Viðskipti erlent

Porsche verð­mætasti bíla­fram­leiðandi Evrópu

Bjarki Sigurðsson skrifar
Marga dreymir um að eignast Porsche-bifreið einn daginn.
Marga dreymir um að eignast Porsche-bifreið einn daginn. Getty/Allison Dinner

Porsche er orðinn verðmætasti bílaframleiðandi Evrópu. Félagið tók yfir Volkswagen í vikunni og er nú 85 milljarða dollara virði sem samsvarar tólf þúsund milljörðum íslenskra króna.

Hlutabréf í þýska bílaframleiðandanum Porsche hækkuðu um tæplega fimmtán prósent í gærmorgun og er fyrirtækið nú átta milljörðum dollara meira virði en Volkswagen. 

Næst á eftir Volkswagen koma Mercedes Benz, BMW og Stellantis. Stellantis varð til í fyrra við sameiningu PSA og Fiat Chrysler. Porsche, Benz og BMW eru öll frá Þýskalandi en Stellantis er með höfuðstöðvar í Hollandi. 

Bílar Þýskaland


Mest lesið


Fleiri fréttir

Sjá meira


×

Mest lesið