Kounde virðist ætla að velja Barcelona

Það er Fabrizio Romano, sérfræðingur um félagaskiptamarkaðinn, sem greinir frá þessu á twitter-síðu sinni.

Sevilla hefur samþykkt tilboð Chelsea og Barcelona í Kounde en franski landsliðsmaðurinn hefur síðustu daga hugleitt þau kaup og kjör sem Lundúnafélagið bauð honum á dögunum.

Nú virðist sem Kounde hafi gert upp hug sinn og ætli að spila með Katalóníufélaginu. 

Romano segir enn fremur að Xavi, þjálfari Barcelona, hafi hringt í Kounde og freistað þess að sannfæra hann um að spila fyrir það. Það virðist hafa tekist ef marka má tístið Romanos.