Sakaður um að nýta hjálpartæki ástarlífsins til að svindla á Carlsen Runólfur Trausti Þórhallsson skrifar 16. september 2022 07:01 Viðureignin sem byrjaði þetta allt. Crystal Fuller/Saint Louis Chess Club Málið sem hefur heltekið skákheiminn heldur áfram að taka óvæntar beygjur. Nú hafa sprottið upp orðrómar þess efnis að Hans Niemann hafi nýtt sér hjálpartæki ástarlífsins, kynlífstæki, til að sigra fimmfaldan heimsmeistara Magnus Carlsen. Í grunninn snýst málið um að Magnus Carlsen, margfaldur heimsmeistari í skák og án efa einn besti skákmaður síðari ára og mögulega allra tíma, tapaði nokkuð óvænt fyrir hinum 19 ára gamla Hans Niemann á Sinquefield-skákmótinu. Fyrir viðureign þeirra félaga hafði Carlsen ekki verið sigraður í 53 viðureignum í röð. Heimsmeistarinn dró sig í kjölfarið úr keppni og gaf þar með mögulega frá sér fúlgur fjár. Síðan birti Carlsen færslu á Twitter-síðu sinni þar sem hann gaf til kynna að brögð væru í tafli. Niemann hafði áður gerst sekur um svindl og því fór annars rólegur skákheimur á hliðina. Eftir sigurinn á Carlsen, og umræðuna sem fylgdi, fór Niemann í viðtal þar sem hann opnaði sig upp á gátt varðandi vinnuna sem hann hefur lagt á sig til að verða betri skákmaður. Talaði hann um mistökin sem hann gerði aðeins tólf og sextán ára gamall en það var þá var hann staðinn að svindli. Eftir viðtalið tóku mörg afstöðu með Niemann og töldu að ef til vill væri Carlsen bara bitur yfir að hafa tapað gegn skákmanni sem á svo sannarlega framtíðina fyrir sér. Málinu er þó hvergi nærri lokið og hefur nú tekið gríðarlega óvænta stefnu. Nýjasta útspil þeirra sem telja Niemann hafa svindlað á uppruna sinn á veraldarvefnum og er lygilegt svo ekki sé meira sagt. Það fékk þó byr undir báða vængi þegar Elon Musk, eigandi Tesla og SpaceX ákvað að tjá sig á Twitter-síðu sinni. Orðrómurinn er sá að Niemann hafi verið með aðstoðarmann á sínum snærum sem hafi haft aðgang að sérstöku skákforriti sem segir til um hver sé besti leikurinn hverju sinni. Til að koma skilaboðum áleiðis til Niemann hafi hann sent dulkóðuð, titrandi, skilaboð í svokallaðar endaþarms-kúlur (e. anal beads) sem Niemann hafði sett upp í afturenda sinn á meðan skákin fór fram. Sem sagt: Aðstoðarmaðurinn sá hvað væri best að gera og sendi skilaboð. Kúlurnar titruðu og Niemann lék þann leik - færði þann taflmann - sem gaf honum mestar líkur á sigri. When Hans Niemann beat Magnus Carlsen, the world chess champion, on Sept. 4, he ended Carlsen s 53-game unbeaten streak. He also set into motion a debacle that has turned into one of the biggest chess scandals in years. https://t.co/N25rKKFGQQ— The New York Times (@nytimes) September 13, 2022 Eðlilega hefur Niemann neitað þessum ásökunum. Hann segist vera til í að gera hvað sem er til að sanna að hann sé ekki að svindla. „Ef þeir vilja að ég klæðist spjörunum úr þá mun ég gera það. Mér er alveg sama af því ég veit að ég er saklaus. Ef ég þarf að tefla í lokuðum kassa án rafmagns þá get ég gert það, mér er alveg sama. Ég er hér til að vinna og það er eina markmið mitt,“ var svar Niemann við téðum orðrómum. Ef til vill hefði enginn tekið orðrómana alvarlega