„Lífið er mikilvægara en körfubolti“ Ingvi Þór Sæmundsson skrifar 19. október 2022 09:00 Styrmir Snær Þrastarson hlustar á Lárus Jónsson, þjálfara Þórs, í leikhléi gegn Haukum á föstudaginn. vísir/diego Eftir rúmt ár í Davidson háskólanum í Bandaríkjunum er Styrmir Snær Þrastarson kominn aftur heim í Þór Þorlákshöfn. Hann segist finna sig betur í evrópska körfuboltanum en þeim bandaríska og þá höfðu veikindi í fjölskyldunni úrslitaáhrif á að hann ákvað að snúa aftur heim. Margir ráku upp stór augu þegar Styrmir mætti til leiks með Þórsurum þegar þeir öttu kappi við Hauka í 2. umferð Subway deildarinnar á föstudaginn. Þetta var fyrsti leikur Styrmis með Þór síðan liðið tryggði sér Íslandsmeistaratitilinn með sigri á Keflavík 26. júní í fyrra. Styrmir skoraði sex stig og tók átta fráköst í leiknum gegn Haukum sem Hafnfirðingar unnu, 90-84. Styrmir lék svo sinn annan leik með Þór þegar liðið laut í lægra haldi fyrir Hetti, 78-75, í 32-liða úrslitum VÍS-bikarsins á sunnudaginn. Hann skoraði 23 stig í leiknum, tók sjö fráköst og gaf þrjár stoðsendingar. „Undanfarnar vikur var ég búinn að pæla í því hvort þetta væri það sem mig langaði að gera; að vera þarna úti. Fyrir tveimur vikum komu svo upp veikindi í fjölskyldunni og þá ákvað ég að koma heim,“ sagði Styrmir í samtali við Vísi í gær. Hann segir að hugmyndin um að koma aftur heim hafi byrjað að gerjast með honum í sumar þegar hann æfði og spilaði með landsliðinu. „Það er allt öðruvísi leikstíll í Bandaríkjunum en í Evrópu og mér finnst evrópski stílinn skemmtilegri og henta mér betur.“ Ætlar aftur út Styrmir fékk ekki mörg tækifæri með Davidson á fyrsta tímabili sínu með skólanum sem spilaði inn í þá ákvörðun hans að koma aftur heim. „Mér var lofað hlutverki í fyrra en svo vorum við með rosalega gott lið. Í sumar misstum við marga leikmenn og ég var kominn í stærra hlutverk en svo koma þessi veikindi upp í fjölskyldunni. Og lífið er stærra en körfubolti þannig ég ákvað að taka skrefið heim,“ sagði Styrmir sem gerir ráð fyrir að spila með Þór út þetta tímabil. Eftir það setur hann stefnuna á atvinnumennsku í Evrópu. Styrmir fagnar Íslandsmeistaratitlinum 2021.vísir/hulda margrét „Auðvitað ætla ég að reyna að ná markmiðum mínum að komast sem lengst í Evrópu,“ sagði Styrmir sem var með ýmsa möguleika í stöðunni í sumar. „Það var áhugi í sumar frá Íslandi og Evrópu. En ég lét reyna á Davidson og lét svo engan vita að ég væri að koma heim nema Lárus [Jónsson] þjálfara Þórs.“ Hjá Davidson fetaði Styrmir í fótspor Jóns Axels Guðmundssonar en Grindvíkingurinn er í miklum metum hjá skólanum eftir frábær ár með honum. Hann var meðal annars valinn besti leikmaður A-10 deildarinnar sem Davidson spilar í. Átti bara að vera skytta í horninu Styrmir segir að viðbrigðin að fara út í háskólaboltann hafi verið nokkur. „Bæði og. Ég vissi að þetta yrði allt öðruvísi. Þegar ég kom út var ég settur í allt öðruvísi hlutverk en ég var í hér heima og fékk ekki mörg tækifæri. En ég lærði helling á því,“ sagði Styrmir og bætti við að hlutverkaskipanin í háskólaboltanum sé afmarkaðri en hér heima. „Ég var eiginlega bara orðin skytta í hornunum í staðinn fyrir að vera með boltann og keyra á körfuna.“ Styrmir var ekki alveg sáttur með það mót sem hann var settur í vestanhafs.vísir/diego Viðbrigðin að flytja að heiman og búa í öðru landi voru þó ekki jafn mikil og Styrmir bjóst við. „Í rauninni ekki. Það kom mér á óvart hversu auðvelt það var. Auðvitað saknaði maður þess að búa heima hjá fjölskyldunni en þetta var auðveldara en ég hélt. Það erfiðasta var örugglega að vera í skóla á öðru tungumáli,“ sagði Styrmir. Örugglega sá gáfaðasti sem hefur kennt mér körfu Fyrsta og eina tímabil Styrmis hjá Davidson var jafnframt síðasta tímabil Bobs McKillop með liðið en hann hætti þjálfun þess í