Sport

Anníe Mist fór mjög illa með BKG

Óskar Ófeigur Jónsson skrifar
Anníe Mist Þórisdóttir er svolítið stríðin og Björgvin Karl Guðmundsson fékk að kynnast því á dögunum.
Anníe Mist Þórisdóttir er svolítið stríðin og Björgvin Karl Guðmundsson fékk að kynnast því á dögunum. Instagram/@anniethorisdottir

Íslensku CrossFit stjörnurnar Anníe Mist Þórisdóttir og Björgvin Karl Guðmundsson eru bæði stödd í æfingabúðum í Bandaríkjunum þar sem þau eru að undirbúa sig fyrir komandi heimsleika í CrossFit.

Heimsleikarnir fara í ár fram í Madison í Wisconsin fylki frá 3. til 7. ágúst næstkomandi. Það er því enn meira en vika í það að alvaran byrji.

Björgvin Karl keppir áfram í einstaklingskeppninni en Anníe Mist hefur skipt yfir í liðakeppnina. Lið CrossFit Reykjavíkur vann yfirburðasigur í undanúrslitunum og er til alls líklegt í keppninni í ár.

Anníe Mist og Björgvin Karl fóru snemma út til að venjast bæði tímamismundinum og hitanum en þau hafa verið að æfa hjá Triple River CrossFit í Michigan fylki.

Það er nauðsynlegt að hafa líka gaman á milli erfiða æfinga og „galdrakonan“ Anníe Mist skemmti sér aðeins á kostnað BKG eins og sjá má hér fyrir neðan.

Við bíðum síðan örugglega flest spennt eftir því hvernig Björgvin Karl mun hefna sína á Anníe á næstu dögum.

CrossFit

Mest lesið


Fleiri fréttir

Sjá meira


×

Mest lesið