Verkalýðsfélögin sundruð til viðræðna við stjórnvöld Heimir Már Pétursson skrifar 12. október 2022 19:40 Þing Alþýðusambandsins er æðsta stofnun í málefnum þess. Þótt forysta VR og Eflingar hafi yfirgefið þingið í gær mættu nokkrir tugir fulltrúa VR á þingið í dag. Stöð 2/Steingrímur Dúi Verkalýðsfélögin á almenna vinnumarkaðnum koma að óbreyttu sundruð til viðræðna við stjórnvöld í tengslum við komandi kjarasamninga. Starfandi forseti Alþýðusambandsins segir það skyldu sína að reyna að ná sáttum við þau stóru stéttarfélög sem gengu af þingi sambandsins, sem í dag var frestað fram á næsta vor. Forystufólk fjölmennustu aðildarfélaga Alþýðusambandsins, Eflingar og VR ásamt formanni Verkalýðsfélags Akraness og Starfsgreinasambandsins gengu út af þingi þess í gær og drógu framboð sín til forystustarfa til baka. Þrátt fyrir þetta mættu tugir fulltrúa VR á þingið í dag þar sem fyrsta mál á dagskrá var að taka afstöðu til tillögu um að fresta þinginu og þar með kjöri nýrrar forystu fram á næsta vor. Sú tillaga var samþykkt með 183 atkvæðum gegn tuttugu. Kristján Þórður Snæbjarnarson mun því leiða ASÍ fram yfir komandi kjarasamninga. Kristján Þórður Snæbjarnarson tók sem fyrsti varaforseti ASÍ við forsetaembættinu þegar Drífa Snædal sagði af sér forsetaembættinu í ágúst.Stöð 2/Steingrímur Dúi „Við þurfum að reyna að sameina hópinn hjá okkur. Þurfum að tryggja að Alþýðusambandið verði sterk heild. Til þess þurfum við tíma,“ sagði Kristján Þórður eftir að þinginu hafði verið frestað í dag. Þingið hafi ákveðið að gefa tíma til þessa samtals. Kristján Þórður tók við forsetaembættinu þegar Drífa Snædal sagði af sér hinn 10. ágúst vegna átaka og ásakana frá forystu VR og Eflingar. Eftir það bauð formaður VR sig fram í forsetaembættið og formaður Eflingar í embætti fyrsta varaforseta sem þau drógu til baka í gær. Þetta 45. þing Alþýðusambandsins fer örugglega í sögubækurnar sem eitt mesta átakaþing þessa rúmlega hundrað ára gamla sambands. Spurningin er hvernig kemur þetta út fyrir komandi kjaraviðræður. Þing Alþýðusambandsins er æðsta stofnun í málefnum þess. Þótt forysta VR og Eflingar hafi yfirgefið þingið í gær mættu nokkrir tugir fulltrúa VR á þingið í dag.Stöð 2/Steingrímur Dúi „Við höfum ekki tekið ákvörðun um samningamálin. Samningsumboðið liggur hjá aðildarfélögunum. Það verður þannig áfram. Við erum ekki að breyta því hér,“ segir starfandi forseti ASÍ. Vonandi leiði samtal innan hreyfingarinnar til þess að félögin nái saman. Að minnsta kosti varðandi viðræður við stjórnvöld í tengslum við komandi samninga. Er ekki slæmt núna þegar samningaviðræður eru að hefjast að Alþýðusambandið mæti kannski halt til leiks? „Það er ekki óskastaða að vera sundruð á þeim tímapunkti,“ segir Kristján Þórður. Samningaviðræður væru hafnar og fari á fullt á næstu vikum. Greina mætti áherslumun á kröfum einstakra sambanda í viðræðum við atvinnurekendur. „En það er samt sem áður hægt að sjá ákveðna þræði í gegnum þær flestar hverjar. En áferðarmunurinn er þó nokkur samt sem áður,“ segir Kristján Þórður. Ólöf Helga Adolfsdóttir bauð sig fram til forseta Alþýðusambandsins og var ein í framboði