vor eftir 33 ára starf. Eftirminnilegasta tímabil hans við stjórnvölinn var 2008-09 þegar Villikettirnir frá Davidson komust í átta liða úrslit úrslitakeppninnar, leiddir áfram af engum öðrum en Stephen Curry. Þórsarar hafa tapað öllum þremur leikjum sínum á tímabilinu.vísir/diego „Það var geggjað að spila fyrir hann. Hann kenndi mér mjög mikið og þetta er einn af þessum mönnum sem þú hlustar á þegar hann talar. Hann bullar ekkert. Hann segir hlutina eins og þeir eru og er örugglega gáfaðasti maður sem hefur kennt mér körfu,“ sagði Styrmir. Mætti ósofinn eftir Ameríkuflug í fyrsta leikinn Undirbúningur Styrmis fyrir leikinn gegn Haukum á föstudaginn var ansi skrautlegur, svo ekki sé fastar að orði kveðið. „Ég lenti um morguninn, fór á hádegisæfingu og var ekki búinn að sofa í 24 tíma og ekki búinn að borða mikið þegar ég fór í leikinn. Ég var þreyttur og pirraði mig full mikið á hlutum sem ég á ekki vera að pirra mig yfir. Þetta var ekki beint draumaundirbúningur,“ sagði Styrmir hlæjandi að lokum. Subway-deild karla Þór Þorlákshöfn Bandaríski háskólakörfuboltinn Mest lesið Sjáðu slagsmálin eftir jöfnunarmark Blika Íslenski boltinn Enginn Íslendingur á heimsleikunum í fyrsta sinn í sautján ár Sport Drakk áfengi í fyrsta sinn eftir hann varð NBA meistari Körfubolti Sjáðu langt viðtal við Óskar eftir 6-1 tap: „Nauðsynlegt fyrir íslenskan fótbolta að KR verkefnið sé til“ Sport Barðist fyrir Viggó við erfiðar aðstæður: „Ég vildi þetta ekki“ Handbolti Emma mjög ánægð með hvernig tekið var á eltihrelli hennar Sport Bestu mörkin: Völdu draumalið Íslands á EM og engin þeirra eru eins Fótbolti Lofar að taka „Siu“ fagn Ronaldo ef hann skorar á móti Messi Fótbolti Halldór: Sundur spiluðum Fram Fótbolti „KR-ingar stundum sjálfum sér verstir“ Sport Fleiri fréttir Drakk áfengi í fyrsta sinn eftir hann varð NBA meistari Sjáðu þegar Tyrese Haliburton virðist slíta hásin í oddaleiknum OKC byrjað að undirbúa sigurhátíð sína fyrir leikinn Tom Brady setur LeBron James fyrir ofan Jordan Bara fjögur útilið hafa unnið oddaleik um NBA titilinn Durant var uppi á sviði þegar hann frétti af skiptunum Kevin Durant fer til Houston Rockets Valur fær öflugan leikmann með gríðarlanga lokka Meistararnir fá góðan liðsstyrk að norðan Benedikt í Fjölni Hilmar Smári og Ægir endursemja við Stjörnuna Snýr aftur á Álftanes með hunangið Bragi semur við nýliðana Basile áfram á Króknum „Ætluðum ekki að leyfa þeim að fagna titli á okkar heimavelli“ Pacers knúðu fram oddaleik Íslensku stelpurnar unnu silfrið á Norðurlandamótinu Fór frá bróður og Keflavík: „Þarf ekkert litla bróður sinn með sér í liði“ Buss fjölskyldan selur Los Angeles Lakers fyrir metupphæð Hæsta kona heims lék sinn fyrsta landsleik Rúnar Birgir á EuroBasket Dolezaj til liðs við nýliðana Álftnesingar krækja í lykilmann Keflavíkur ÍR-ingar næla sér í leikmann úr Íslandsmeistaraliði Stjörnunnar Hætta í miðju úrslitaeinvígi og enginn meistari krýndur Dóttirin talar íslensku: Í úrslitum NBA og meira tengd Íslandi en áður Þrumuleikur frá Jalen Williams og Thunder einum sigri frá titlinum Semja við íslenska kjarnann í liði Íslandsmeistaranna Ótrúleg endurkoma og allt jafnt í úrslitaeinvíginu Hin stórstjarna Celtics þurfti einnig að fara undir hnífinn Sjá meira
