykjavíkur.Aðsend mynd „Það er búið að eyðileggja innganginn og allt sem þar var og búið að breyta sturtuklefanum. Það sem er eftir, er sundlaugin sjálf og karlaklefarnir. Ef hún verður tekin líka og brotin upp verður lítið eftir af þessu,“ sagði Þröstur ómyrkur í máli. „Og ég veit nú ekki hvert við förum, þessi gömlu sem höfum verið að synda þarna um áratugaskeið. Því það er ekkert hægt að synda í lauginni sem er úti. Ef þú syndir bringusund þá rekurðu hnén ofan í botninn. Fyrir okkur er þetta bara brottrekstur,“ bætti Þröstur við. Aðspurður hvort þetta væru ekki nauðsynlegar endurbætur á gamalli laug sagði hann að þetta væru ekki bara einfaldar endurbætur heldur umbylting á lauginni. Hann var því hvorki ánægður með tilvonandi breytingar né viðbygginguna sem bættist við 2017. Að lokum sagði hann: „Sundhöllin er listaverk, að mínu mati, og ef þú tekur eitt auga af Móna Lísu þá eyðileggurðu myndina. Þetta er allt hugsað saman. Ef þú eyðileggur innganginn, tekur alla þá skemmtilegu innréttingu sem þar var og hendir henni á haugana þá ertu búinn að taka annað eyrað af Sundhöllinni.“ Reynt að skyggja ekki á gömlu bygginguna Að lokum heyrði undirritaður í Karli Magnúsi Karlssyni, arkitekt hjá VA Arkitektum sem eru ráðgjafar Reykjavíkurborgar við endurbæturnar og sáu um viðbygginguna árið 2017. Hann lýsti ástæðunum fyrir endurbótunum og hverju verður breytt. „Það stendur til að endurgera laugarkerið í innilauginni af því það er komið til ára sinna, er 85 ára og það þarf að steypa það upp alveg aftur. Sundlaugarkerið og sundlaugarbakkinn verða gerð upp á nýtt. Það kallar á að tæknirýmið verði stækkað til að uppfylla nútímakröfur sem eru gerðar um sundstaði um hreinsun vatnsins,“ sagði Karl um breytingarnar. Karl segir stökkbrettin vinsæl en það sé ekki hægt að synda í lauginni á meðan þau eru í notkun. Aðspurður hvort að laugin minnkaði sagði hann að hún yrði áfram jafnlöng. Í dag sé hún 33 metrar með skiptingu í barnalaug og almenna laug. Eftir breytinguna verði öðrum megin sérhluti fyrir dýfingar og hinum megin verði 20 metra sundlaug. Samkvæmt athugun blaðamanns þýðir það fimm metra stytting á almenna hluta laugarinnar. Þeir fimm metrar hljóta þá að bætast við dýfingahlutann - fyrst laugin styttist ekki í heild sinni. Ástæðuna fyrir þessum breytingum segir Karl vera að „Guðjón Samúelsson teiknaði stökkbrettin á sínum tíma og þau eiga að halda sér. Þau eru mjög vinsæl en það er ekki hægt að nota laugina ef þau eru í notkun, þannig það er auglýstur ákveðinn opnunartími á þeim, yfirleitt á kvöldin.“ Gömul ljósmynd úr Fálkanum af Sundhöllinni eins og hún var árið 1938, áður en stökkbrettin komu. Þá verða settar myndavélar í botninn en í dag eru engar myndavélar. Einnig þurfi að stækka tæknirýmið austan megin við húsið sem er orðið úrelt og það kalli væntanlega á viðbyggingu. Hann tekur þó fram að þetta sé allt gert í samráði við Húsafriðunarnefnd og lagt sé upp með að halda formi laugarinnar eins og hægt er. „Við reynum að nota sömu hugmyndafræði við byggingu viðbyggingarinnar á sínum tíma, að sýna gömlu byggingunni virðingu og reyna að skyggja ekki á hana,“ sagði Karl um hugmyndafræðina að baki breytingunum. Þegar kom að lokum samtalsins lagði Karl sérstaka áherslu á að nýting laugarinnar verði áfram óbreytt, hún verði áfram kennslulaug fyrir börn, þar verði áfram flotleikfimi og sund. Miðað við lýsingar virðist ljóst að fastagestir munu geta synt áfram í innilauginni, þó hún styttist mögulega eitthvað. Hvert þeir fara á meðan á framkvæmdum stendur er óvíst. Þá er heldur ekki víst hvort hreintrúarmenn á listaverk Guðjóns Samúelssonar verði sáttir við lokaniðurstöðuna.