eftir að Ragnar Þór Ingólfsson formaður VR dró framboð sitt til baka í gær.Stöð 2/Egill Ólöf Helga Adolfsdóttir sem beið lægri hlut í formannskjöri í Eflingu í febrúar og var í framboði til forseta ASÍ nú hefði viljað að þinginu hefði verið fram haldið og kosið um forystuna. Æskilegast væri að sættir tækjust þannig að þessi stóru félög héldu áfram að starfa innan Alþýðusambandsins. Það munar auðvitað um þau þar? „Jú algerlega. En það er alveg á hreinu að það er ekki gert einhliða. Báðir aðilar þurfa að vera tilbúnir til að koma að borðinu,“segir Ólöf Helga. ASÍ Vinnumarkaður Ólga innan Eflingar Tengdar fréttir Segir Ólöfu Helgu veruleikafirrta og valdsjúka Sólveig Anna Jónsdóttir formaður Eflingar segir Ólöfu Helgu Adolfsdóttur, frambjóðanda til forseta ASÍ, veruleikafirrta. Sólveig hafnar því að hún og félagar Eflingar viðstaddir þingi ASÍ hafi strunsað út af þinginu. Hún segir að þau hafi fylkt liði í samstöðu hvert við annað. 12. október 2022 12:45 Þingi ASÍ frestað með þorra atkvæða Þingi ASÍ var rétt í þessu frestað fram á næsta vor með þorra atkvæða. Tillagan var samþykkt með 183 atkvæðum þingfulltrúa gegn 20. Kristján Þórður Snæbjarnarson, formaður Rafiðnaðarsambands Íslands, verður því áfram forseti sambandsins. Ólöf Helga Adolfsdóttir, ritari stjórnar Eflingar, sem bauð sig fram til forseta sambandsins, greiddi atkvæði gegn tillögunni. 12. október 2022 11:28 Vonar að þremenningarnir sjái að hreyfingin þurfi á öllum að halda Ólöf Helga Adolfsdóttir, frambjóðandi til forseta ASÍ, segist vona að verkalýðsleiðtogarnir þrír sem strunsuðu út af þingi sambandsins í gær sjái að hreyfingin þurfi á öllum að halda. Ásakanir þremenninganna um persónuárásir komi henni þó spánskt fyrir sjónir. 12. október 2022 10:10 Stendur tæpt að stjórnarkjör geti farið fram í dag Mæti fulltrúar VR og Eflingar ekki á þing ASÍ í dag, þar sem fram á að fara stjórnarkjör, stendur tæpt að kosningin geti farið fram. Minnst 50 prósent þingfulltrúanna þurfa að vera viðstödd til að hægt sé að halda áfram með kosninguna en aðeins fjóra fulltrúa vantar upp á til að VR og Efling séu með helming þingfulltrúa. 12. október 2022 08:48 Mest lesið Meintur þjófur leitaði til lögreglu vegna framkvæmdastjórans Innlent Sagði sig úr þingmannahóp: „Ég læt ekki nota mig í slíkum tilgangi“ Innlent Lauma sér inn í útfarir og senda kirkjuvörðum fingurinn Innlent Gripinn glóðvolgur í skjóli nætur við að tappa af bílnum Innlent Ágengir ferðamenn hafi sært syrgjandi Mýrdælinga Innlent Vonast til að spáin rætist ekki: Rigning og 22 metrar á sekúndu Innlent Halla og Björn ætla til Nýja Íslands Innlent Dóttirin í Súlunesi ákærð Innlent Langtímarannsóknir skorti á áhrifum kreatíns Innlent „Þetta er auðvitað stórhættulegt“ Innlent Fleiri fréttir Fundu týnda brú við Suðurlandsbraut Engin framlög til jarðganga en óljós áform um innviðafélag Hvað á að gera um Verslunarmannahelgina? Þyrlan kölluð út vegna fjórhjólaslyss Ökumaður stöðvaður og kærður fyrir fjölmörg umferðalagabrot Lauma sér inn í útfarir og senda kirkjuvörðum fingurinn Versta sviðsmyndin, galið greiðslumat og óvæntur fundur Fimm prósent fallið fyrir