Fótbolti

Albert skaut Genoa í 16-liða úrslit

Hjörtur Leó Guðjónsson skrifar
Albert Guðmundsson fagnar marki sínu í dag.
Albert Guðmundsson fagnar marki sínu í dag. Matteo Ciambelli/DeFodi Images via Getty Images

Albert Guðmundsson skoraði eina mark leiksins er Genoa vann 1-0 sigur gegn Spal í 32-liða úrslitum ítölsku bikarkeppninnar, Coppa Italia, í dag.

Albert var á sínum stað í byrjunarliði Genoa í dag, en hann var tekinn af velli þegar tæpar fimm mínútur voru til leiksloka.

Hann fór þó ekki af velli án þess að setja mark sitt í leikinn því hann kom heimamönnum í Genoa í forystu með marki af vítapunktinum í uppbótartíma fyrri hálfleiks og staðan var því 1-0 þegar liðin gegnu til búningsherbergja.

Þetta reyndist svo eina mark leiksins og niðurstaðan því 1-0 sigur Genoa. Albert og félagar eru því á leið í 16-liða úrslit ítalska bikarsins, en Spal situr eftir með sárt ennið.

Ítalski boltinn

Mest lesið


Fleiri fréttir

Sjá meira


×

Mest lesið