Margir ráku upp stór augu þegar Styrmir mætti til leiks með Þórsurum þegar þeir öttu kappi við Hauka í 2. umferð Subway deildarinnar á föstudaginn. Þetta var fyrsti leikur Styrmis með Þór síðan liðið tryggði sér Íslandsmeistaratitilinn með sigri á Keflavík 26. júní í fyrra. Styrmir skoraði sex stig og tók átta fráköst í leiknum gegn Haukum sem Hafnfirðingar unnu, 90-84. Styrmir lék svo sinn annan leik með Þór þegar liðið laut í lægra haldi fyrir Hetti, 78-75, í 32-liða úrslitum VÍS-bikarsins á sunnudaginn. Hann skoraði 23 stig í leiknum, tók sjö fráköst og gaf þrjár stoðsendingar. „Undanfarnar vikur var ég búinn að pæla í því hvort þetta væri það sem mig langaði að gera; að vera þarna úti. Fyrir tveimur vikum komu svo upp veikindi í fjölskyldunni og þá ákvað ég að koma heim,“ sagði Styrmir í samtali við Vísi í gær. Hann segir að hugmyndin um að koma aftur heim hafi byrjað að gerjast með honum í sumar þegar hann æfði og spilaði með landsliðinu. „Það er allt öðruvísi leikstíll í Bandaríkjunum en í Evrópu og mér finnst evrópski stílinn skemmtilegri og henta mér betur.“ Ætlar aftur út Styrmir fékk ekki mörg tækifæri með Davidson á fyrsta tímabili sínu með skólanum sem spilaði inn í þá ákvörðun hans að koma aftur heim. „Mér var lofað hlutverki í fyrra en svo vorum við með rosalega gott lið. Í sumar misstum við marga leikmenn og ég var kominn í stærra hlutverk en svo koma þessi veikindi upp í fjölskyldunni. Og lífið er stærra en körfubolti þannig ég ákvað að taka skrefið heim,“ sagði Styrmir sem gerir ráð fyrir að spila með Þór út þetta tímabil. Eftir það setur hann stefnuna á atvinnumennsku í Evrópu. Styrmir fagnar Íslandsmeistaratitlinum 2021.vísir/hulda margrét „Auðvitað ætla ég að reyna að ná markmiðum mínum að komast sem lengst í Evrópu,“ sagði Styrmir sem var með ýmsa möguleika í stöðunni í sumar. „Það var áhugi í sumar frá Íslandi og Evrópu. En ég lét reyna á Davidson og lét svo engan vita að ég væri að koma heim nema Lárus [Jónsson] þjálfara Þórs.“ Hjá Davidson fetaði Styrmir í fótspor Jóns Axels Guðmundssonar en Grindvíkingurinn er í miklum metum hjá skólanum eftir frábær ár með honum. Hann var meðal annars valinn besti leikmaður A-10 deildarinnar sem Davidson spilar í. Átti bara að vera skytta í horninu Styrmir segir að viðbrigðin að fara út í háskólaboltann hafi verið nokkur. „Bæði og. Ég vissi að þetta yrði allt öðruvísi. Þegar ég kom út var ég settur í allt öðruvísi hlutverk en ég var í hér heima og fékk ekki mörg tækifæri. En ég lærði helling á því,“ sagði Styrmir og bætti við að hlutverkaskipanin í háskólaboltanum sé afmarkaðri en hér heima. „Ég var eiginlega bara orðin skytta í hornunum í staðinn fyrir að vera með boltann og keyra á körfuna.“ Styrmir var ekki alveg sáttur með það mót sem hann var settur í vestanhafs.vísir/diego Viðbrigðin að flytja að heiman og búa í öðru landi voru þó ekki jafn mikil og Styrmir bjóst við. „Í rauninni ekki. Það kom mér á óvart hversu auðvelt það var. Auðvitað saknaði maður þess að búa heima hjá fjölskyldunni en þetta var auðveldara en ég hélt. Það erfiðasta var örugglega að vera í skóla á öðru tungumáli,“ sagði Styrmir. Örugglega sá gáfaðasti sem hefur kennt mér körfu Fyrsta og eina tímabil Styrmis hjá Davidson var jafnframt síðasta tímabil Bobs McKillop með liðið en hann hætti þjálfun þess í vor eftir 33 ára starf. Eftirminnilegasta tímabil hans við stjórnvölinn var 2008-09 þegar Villikettirnir frá Davidson komust í átta liða úrslit úrslitakeppninnar, leiddir áfram af engum öðrum en Stephen Curry. Þórsarar hafa tapað öllum þremur leikjum sínum á tímabilinu.vísir/diego „Það var geggjað að spila fyrir hann. Hann kenndi mér mjög mikið og þetta er einn af þessum mönnum sem þú hlustar á þegar hann talar. Hann bullar ekkert. Hann segir hlutina eins og þeir eru og er örugglega gáfaðasti maður sem hefur kennt mér körfu,“ sagði Styrmir. Mætti ósofinn eftir Ameríkuflug í fyrsta leikinn Undirbúningur Styrmis fyrir leikinn gegn Haukum á föstudaginn var ansi skrautlegur, svo ekki sé fastar að orði kveðið. „Ég lenti um morguninn, fór á hádegisæfingu og var ekki búinn að sofa í 24 tíma og ekki búinn að borða mikið þegar ég fór í leikinn. Ég var þreyttur og pirraði mig full mikið á hlutum sem ég á ekki vera að pirra mig yfir. Þetta var ekki beint draumaundirbúningur,“ sagði Styrmir hlæjandi að lokum.