ástarsvikum Halla og Björn ætla til Nýja Íslands Engin fjármögnun gereyðingarvopna á Íslandi Enn varað við svikapóstum: „Við hlökkum til að fá jákvæða svörun frá þér“ Samstarfið við Íra og Frakka tímafrekt Hefja gjaldtöku við höfnina í Stykkishólmi Ágengir ferðamenn hafi sært syrgjandi Mýrdælinga Neyðarástand á Gasa og ágengir túristar angra kirkjugesti Dóttirin í Súlunesi ákærð Vonast til að spáin rætist ekki: Rigning og 22 metrar á sekúndu Rannsaka áhrif samfélagsmiðla á heilastarfsemi barna Meintur þjófur leitaði til lögreglu vegna framkvæmdastjórans Gat ekki sannað að verkstæðið tjónaði vélina Mögulegur fyrirboði um goslok Fundaði með Guterres: Tveggja ríkja lausnin sé eina lausnin Ungir menn staðnir að því að skjóta gelkúlum á vegfarendur Enn gýs úr einum megingíg og virknin nokkuð stöðug Langtímarannsóknir skorti á áhrifum kreatíns „Þetta er auðvitað stórhættulegt“ Styttist í háþróuð gervigreindarsvindl á íslensku Setja þurfi meiri þunga í hagsmunagæslu gagnvart ESB Neyðast til að endurbyggja grunnskólann vegna myglu Bílar fullir af bensínbrúsum séu úti um alla borg Sjá meira
Forystufólk fjölmennustu aðildarfélaga Alþýðusambandsins, Eflingar og VR ásamt formanni Verkalýðsfélags Akraness og Starfsgreinasambandsins gengu út af þingi þess í gær og drógu framboð sín til forystustarfa til baka. Þrátt fyrir þetta mættu tugir fulltrúa VR á þingið í dag þar sem fyrsta mál á dagskrá var að taka afstöðu til tillögu um að fresta þinginu og þar með kjöri nýrrar forystu fram á næsta vor. Sú tillaga var samþykkt með 183 atkvæðum gegn tuttugu. Kristján Þórður Snæbjarnarson mun því leiða ASÍ fram yfir komandi kjarasamninga. Kristján Þórður Snæbjarnarson tók sem fyrsti varaforseti ASÍ við forsetaembættinu þegar Drífa Snædal sagði af sér forsetaembættinu í ágúst.Stöð 2/Steingrímur Dúi „Við þurfum að reyna að sameina hópinn hjá okkur. Þurfum að tryggja að Alþýðusambandið verði sterk heild. Til þess þurfum við tíma,“ sagði Kristján Þórður eftir að þinginu hafði verið frestað í dag. Þingið hafi ákveðið að gefa tíma til þessa samtals. Kristján Þórður tók við forsetaembættinu þegar Drífa Snædal sagði af sér hinn 10. ágúst vegna átaka og ásakana frá forystu VR og Eflingar. Eftir það bauð formaður VR sig fram í forsetaembættið og formaður Eflingar í embætti fyrsta varaforseta sem þau drógu til baka í gær. Þetta 45. þing Alþýðusambandsins fer örugglega í sögubækurnar sem eitt mesta átakaþing þessa rúmlega hundrað ára gamla sambands. Spurningin er hvernig kemur þetta út fyrir komandi kjaraviðræður. Þing Alþýðusambandsins er æðsta stofnun í málefnum þess. Þótt forysta VR og Eflingar hafi yfirgefið þingið í gær mættu nokkrir tugir fulltrúa VR á þingið í dag.Stöð 2/Steingrímur Dúi „Við höfum ekki tekið ákvörðun um samningamálin. Samningsumboðið liggur hjá aðildarfélögunum. Það verður þannig áfram. Við erum ekki að breyta því hér,“ segir starfandi forseti ASÍ. Vonandi leiði samtal innan hreyfingarinnar til þess að félögin nái saman. Að minnsta kosti varðandi viðræður við stjórnvöld í tengslum við komandi samninga. Er ekki slæmt núna þegar samningaviðræður eru að hefjast að Alþýðusambandið