Sundlaugar Skipulag Arkitektúr Reykjavík Tengdar fréttir Gamall klefi leysir vandamál kvenna í Sundhöllinni: „Þetta var líkast refsingu fyrir að voga mér í sund“ Gamli kvennaklefinn í Sundhöll Reykjavíkur verður opnaður aftur á næstu dögum, fastagestum til mikillar ánægju. Sumir þeirra hafa kvartað sáran yfir því að þurfa að ganga í gegnum allt útisvæðið í vondum veðrum til að komast í innilaugina. 17. mars 2022 07:00 Búa sig undir mikla aðsókn Sundhöll Reykjavíkur verður opnuð aftur þann 3. desember þegar glæsilegt útisvæði verður vígt. 17. nóvember 2017 16:00 Mest lesið Hefja söfnun fyrir fjölskyldu Víglundar Innlent „Glútenóþol var orðið óhreinn hattur yfir þetta allt saman“ Innlent Hinn látni erlendur ríkisborgari á þrítugsaldri Innlent Þekkir ekki eina stelpu sem ekki hefur verið áreitt Innlent Borðaði súrdeigsbrauð og mældist með áfengi í útblæstri Innlent Afar mjótt á munum hjá forsetaframbjóðendum í Póllandi Erlent Segja ógnarstjórn ríkja á Þjóðminjasafninu Innlent Bað um 12 milljónir til að halda tónlistarhátíð í öðru sveitarfélagi Innlent Hefur skilning á báðum sjónarmiðum í Heiðmerkurmálinu Innlent Lækkandi fæðingartíðni er vandamál sem leysist ekki án innflytjenda Innlent Fleiri fréttir „Glútenóþol var orðið óhreinn hattur yfir þetta allt saman“ Ók hlaupahjólinu á tré með pizzu í annarri Hefja söfnun fyrir fjölskyldu Víglundar Borðaði súrdeigsbrauð og mældist með áfengi í útblæstri Hefur skilning á báðum sjónarmiðum í Heiðmerkurmálinu Þekkir ekki eina stelpu sem ekki hefur verið áreitt Umferðartafir vegna framkvæmda við Kringlumýrarbraut í sumar Hinn látni erlendur ríkisborgari á þrítugsaldri Býður til flugveislu á Reykjavíkurflugvelli Sóttu veikan mann í rússneskan togara Lækkandi fæðingartíðni er vandamál sem leysist ekki án innflytjenda Rannsókn lokið í manndrápsmáli Lögðu hald á nokkuð magn fíkniefna og hnífa Sláandi tölur: Kyrkingartökum og eltihrellum fer fjölgandi Mætti með steikarhníf á leikskóla Kyrkingartök og elltihrellahegðun fara vaxandi og myndband af áreitni í miðborginni Grill í ljósum logum úti á svölum Vilja endurbyggja verkstæðið en nágrannar mótmæla harðlega Margra kílómetra bílaröð eftir árekstur á Vesturlandsvegi Halda framkvæmdastjóra Félagsbústaða þrátt fyrir alvarlegt vantraust Telja að maðurinn sé fundinn „Þetta er mjög þungt og erfitt“ „Ég vara mjög við því að menn beiti þessu úrræði“ „Verið að búa til óseðjandi kerfi þar sem bátum mun fjölga“ Eldur kviknaði í vörubíl á Reykjanesbraut Bað um 12 milljónir til að halda tónlistarhátíð í öðru sveitarfélagi „Yndisleg kvöldstund í þessum þunga harmi okkar“ Leit hefst á ný eftir hádegi Klúðursleg rannsókn lögreglu leiddi til sýknu skipstjóra Reknir fyrir að vinna ekki nógu mikið Sjá meira
Gamall klefi leysir vandamál kvenna í Sundhöllinni: „Þetta var líkast refsingu fyrir að voga mér í sund“ Gamli kvennaklefinn í Sundhöll Reykjavíkur verður opnaður aftur á næstu dögum, fastagestum til mikillar ánægju. Sumir þeirra hafa kvartað sáran yfir því að þurfa að ganga í gegnum allt útisvæðið í vondum veðrum til að komast í innilaugina. 17. mars 2022 07:00
Búa sig undir mikla aðsókn Sundhöll Reykjavíkur verður opnuð aftur þann 3. desember þegar glæsilegt útisvæði verður vígt. 17. nóvember 2017 16:00