nema af því Musk tók undir þá. Hann virðist hafa séð að sér og eytt því sem hann setti inn á Twitter en veraldarvefurinn gleymir engu og það náðist skjáskot af tístinu áður en því var eytt. Tístið umrædda.Twitter@elonmusk Í kjölfar umræðunnar um mögulegt svindl Niemann tjáði Hikaru Nakamura sig um málið en hann er virtur skákmaður. Nakamura telur engar líkur á að Carlsen hafi hætt keppni á Sinquefield-mótinu nema hann hafi verið fullviss um að Niemann væri að svindla. Táningurinn Niemann hefur ásakað Nakamura og aðra um að reyna skemma feril sinn. „Það hlýtur að vera vandræðalegt fyrir heimsmeistarann að tapa gegn hálfvita eins og mér. Ég vorkenni honum,“ sagði Niemann í viðtali skömmu eftir að hafa sigrað Carlsen. Á laugardaginn var gaf Chris Bird, einn af dómurum Sinquefield-mótsins, út yfirlýsingu þess efnis að ekkert benti til þess að það væri maðkur í mysunni. Aðspurður hvort Niemann yrði boðið aftur í St. Louis skákklúbbinn þar sem mótið fer fram, sagði Bird svo vera og að táningurinn hefði þegar samþykkt að taka þátt í haustmóti klúbbsins og væri skráður til leiks. Skák Ásakanir um svindl í skákheiminum Mest lesið Heimir uppskar hrossahlátur: „Sagði ekki farið til fjandans“ Fótbolti „Þá leið mér frekar illa eftir leik“ Fótbolti Palestína gæti komist á HM þrátt fyrir að vera ekki viðurkennt fullvalda ríki Fótbolti Þeir bestu (1. sæti): Afrekaði allt Íslenski boltinn Fyrrum leikmaður Liverpool að ganga í raðir Stjörnunnar Íslenski boltinn Kaupa Delap og eru í viðræðum við Sancho Enski boltinn Sér á eftir Earps en vill ekki ræða hvað fór þeirra á milli Fótbolti Dagskráin í dag: Formúla 1 og golf Sport Knicks héldu sér á lífi Körfubolti Fulltrúi Íslands í áfalli eftir aðalfund sem fór í háaloft: „Eins og eldur í púðurtunnu“ Sport Fleiri fréttir Öll mörkin í Bestu: Stjarnan tætti KR í sig og ÍA valtaði yfir Blika Heimir uppskar hrossahlátur: „Sagði ekki farið til fjandans“ Knicks héldu sér á lífi Palestína gæti komist á HM þrátt fyrir að vera ekki viðurkennt fullvalda ríki Dagskráin í dag: Formúla 1 og golf Eitt Íslandsmet og þrjú gullverðlaun Sér á eftir Earps en vill ekki ræða hvað fór þeirra á milli Kaupa Delap og eru í viðræðum við Sancho „Þá leið mér frekar illa eftir leik“ „Eitthvað sem er í vinnslu og gerist kannski“ Uppgjörið: Stjarnan - KR 4-2 | Frábær byrjun Stjörnunnar skildi KR-inga eftir í reyk Gamla brýnið Allegri tekur við AC Milan Melsungen tapaði toppslagnum „Ef menn leggja sig fram og standa sig vel þá er alltaf stutt í byrjunarliðið” „Það má ekki fagna of mikið“ Fyrrum leikmaður Liverpool að ganga í raðir Stjörnunnar „Lið mega varla komast inn í teig án þess að skora“ Uppgjörið: Breiðablik - ÍA 1-4 | Skagamenn völtuðu yfir Blika „Fannst Víkingarnir ekki eiga skilið neitt út úr þessum leik“ „Unnum klárlega baráttuna í leiknum“ FC Kaupmannahöfn vann tvöfalt Tókst ekki verja titilinn í vítaspyrnukeppni Uppgjörið: Afturelding - Valur 0-2 | Engin vandræði á Val í Mosfellsbæ Uppgjörið: Fram - KA 1-2 | Færeyingurinn hetjan í Úlfarsárdal Uppgjörið: ÍBV - FH 2-1 | Dramatískt sigurmark í Eyjum Hafnaði Manchester fyrir borg englanna Uppgjörið: Vestri - Víkingur | Víkingur vann toppslaginn fyrir vestan Tah til Bayern og sögulegt lið Leverkusen að sundrast Næstyngsta liðið fyrst til að rústa fjórum leikjum á leið í úrslitaeinvígið Þeir bestu (1. sæti): Afrekaði allt Sjá meira