mæti kannski halt til leiks? „Það er ekki óskastaða að vera sundruð á þeim tímapunkti,“ segir Kristján Þórður. Samningaviðræður væru hafnar og fari á fullt á næstu vikum. Greina mætti áherslumun á kröfum einstakra sambanda í viðræðum við atvinnurekendur. „En það er samt sem áður hægt að sjá ákveðna þræði í gegnum þær flestar hverjar. En áferðarmunurinn er þó nokkur samt sem áður,“ segir Kristján Þórður. Ólöf Helga Adolfsdóttir bauð sig fram til forseta Alþýðusambandsins og var ein í framboði eftir að Ragnar Þór Ingólfsson formaður VR dró framboð sitt til baka í gær.Stöð 2/Egill Ólöf Helga Adolfsdóttir sem beið lægri hlut í formannskjöri í Eflingu í febrúar og var í framboði til forseta ASÍ nú hefði viljað að þinginu hefði verið fram haldið og kosið um forystuna. Æskilegast væri að sættir tækjust þannig að þessi stóru félög héldu áfram að starfa innan Alþýðusambandsins. Það munar auðvitað um þau þar? „Jú algerlega. En það er alveg á hreinu að það er ekki gert einhliða. Báðir aðilar þurfa að vera tilbúnir til að koma að borðinu,“segir Ólöf Helga.
ASÍ Vinnumarkaður Ólga innan Eflingar Tengdar fréttir Segir Ólöfu Helgu veruleikafirrta og valdsjúka Sólveig Anna Jónsdóttir formaður Eflingar segir Ólöfu Helgu Adolfsdóttur, frambjóðanda til forseta ASÍ, veruleikafirrta. Sólveig hafnar því að hún og félagar Eflingar viðstaddir þingi ASÍ hafi strunsað út af þinginu. Hún segir að þau hafi fylkt liði í samstöðu hvert við annað. 12. október 2022 12:45 Þingi ASÍ frestað með þorra atkvæða Þingi ASÍ var rétt í þessu frestað fram á næsta vor með þorra atkvæða. Tillagan var samþykkt með 183 atkvæðum þingfulltrúa gegn 20. Kristján Þórður Snæbjarnarson, formaður Rafiðnaðarsambands Íslands, verður því áfram forseti sambandsins. Ólöf Helga Adolfsdóttir, ritari stjórnar Eflingar, sem bauð sig fram til forseta sambandsins, greiddi atkvæði gegn tillögunni. 12. október 2022 11:28 Vonar að þremenningarnir sjái að hreyfingin þurfi á öllum að halda Ólöf Helga Adolfsdóttir, frambjóðandi til forseta ASÍ, segist vona að verkalýðsleiðtogarnir þrír sem strunsuðu út af þingi sambandsins í gær sjái að hreyfingin þurfi á öllum að halda. Ásakanir þremenninganna um persónuárásir komi henni þó spánskt fyrir sjónir. 12. október 2022 10:10 Stendur tæpt að stjórnarkjör geti farið fram í dag Mæti fulltrúar VR og Eflingar ekki á þing ASÍ í dag, þar sem fram á að fara stjórnarkjör, stendur tæpt að kosningin geti farið fram. Minnst 50 prósent þingfulltrúanna þurfa að vera viðstödd til að hægt sé að halda áfram með kosninguna en aðeins fjóra fulltrúa vantar upp á til að VR og Efling séu með helming þingfulltrúa. 12. október 2022 08:48 Mest lesið Meintur þjófur leitaði til lögreglu vegna framkvæmdastjórans Innlent Sagði sig úr þingmannahóp: „Ég læt ekki nota mig í slíkum tilgangi“ Innlent Lauma sér inn í útfarir og senda kirkjuvörðum fingurinn Innlent Gripinn glóðvolgur í skjóli nætur við að tappa af bílnum Innlent Ágengir ferðamenn hafi sært syrgjandi Mýrdælinga Innlent Vonast til að spáin rætist ekki: Rigning og 22 metrar á sekúndu Innlent Halla og Björn ætla til Nýja Íslands Innlent Dóttirin í Súlunesi