Innlent

Segist aldrei hafa haft sam­band við Brynjólf til að hóta brott­rekstri

Tryggvi Páll Tryggvason skrifar
Inga Sæland er formaður Flokks fólksins.
Inga Sæland er formaður Flokks fólksins. Vísir/Vilhelm

Inga Sæland, formaður Flokks fólksins, segist hvorki hafa hótað því að rekja Brynjólf Ingvarsson, fyrrverandi bæjarfulltrúa flokksins á Akureyri, úr flokknum né að draga slíka hótun til baka.

Þetta kemur fram í Facebook-færslu Ingu þar sem hún vísar í umræður á bæjarstjórnarfundi bæjarstjórnar Akureyrar í gær. Þar kvaddi Brynjólfur sér til hljóðs til að útskýra sína aðkomu að því máli sem kom upp innan flokksins á Akureyri.

Málið snýst um meinta niðrandi og framkomu karla í Flokki fólksins á Akureyri gegn flokkssystrum sínum. Síðan það kom upp hefur ýmislegt verð látið flakka og ásakanir um svik og pretti gengið á bága bóga.

Í síðustu viku sögðu Brynjólfur Ingason og Jón Hjaltason sig úr flokknum og gáfu þeir út að þeir myndu mynda nýja hreyfingu í bæjarstjórn. Þeir eru verulega ósáttir við það hvernig flokkurinn hefur tekið á málinu.

Á bæjarstjórnarfundi í gær fór Brynjólfur yfir málið og sagði þar meðal annars að þann 6. september hafi hann fengið orðsendingu frá formanni flokkins Ingu, um að hann yrði að fara án tafar í veikindaleyfi, ella verið vikið úr flokknum. Brottrekstur hans hafi hins vegar afturkallaður síðar. Í viðtali við Vísi þann 14. september sagði Brynjólfur það sama.

Í færslu á Facebook segir Inga hins vegar að þarna sé verið að ljúga upp á formanninn, líkt og hún orðar það.

„[É]g hef aldrei haft samband við Brynjólf Ingvarsson og hótað honum brottvikningu úr Flokki fólksins og aldrei heldur dregið neitt slíkt til baka. Hér er óhætt að segja að frjálslega sé farið með staðreyndir svo ekki sé meira sagt,“ skrifar Inga.

Flokkur fólksins Akureyri Sveitarstjórnarmál Deilur innan Flokks fólksins á Akureyri

Tengdar fréttir

Sitja sem fastast og mynda eigin hreyfingu í bæjarstjórn

Brynjólfur Ingvarsson bæjarfulltrúi á Akureyri mun sitja áfram þrátt fyrir að vera genginn úr Flokki fólksins. Það mun Jón Hjaltason varabæjarfulltrúi líka gera. Þeir hyggjast þétta raðirnar og koma af stað hreyfingu sem berst fyrir kjörum hinna verst settu.

Úr­sagnir og brott­rekstur úr Flokki fólksins vegna á­sakana

Brynjólfur Ingvarsson og Jón Hjaltason, fulltrúar Flokks fólksins á Akureyri hafa sagt sig úr flokknum. Einnig hefur Hjörleifi Hallgríms Herbertssyni verið vikið úr flokknum. Þetta kemur í kjölfar ásakana flokksystra þeirra um hegðun mannanna gagnvart þeim en stjórn flokksins sendi frá sér tilkynningu hvað málið varðar rétt í þessu.

Hjörleifur hafi sagst aldrei leggja hendur á konur nema í rúminu

Málfríður Þórðardóttir, Tinna Guðmundsdóttir og Hannesína Scheving Virgild Chester segjast fullar vanlíðunar og kvíða vegna samskipta sinna við þrjá karla á lista flokksins. Allir hafi beitt þær andlegu ofbeldi og einn gerst sekur um kynferðislega áreitni.

Saka konurnar um lygar og segja varaformanninn hafðan að fífli

Brynjólfur Ingvarsson, oddviti Flokks fólksins á Akureyri, og Jón Hjaltason, þriðji maður á lista flokksins, segja fullyrðingar þriggja kvenna sem skipa annað, fjórða og fimmta sætið þess efnis að karlar í forystu flokksins fyrir norðan hafi sýnt þeim lítilsvirðingu og jafnvel áreitt þær, fjarri öllu sanni.

Mest lesið


Fleiri fréttir

Sjá meira


×

Mest lesið