Í grunninn snýst málið um að Magnus Carlsen, margfaldur heimsmeistari í skák og án efa einn besti skákmaður síðari ára og mögulega allra tíma, tapaði nokkuð óvænt fyrir hinum 19 ára gamla Hans Niemann á Sinquefield-skákmótinu. Fyrir viðureign þeirra félaga hafði Carlsen ekki verið sigraður í 53 viðureignum í röð. Heimsmeistarinn dró sig í kjölfarið úr keppni og gaf þar með mögulega frá sér fúlgur fjár. Síðan birti Carlsen færslu á Twitter-síðu sinni þar sem hann gaf til kynna að brögð væru í tafli. Niemann hafði áður gerst sekur um svindl og því fór annars rólegur skákheimur á hliðina. Eftir sigurinn á Carlsen, og umræðuna sem fylgdi, fór Niemann í viðtal þar sem hann opnaði sig upp á gátt varðandi vinnuna sem hann hefur lagt á sig til að verða betri skákmaður. Talaði hann um mistökin sem hann gerði aðeins tólf og sextán ára gamall en það var þá var hann staðinn að svindli. Eftir viðtalið tóku mörg afstöðu með Niemann og töldu að ef til vill væri Carlsen bara bitur yfir að hafa tapað gegn skákmanni sem á svo sannarlega framtíðina fyrir sér. Málinu er þó hvergi nærri lokið og hefur nú tekið gríðarlega óvænta stefnu. Nýjasta útspil þeirra sem telja Niemann hafa svindlað á uppruna sinn á veraldarvefnum og er lygilegt svo ekki sé meira sagt. Það fékk þó byr undir báða vængi þegar Elon Musk, eigandi Tesla og SpaceX ákvað að tjá sig á Twitter-síðu sinni. Orðrómurinn er sá að Niemann hafi verið með aðstoðarmann á sínum snærum sem hafi haft aðgang að sérstöku skákforriti sem segir til um hver sé besti leikurinn hverju sinni. Til að koma skilaboðum áleiðis til Niemann hafi hann sent dulkóðuð, titrandi, skilaboð í svokallaðar endaþarms-kúlur (e. anal beads) sem Niemann hafði sett upp í afturenda sinn á meðan skákin fór fram. Sem sagt: Aðstoðarmaðurinn sá hvað væri best að gera og sendi skilaboð. Kúlurnar titruðu og Niemann lék þann leik - færði þann taflmann - sem gaf honum mestar líkur á sigri. When Hans Niemann beat Magnus Carlsen, the world chess champion, on Sept. 4, he ended Carlsen s 53-game unbeaten streak. He also set into motion a debacle that has turned into one of the biggest chess scandals in years. https://t.co/N25rKKFGQQ— The New York Times (@nytimes) September 13, 2022 Eðlilega hefur Niemann neitað þessum ásökunum. Hann segist vera til í að gera hvað sem er til að sanna að hann sé ekki að svindla. „Ef þeir vilja að ég klæðist spjörunum úr þá mun ég gera það. Mér er alveg sama af því ég veit að ég er saklaus. Ef ég þarf að tefla í lokuðum kassa án rafmagns þá get ég gert það, mér er alveg sama. Ég er hér til að vinna og það er eina markmið mitt,“ var svar Niemann við téðum orðrómum. Ef til vill hefði enginn tekið orðrómana alvarlega nema af því Musk tók undir þá. Hann virðist hafa séð að sér og eytt því sem hann setti inn á Twitter en veraldarvefurinn gleymir engu og það náðist skjáskot af tístinu áður en því var eytt. Tístið umrædda.Twitter@elonmusk