Viðskipti innlent

Þórunn Odd­ný nýr skrif­stofu­stjóri hjá for­stjóra Land­spítala

Ellen Geirsdóttir Håkansson skrifar
Þórunn Oddný Steinsdóttir, nýr skrifstofustjóri (t.v.) og Anna Sigrún Baldursdóttir fráfarandi skrifstofustjóri.
Þórunn Oddný Steinsdóttir, nýr skrifstofustjóri (t.v.) og Anna Sigrún Baldursdóttir fráfarandi skrifstofustjóri. Landspítalinn, Reykjavíkurborg

Þórunn Oddný Steinsdóttir tekur við af Önnu Sigrúnu Baldursdóttur sem skrifstofustjóri á skrifstofu forstjóra hjá Landspítalanum. Þórunn er lögfræðingur og hefur starfað sem staðgengill skrifstofustjóra og settur skrifstofustjóri í heilbrigðisráðuneytinu. 

Auk þess hefur Þórunn starfað undanfarin átta ár sem sérfræðingur hjá spítalanum en forveri hennar í starfi Anna Sigrún Baldursdóttir lætur af störfum þann 1. október. Hún starfaði í níu ár sem aðstoðarmaður forstjóra spítalans og síðar sem framkvæmdastjóri. 

Anna Sigrún hefur verið ráðin sem skrifstofustjóri og leiðtogi öldrunarmála hjá velferðarsviði Reykjavíkurborgar. Hún er hjúkrunarfræðingur að mennt og hefur ríka reynslu af því að vera stjórnandi í opinberri þjónustu. 

Vistaskipti Landspítalinn Eldri borgarar Reykjavík


Mest lesið


Fleiri fréttir

Sjá meira


×

Mest lesið