ákærð Innlent Langtímarannsóknir skorti á áhrifum kreatíns Innlent „Þetta er auðvitað stórhættulegt“ Innlent Fleiri fréttir Fundu týnda brú við Suðurlandsbraut Engin framlög til jarðganga en óljós áform um innviðafélag Hvað á að gera um Verslunarmannahelgina? Þyrlan kölluð út vegna fjórhjólaslyss Ökumaður stöðvaður og kærður fyrir fjölmörg umferðalagabrot Lauma sér inn í útfarir og senda kirkjuvörðum fingurinn Versta sviðsmyndin, galið greiðslumat og óvæntur fundur Fimm prósent fallið fyrir ástarsvikum Halla og Björn ætla til Nýja Íslands Engin fjármögnun gereyðingarvopna á Íslandi Enn varað við svikapóstum: „Við hlökkum til að fá jákvæða svörun frá þér“ Samstarfið við Íra og Frakka tímafrekt Hefja gjaldtöku við höfnina í Stykkishólmi Ágengir ferðamenn hafi sært syrgjandi Mýrdælinga Neyðarástand á Gasa og ágengir túristar angra kirkjugesti Dóttirin í Súlunesi ákærð Vonast til að spáin rætist ekki: Rigning og 22 metrar á sekúndu Rannsaka áhrif samfélagsmiðla á heilastarfsemi barna Meintur þjófur leitaði til lögreglu vegna framkvæmdastjórans Gat ekki sannað að verkstæðið tjónaði vélina Mögulegur fyrirboði um goslok Fundaði með Guterres: Tveggja ríkja lausnin sé eina lausnin Ungir menn staðnir að því að skjóta gelkúlum á vegfarendur Enn gýs úr einum megingíg og virknin nokkuð stöðug Langtímarannsóknir skorti á áhrifum kreatíns „Þetta er auðvitað stórhættulegt“ Styttist í háþróuð gervigreindarsvindl á íslensku Setja þurfi meiri þunga í hagsmunagæslu gagnvart ESB Neyðast til að endurbyggja grunnskólann vegna myglu Bílar fullir af bensínbrúsum séu úti um alla borg Sjá meira
Segir Ólöfu Helgu veruleikafirrta og valdsjúka Sólveig Anna Jónsdóttir formaður Eflingar segir Ólöfu Helgu Adolfsdóttur, frambjóðanda til forseta ASÍ, veruleikafirrta. Sólveig hafnar því að hún og félagar Eflingar viðstaddir þingi ASÍ hafi strunsað út af þinginu. Hún segir að þau hafi fylkt liði í samstöðu hvert við annað. 12. október 2022 12:45
Þingi ASÍ frestað með þorra atkvæða Þingi ASÍ var rétt í þessu frestað fram á næsta vor með þorra atkvæða. Tillagan var samþykkt með 183 atkvæðum þingfulltrúa gegn 20. Kristján Þórður Snæbjarnarson, formaður Rafiðnaðarsambands Íslands, verður því áfram forseti sambandsins. Ólöf Helga Adolfsdóttir, ritari stjórnar Eflingar, sem bauð sig fram til forseta sambandsins, greiddi atkvæði gegn tillögunni. 12. október 2022 11:28
Vonar að þremenningarnir sjái að hreyfingin þurfi á öllum að halda Ólöf Helga Adolfsdóttir, frambjóðandi til forseta ASÍ, segist vona að verkalýðsleiðtogarnir þrír sem strunsuðu út af þingi sambandsins í gær sjái að hreyfingin þurfi á öllum að halda. Ásakanir þremenninganna um persónuárásir komi henni þó spánskt fyrir sjónir. 12. október 2022 10:10
Stendur tæpt að stjórnarkjör geti farið fram í dag Mæti fulltrúar VR og Eflingar ekki á þing ASÍ í dag, þar sem fram á að fara stjórnarkjör, stendur tæpt að kosningin geti farið fram. Minnst 50 prósent þingfulltrúanna þurfa að vera viðstödd til að hægt sé að halda áfram með kosninguna en aðeins fjóra fulltrúa vantar upp á til að VR og Efling séu með helming þingfulltrúa. 12. október 2022 08:48