Subway-deild karla Þór Þorlákshöfn Bandaríski háskólakörfuboltinn Mest lesið Sjáðu slagsmálin eftir jöfnunarmark Blika Íslenski boltinn Enginn Íslendingur á heimsleikunum í fyrsta sinn í sautján ár Sport Drakk áfengi í fyrsta sinn eftir hann varð NBA meistari Körfubolti Sjáðu langt viðtal við Óskar eftir 6-1 tap: „Nauðsynlegt fyrir íslenskan fótbolta að KR verkefnið sé til“ Sport Barðist fyrir Viggó við erfiðar aðstæður: „Ég vildi þetta ekki“ Handbolti Emma mjög ánægð með hvernig tekið var á eltihrelli hennar Sport Bestu mörkin: Völdu draumalið Íslands á EM og engin þeirra eru eins Fótbolti Lofar að taka „Siu“ fagn Ronaldo ef hann skorar á móti Messi Fótbolti Halldór: Sundur spiluðum Fram Fótbolti „KR-ingar stundum sjálfum sér verstir“ Sport Fleiri fréttir Drakk áfengi í fyrsta sinn eftir hann varð NBA meistari Sjáðu þegar Tyrese Haliburton virðist slíta hásin í oddaleiknum OKC byrjað að undirbúa sigurhátíð sína fyrir leikinn Tom Brady setur LeBron James fyrir ofan Jordan Bara fjögur útilið hafa unnið oddaleik um NBA titilinn Durant var uppi á sviði þegar hann frétti af skiptunum Kevin Durant fer til Houston Rockets Valur fær öflugan leikmann með gríðarlanga lokka Meistararnir fá góðan liðsstyrk að norðan Benedikt í Fjölni Hilmar Smári og Ægir endursemja við Stjörnuna Snýr aftur á Álftanes með hunangið Bragi semur við nýliðana Basile áfram á Króknum „Ætluðum ekki að leyfa þeim að fagna titli á okkar heimavelli“ Pacers knúðu fram oddaleik Íslensku stelpurnar unnu silfrið á Norðurlandamótinu Fór frá bróður og Keflavík: „Þarf ekkert litla bróður sinn með sér í liði“ Buss fjölskyldan selur Los Angeles Lakers fyrir metupphæð Hæsta kona heims lék sinn fyrsta landsleik Rúnar Birgir á EuroBasket Dolezaj til liðs við nýliðana Álftnesingar krækja í lykilmann Keflavíkur ÍR-ingar næla sér í leikmann úr Íslandsmeistaraliði Stjörnunnar Hætta í miðju úrslitaeinvígi og enginn meistari krýndur Dóttirin talar íslensku: Í úrslitum NBA og meira tengd Íslandi en áður Þrumuleikur frá Jalen Williams og Thunder einum sigri frá titlinum Semja við íslenska kjarnann í liði Íslandsmeistaranna Ótrúleg endurkoma og allt jafnt í úrslitaeinvíginu Hin stórstjarna Celtics þurfti einnig að fara undir hnífinn Sjá meira
Sjáðu langt viðtal við Óskar eftir 6-1 tap: „Nauðsynlegt fyrir íslenskan fótbolta að KR verkefnið sé til“ Sport
Sjáðu langt viðtal við Óskar eftir 6-1 tap: „Nauðsynlegt fyrir íslenskan fótbolta að KR verkefnið sé til“ Sport