Í kjölfar umræðunnar um mögulegt svindl Niemann tjáði Hikaru Nakamura sig um málið en hann er virtur skákmaður. Nakamura telur engar líkur á að Carlsen hafi hætt keppni á Sinquefield-mótinu nema hann hafi verið fullviss um að Niemann væri að svindla. Táningurinn Niemann hefur ásakað Nakamura og aðra um að reyna skemma feril sinn. „Það hlýtur að vera vandræðalegt fyrir heimsmeistarann að tapa gegn hálfvita eins og mér. Ég vorkenni honum,“ sagði Niemann í viðtali skömmu eftir að hafa sigrað Carlsen. Á laugardaginn var gaf Chris Bird, einn af dómurum Sinquefield-mótsins, út yfirlýsingu þess efnis að ekkert benti til þess að það væri maðkur í mysunni. Aðspurður hvort Niemann yrði boðið aftur í St. Louis skákklúbbinn þar sem mótið fer fram, sagði Bird svo vera og að táningurinn hefði þegar samþykkt að taka þátt í haustmóti klúbbsins og væri skráður til leiks.
Skák Ásakanir um svindl í skákheiminum Mest lesið Heimir uppskar hrossahlátur: „Sagði ekki farið til fjandans“ Fótbolti „Þá leið mér frekar illa eftir leik“ Fótbolti Palestína gæti komist á HM þrátt fyrir að vera ekki viðurkennt fullvalda ríki Fótbolti Þeir bestu (1. sæti): Afrekaði allt Íslenski boltinn Fyrrum leikmaður Liverpool að ganga í raðir Stjörnunnar Íslenski boltinn Kaupa Delap og eru í viðræðum við Sancho Enski boltinn Sér á eftir Earps en vill ekki ræða hvað fór þeirra á milli Fótbolti Dagskráin í dag: Formúla 1 og golf Sport Knicks héldu sér á lífi Körfubolti Fulltrúi Íslands í áfalli eftir aðalfund sem fór í háaloft: „Eins og eldur í púðurtunnu“ Sport Fleiri fréttir Öll mörkin í Bestu: Stjarnan tætti KR í sig og ÍA valtaði yfir Blika Heimir uppskar hrossahlátur: „Sagði ekki farið til fjandans“ Knicks héldu sér á lífi Palestína gæti komist á HM þrátt fyrir að vera ekki viðurkennt fullvalda ríki Dagskráin í dag: Formúla 1 og golf Eitt Íslandsmet og þrjú gullverðlaun Sér á eftir Earps en vill ekki ræða hvað fór þeirra á milli Kaupa Delap og eru í viðræðum við Sancho „Þá leið mér frekar illa eftir leik“ „Eitthvað sem er í vinnslu og gerist kannski“ Uppgjörið: Stjarnan - KR 4-2 | Frábær byrjun Stjörnunnar skildi KR-inga eftir í reyk Gamla brýnið Allegri tekur við AC Milan Melsungen tapaði toppslagnum „Ef menn leggja sig fram og standa sig vel þá er alltaf stutt í byrjunarliðið” „Það má ekki fagna of mikið“ Fyrrum leikmaður Liverpool að ganga í raðir Stjörnunnar „Lið mega varla komast inn í teig án þess að skora“ Uppgjörið: Breiðablik - ÍA 1-4 | Skagamenn völtuðu yfir Blika „Fannst Víkingarnir ekki eiga skilið neitt út úr þessum leik“ „Unnum klárlega baráttuna í leiknum“ FC Kaupmannahöfn vann tvöfalt Tókst ekki verja titilinn í vítaspyrnukeppni Uppgjörið: Afturelding - Valur 0-2 | Engin vandræði á Val í Mosfellsbæ Uppgjörið: Fram - KA 1-2 | Færeyingurinn hetjan í Úlfarsárdal Uppgjörið: ÍBV - FH 2-1 | Dramatískt sigurmark í Eyjum Hafnaði Manchester fyrir borg englanna Uppgjörið: Vestri - Víkingur | Víkingur vann toppslaginn fyrir vestan Tah til Bayern og sögulegt lið Leverkusen að sundrast Næstyngsta liðið fyrst til að rústa fjórum leikjum á leið í úrslitaeinvígið Þeir bestu (1. sæti): Afrekaði allt Sjá meira